1 Juan 1:3 - Ti Baro a Naimbag a Damag Biblia

³ Ngarud, ibagami ti nakita ken nangngegmi tapno mairamankayo met iti pannakikadkaduami iti Ama ken ni Jesu-Cristo nga Anakna.

Ti Biblia (1973)

³ Ti nakitami ken ti nangngegmi, isuda dagiti ipacaammomi cadacayo, tapno dacayo adda pacaicadcadduaanyo cadacami; wen, ket pudno a ti pannakicadcadduatayo adda iti Ama ken iti Anacna, a Jesu-Cristo:

1 Juan 1:3 Iomraidhean Croise

Ti Libro ni Job 13:1

Nangnangngegko idin dagiti ibagbagayo; maawatak amin ida. Ammok met ti ammoyo; saanak a nababbaba ngem dakayo.

Dagiti Salmo 2:7

Kuna ti ari, “Ipakaammok ti imbilin ti Apo. Kinunana kaniak, ‘Sika ti anakko, Ita nga aldaw, nagbalinak nga amam.

Dagiti Salmo 22:22

Saritaekto kadagiti kailiak ti naganmo; kadagiti kongregasion idaydayawkanto:

Isaias 66:19

ket maammoandanto a siak ti mangdusa kadakuada. Ngem ispalekto ti sumagmamano kadakuada tapno maibaonda kadagiti pagilian ken kadagiti adayo a daga a dipay nakadamag kaniak wenno nakakita iti dayag ken pannakabalinko. Ibaonkonto ida idiay Espania, Libya ken Lydia, agraman dagiti pumapana a tattaona ken idiay Tubal ken Grecia. Ibagadanto kadagitoy a nasion ti kinatan-okko.

Numero 10:32

No kumuyogka, ibingayandakanto iti amin nga iparabur kadakami ti Apo.”

San Juan 17:11

Ita, umayakon kenka, Nasantoan nga Ama. Awanakon iti lubong, ngem addada iti lubong. Aywanam ngarud ida babaen iti pannakabalin ti naganmo nga intedmo kaniak tapno agmaymaysada a kas kadata.

San Juan 17:21

Ikarkararagko nga agmaymaysada amin. Ama, addada koma kadata, a kas iti kaaddam kaniak ken iti kaaddak kenka. Agmaymaysada koma tapno patien ti lubong nga imbaonnak.

San Juan 17:25

Nalinteg nga Ama, saannaka nga am-ammo ti lubong, ngem am-ammoka, ket ammoda nga imbaonnak.

San Juan 17:3

Ket ti biag nga agnanayon isu daytoy: ti pannakaammo dagiti tattao kenka, a sika ti kakaisuna a pudno a Dios, ken ti pannakaammoda ken ni Jesu-Cristo nga imbaonmo.

San Juan 19:35

Daydi nakakita iti daytoy a napasamak, paneknekanna ti kinapudno daytoy tapno mamatikayo met. Pudno ti imbagana ket ammona a pudno ti sasawenna.)

Dagiti Aramid 13:32

Ket addakami ditoy a mangyeg kadakayo iti Naimbag a Damag nga inkari ti Dios nga aramidenna kadagiti kapuonantayo.

Dagiti Aramid 13:41

‘Kitaenyo, dakayo a nauyaw! Agsiddaaw ken mataykayo! Ta ti ar-aramidek iti panawenyo, Pulos a diyonto patien, Uray no adda mangilawlawag kadakayo.’”

Dagiti Aramid 2:42

Inaramatda ti tiempoda a nagsursuro kadagiti apostoles. Nakikadkaduada kadakuada, nakipimpinnisida iti tinapay ken nagmaymaysada iti panagkarkararag.

Dagiti Aramid 20:27

Ta diak nagliway a nangipakpakaammo kadakayo iti amin a panggep ti Dios.

Dagiti Aramid 4:20

Saan a mabalin a dimi ipakaammo dagiti nakita ken nangngegmi.”

Taga-Roma 15:27

Isuda met laeng ti akinnakem a tumulong. Kinapudnona, rebbengda ti tumulong kadagiti napanglaw idiay Jerusalem, ta no nakiranud dagiti Hentil kadagiti naespirituan a bendision dagiti Judio, rebbeng met ngarud dagiti Hentil a pagserbi kadagiti Judio dagiti material a bendisionda.

