1 Juan 1:8 - Ti Baro a Naimbag a Damag Biblia

⁸ No kunatayo nga awan basoltayo iti Dios, allilawentayo ti bagitayo ket saan nga agtaeng ti kinapudno kadatayo.

Ti Biblia (1973)

⁸ No cunaentayo nga awan ti basoltayo, allilawentayo ti bagitayo met laeng, ket ti pudno awan cadatayo.

1 Juan 1:8 Iomraidhean Croise

1 Ar-ari 8:46

“No agbasol kenka dagiti tattaom ta awan met ti tao a di agbasol—ket gapu iti pungtotmo, ipalubosmo a parmeken ida dagiti kabusorda ken italawda ida a kas balud iti sabali a daga, asideg man wenno adayo,

2 Ar-ari 20:15

“Ania ti nakitada iti palasio?” “Nakitada amin. Awan ti saanko nga impakita kadakuada nga adda kadagiti pagiduldulinan.”

2 Cronicas 6:36

“No agbasol dagiti tattaom kenka—ta awan ti tao a saan nga agbasol—ket gapu iti pungtotmo, bay-am a parmeken ida dagiti kabusorda a mangibalud kadakuada iti sabali a pagilian, uray no adayo dayta a pagilian,

Ti Libro ni Job 14:4

Adda kadi nadalus nga agtaud iti narugit a tao?

Ti Libro ni Job 15:14

Adda aya tao a nadalus? Adda kadi nalinteg iti imatang ti Dios?

Ti Libro ni Job 25:4

Adda aya tao a nalinteg iti imatang ti Dios? Adda aya maibilang a nadalus iti sangoananna?

Dagiti Salmo 143:2

Dinak kadi ukomen nga adipenmo; awan ti saan a nagbasol iti imatangmo.

Dagiti Proverbio 20:9

Adda ngata tao a makaibaga a nadalus ti konsensiana, a tinallikudannan dagiti basolna?

Eclesiastes 7:20

Awan nalinteg a tao ditoy daga a di agbiddut ken kanayon a naimbag ti aramidna.

Isaias 53:6

Mayarigtay amin iti karnero a napukaw, nagturong ti tunggal maysa iti kinaykayatna. Ngem impabaklay ti Apo kenkuana ti dusa a maipatay koma kadatayo.

Isaias 64:6

Managbasolkami amin; uray dagiti kasayaatan nga aramidmi mayarigda iti nakarugrugit a nisnis. Gapu kadagiti basolmi, mayarigkami iti nagango a bulong a mayang-angin.

Jeremias 2:35

kunam pay laeng, ‘Awan basolko; awan duadua a nagbaawen ti pungtot ti Apo kaniak.’ Ngem siak, ni Yahweh, dusaenkanto gapu ta ilibakmo a nagbasolka.

Levitico 13:12

No nagwarasen ti saksakiten iti entero a bagina, manipud saka agingga iti ulo,

San Juan 8:44

Annaknakayo ti Diablo nga amayo, ket kayatyo a tungpalen ti pagayatanna. Mammapatayen manipud idi damo ket pulos a dina kanunongan ti pudno, ta awan kenkuana ti pudno. No agulbod, ar-aramidenna laeng ti natural kenkuana ta sigud nga ulbod ken ama ti amin a kinaulbod.

Taga-Roma 3:10

Kas kuna ti Nasantoan a Surat: “Awan ti uray maysa a nalinteg a tao,

Taga-Roma 3:23

Nagbasol amin a tattao ket agkurangda iti kinadayag ti Dios.

1 Taga-Corinto 3:18

Awan koma ti mangallilaw iti bagina. No adda kadakayo ti mangipagarup iti bagina a masirib, babaen iti alagaden ti lubong, agbalin koma a maag tapno agbalin a napaypayso a masirib.

Taga-Galacia 6:3

No pagarupen ti maysa a tao nga adda kabaelanna, idinto nga awan met, al-allilawenna laeng ti bagina.

1 Timoteo 6:5

ken kanayon a panagsusuppiat dagiti tattao a rinuker ti panunotda ket awanen ti kinapudno kadakuada. Ipagarupda a maysa a pagsapulan ti relihion.

2 Timoteo 3:13

Ngem dumakdakesto dagiti dakes a tattao ken manangallilaw, ket agtultuloydanto a mangallilaw ken paallilaw.

Santiago 1:22

Ngem diyo allilawen ti bagiyo. Saan nga umdas a dumngegkayo laeng. Babaen iti aramid, ipakitayo ketdi a dumngegkay iti sao.

Santiago 1:26

Mabalin a mamatika a naimbagka a Kristiano. Ngem no dimo matengngel ti dilam, allilawem ti bagim ta awan serserbi ti kinarelihiosom.

Santiago 3:2

Masansan nga agbidduttay amin. Naan-anay ti tao a pulos a di agbiddut iti isaona, ket kabaelanna a gawidan ti bagina.

2 Pedro 2:13

Gapu ta pinagsagabada dagiti sabali a tattao, agsagabadanto met. Ta kitaenyo, tapno matungpal dagiti nailasagan a tarigagayda, aggangganasda iti nalabes a panagraragsakda uray tengnga ti aldaw! Dumar-ayda met iti panagsasangoyo iti panganan, ngem nakababain ken nakaal-alas ti aramidda. Maragsakanda la unay iti panangallilawda kadakayo.

1 Juan 1:10

No kunatayo a ditay nagbasol, pagbalinentayo nga ulbod ti Dios, ket saan nga agtaeng ti saona kadatayo.

1 Juan 1:6

No kunatayo a makikadkaduatayo kenkuana, ngem agbibiagtayo met iti sipnget, ulbodtayo iti sao ken aramid.

1 Juan 2:4

No adda agkuna nga am-ammona ti Dios ngem dina met tungpalen dagiti bilinna, ulbod ti kasta a tao ket saan nga agtaeng ti kinapudno kenkuana.

1 Juan 4:20

Ulbod ti agkuna nga ay-ayatenna ti Dios ngem guraenna met ti kabsatna. Ta dina mabalin nga ayaten ti Dios a dina makita, no dina ayaten ti kabsatna a makitana.

2 Juan 1:2

agsipud ta agtalinaed kadatayo ti pudno, ket addanto nga agnanayon kadatayo.

3 Juan 1:3

Kasta unay ti ragsakko idi simmangpet dagiti kakabsat ket imbagada kaniak ti panagtalinaedmo iti pudno. Wen, ta agpayso met nga agbibiagka iti kinapudno.