1 Juan 1:9 - Ti Baro a Naimbag a Damag Biblia

⁹ Ngem no ipudnotayo dagiti basbasoltayo, tungpalenna ti karina ket aramidenna ti maitutop. Pakawanenna dagiti basoltayo ket ugasannatayo iti amin a kinadakestayo.

Ti Biblia (1973)

⁹ No ipudnotayo dagiti basbasoltayo, isu ti mapagtalcan ken nalinteg a mamacawan cadagiti basbasoltayo, ken mangugas cadatayo iti amin a kinakillo.

1 Juan 1:9 Iomraidhean Croise

1 Ar-ari 8:30

Ipangagmo dagiti kararagko ken dagiti kararag dagiti tattaom no agkararagda kenka iti daytoy a disso. Iti taengmo dita langit, ipangagnakami ket pakawanennakami.

1 Ar-ari 8:47

ipangagmo koma ti kararag dagiti tattaom. Iti dayta a daga, no agbabawi ken agkararagda ket ipudnoda kenka ti kinamanagbasol ken kinadakesda, ipangagmo koma, O Apo, dagiti kararagda.

Nehemias 1:6

Kitaennak, O Apo, ket denggem ti kararagko iti aldaw ken rabii a panangidawdawatko kadagiti Israelita nga adipenmo. Ipudnok a nagbasolkami, dakami nga Israelita. Wen, nagbasolkami, siak ken dagiti kapuonak.

Dagiti Salmo 19:12

Saan a madlaw ti tao ti bukodna a biddut; isalakannak ngarud kadagiti diak makita a babakko.

Dagiti Salmo 32:5

Impudnok kenka dagiti basolko; diak inlimed dagiti labsingko. “Inkeddengko nga ipudno kenka dagiti basbasolko,” kinunak, ket pinakawanmo dagiti amin a salungasingko.

Exodo 34:7

Tungpalek ti karik iti rinibribu a kaputotan, ket pakawanek ti kinadakes, panagsalungasing ken basol. Ngem dusaek a dusaen dagiti annak ken appoko agingga iti maikatlo ken maikapat a kaputotan gapu kadagiti basol dagiti ammada.”

Dagiti Proverbio 28:13

Pulos a dikanto agballigi no padasem nga ilemmeng dagiti basolmo. Ipudnom ida ken agbabawika, ket kaasiannakanto ti Dios.

Isaias 45:21

Umaykayo ket idatagyo dagiti kasoyo iti pangukoman, bay-anyo nga agiinnuman dagiti naidarum. Siasino ti nangipadto idi un-unana, a daytoyto ti mapasamak? Saan aya a siak, ni Yahweh, ti Dios a mangisalakan kadagiti tattaona? Awanen ti sabali a Dios, malaksid kaniak.

Jeremias 3:13

Isuna laeng nga annugotem ti basolmo kaniak ket sinukirmo ni Yahweh a Diosmo. Ipudnom kaniak nga inayatmo dagiti didiosen iti sirok ti tunggal nalangto a kayo, ket dimo impangag dagiti bilinko. Siak, ni Yahweh, ti nagsao iti daytoy.

Jeremias 33:8

Dalusakto ida kadagiti biddutda. Pakawanekto dagiti basbasolda ken ti panagsukirda kaniak.

Dungdung-aw 3:23

Mapabaroda iti tunggal bigat. Ania ketdin a kinamatalekmo.

Ezekiel 36:25

Warsiankayto iti nadalus a danum ket madalusankayto iti amin nga didiosen ken amin a nangtulaw kadakayo.

Ezekiel 37:23

Didanton tulawan dagiti bagida babaen kadagiti makarimon a didiosen wenno mulitan dagiti bagida iti basol. Ispalekto ida iti amin a kita ti panagbasol ken panangliputda kaniak. Dalusakto ida; isudanto dagiti tattaok ket siakto ti Diosda.