1 Taga-Corinto 1:30

Ngem inyasidegnakayo ti Dios ken ni Cristo Jesus tapno makikadkaduatayo kenkuana, ket pinagbalinna nga isu ti kinasiribtayo. Babaen ken ni Cristo, mapalintegtayo iti Dios, mapagsantotayo ken mawayawayaantayo.

1 Taga-Corinto 1:9

Mapagtalkan ti Dios a nangpili kadakayo a makikadua iti Anakna, ni Jesu-Cristo nga Apotayo.

1 Taga-Corinto 15:1

Kakabsat, kayatko nga ipalagip kadakayo ti Naimbag a Damag nga inkasabak kadakayo, nga inawatyo ket pagbatayan a sititibker ti pammatiyo.

Taga-Efeso 3:6

Daytoy ti palimed: Babaen iti ebanghelio, mairaman dagiti Hentil kadagiti Judio nga umawat iti bendision ti Dios. Kamkamengda iti isu met laeng a bagi, ket mairamanda iti inkari ti Dios ken ni Cristo Jesus.

Taga-Filipos 1:7

Kanayon nga addakayo iti pusok. Maiparbeng a kastoy ti riknak kadakayo ta nakiramankay amin iti daytoy a parabur nga impangruna nga inted ti Dios kaniak, uray idi siwayawayaak pay a mangsalaknib ken mangpatalged iti ebanghelio, ken uray pay ita nga addaak iti pagbaludan.

Taga-Filipos 2:1

Mapapigsakayo iti panagbiagyo ken ni Cristo ken maliwliwakayo gapu iti ayatna. Adda pannakikadkaduayo iti Espiritu ket agdidinnungngo ken makipagriknakayo iti tunggal maysa.

Taga-Filipos 3:10

Ti la tarigagayak isu ti pannakaammok ken ni Cristo, ti pannakapadasko iti pannakabalin ti panagungarna, ti pannakipagsagabak kenkuana ken ti panagbalinko a kas kenkuana iti ipapatayna,

Taga-Colosas 1:13

Inispalnatayo iti pannakabalin ti sipnget ket impannatayo iti pagarian ti dungdungngoenna nga Anak.

1 Taga-Tesalonica 1:10

Sarsaritaenda pay ti panagur-urayyo iti yaay ti Anakna nga aggapu sadi langit. Isu daytoy ni Jesus a pinagungarna ken mangisalakanto kadatayo inton ukomen ti Dios dagiti tattao gapu kadagiti basbasolda.

1 Timoteo 6:2

Dagiti tagabu dagiti appo a mamati, masapul met a saanda a laisen dagiti pagserserbianda gapu ta agkakabsatda iti pammati. Nasaysayaat koma ketdi ti panagserbida gapu ta dagiti aglak-am iti panagserbida, mamatida met ken napategda a kakabsat. Isurom ken ikasabam dagitoy.

Hebreo 2:12

ket kunana, “Ipakaammokanto kadagiti kakabsatko, O Dios; Idaydayawkanto iti imatang ti gimong.”

Hebreo 3:1

Isut' gapuna, kakabsatko a napili, dakayo nga inayaban met ti Dios, panunotenyo ni Jesus nga imbaon ti Dios ken agakem a Kangatoan a Padi ti pammatitayo.

Hebreo 3:14

Ta kaduanatayo ni Cristo no la ket agtalinaedtayo a natibker iti panagtalek kas naipakita idi damo a namatitayo.

1 Pedro 5:1

Agdawatak kadakayo, padak a panglakayen ti iglesia. Maysaak a saksi iti panagsagaba ni Cristo, ken mairamanakto met iti dayag a maiparangarang. Igunamgunamko ngarud kadakayo nga

2 Pedro 1:16

Dikami nagusar kadagiti naparbo a sarsarita idi impakaammomi kadakayo ti mannakabalin a yaay ni Apotayo a Jesu-Cristo. Ammomi ti sarsaritaenmi ta nakitami a mismo ti nadiosan a kinadayagna.

1 Juan 1:1

Isuratmi kadakayo ti nangngeg ken nakitami maipapan iti Sao ti biag nga addan manipud idi punganay. Nangngeg ken nakitami; wen, nakita ken nasagidmi.

1 Juan 1:5

Daytoy ti mensahe a nangngegmi iti Anakna ken ipakaammomi kadakayo: Ti Dios ket silaw; awan a pulos ti sipnget kenkuana.

1 Juan 1:7

Ngem no agbiagtayo iti lawag, a kas iti kaaddana iti lawag, agkakaduatayo ngarud, ket ti dara ni Jesus nga Anakna ugasannatayo iti amin a basol.