Zacarias 9:9

Agrag-okayo, tattao ti Sion, agrag-okayo! Agdir-ikay iti ragsak, tattao ti Jerusalem! Kitaenyo, umayen kadakayo ti ariyo! Umay a sibaballigi ngem napakumbaba; umay a nakasakay iti asno, iti urbon ti asno.

San Mateo 3:6

Nagbabawida a silalatak kadagiti basbasolda ket binuniagan ida ni Juan idiay karayan Jordan.

San Marcos 1:5

Adu ti napan nagdengngeg kenkuana. Naggapuda iti entero a probinsia ti Judea ken iti siudad ti Jerusalem. Nagbabawida a silalatak kadagiti basbasolda ket binuniagan ida ni Juan idiay karayan Jordan.

San Lucas 22:57

“Babai, diak am-ammo dayta a tao!” inlibak ni Pedro.

San Juan 17:25

Nalinteg nga Ama, saannaka nga am-ammo ti lubong, ngem am-ammoka, ket ammoda nga imbaonnak.

Dagiti Aramid 19:18

Adu kadagiti mamati ti immay ket silalatak nga inaklon ken impudnoda dagiti kakastoy nga inaramidda.

Taga-Roma 3:26

Ngem iti agdama a tiempo, dina palabasenen ti basol ti tao tapno ipakitana ti kinalintegna. Kastoy ti panangipakita ti Dios a nalinteg ti aramidna, ket palintegenna ti amin a mamati ken ni Jesus.

1 Taga-Corinto 1:9

Mapagtalkan ti Dios a nangpili kadakayo a makikadua iti Anakna, ni Jesu-Cristo nga Apotayo.

1 Taga-Corinto 6:11

Kasta ti sumagmamano kadakayo idi. Ngem naugasankayon iti basol, naidatonkayon iti Dios, napalintegkayon iti imatang ti Dios babaen iti nagan ni Apotayo a Jesu-Cristo ken babaen iti Espiritu ti Diostayo.

Taga-Efeso 5:26

Inaramidna daytoy tapno pasantoenna ti iglesia iti Dios babaen iti panangugasna iti danum ken saona,

Deuteronomio 7:9

Laglagipenyo a ti Apo a Diosyo ti maymaysa a Dios ken mapagtalkan. Tungpalennanto ti tulagna ket iparangarangnanto ti di agbalbaliw nga ayatna iti rinibu a kaputotan kadagiti agayat kenkuana ken agtulnog kadagiti bilinna,

1 Timoteo 1:15

Pudno daytoy a pagsasao a rumbeng nga awaten ken patien: Immay ni Cristo Jesus ditoy lubong tapno isalakanna dagiti managbasol. Siak ti kadadaksan kadakuada.

Tito 2:14

Inyawatna ti biagna gapu kadatayo tapno isalakannatay iti amin a kinadakes ket pagbalinennatayo a nadalus a tattao nga agpaay kenkuana ken napasnek nga agaramid iti naimbag.

Hebreo 10:23

Agtalinaedtayo ngarud a natibker iti namnamatayo agsipud ta mapagtalkan ti Dios a mangtungpal iti karina.

Hebreo 11:11

Babaen iti pammati, naparaburan ni Sara iti gundaway nga agsikog nupay baketen agsipud ta nagtalek a tungpalen ti Dios ti inkarina.

Hebreo 6:10

Nalinteg ti Dios. Dinanto lipaten ti aramidyo, kayatna a sawen, ti ayat nga impaayyo kenkuana babaen iti panangtulongyo ken ti panangtultulongyo pay laeng kadagiti kakabsatyo iti pammati.

1 Juan 1:7

Ngem no agbiagtayo iti lawag, a kas iti kaaddana iti lawag, agkakaduatayo ngarud, ket ti dara ni Jesus nga Anakna ugasannatayo iti amin a basol.

Paltiing 15:3

Ket kankantaenda ti kanta ni Moises nga adipen ti Dios, ken ti kanta ti Kordero: “Apo Dios a Mannakabalin-amin Natan-ok ken nakaskasdaaw dagiti aramidmo! Ari dagiti pagilian. Nalinteg ken napudno dagiti dalanmo!