1 Juan 1:1 - Ti Baro a Naimbag a Damag Biblia

¹ Isuratmi kadakayo ti nangngeg ken nakitami maipapan iti Sao ti biag nga addan manipud idi punganay. Nangngeg ken nakitami; wen, nakita ken nasagidmi.

Ti Biblia (1973)

¹ Ti adda nanipud idi ugma, ti nangngegmi, ti nakitami cadagiti matami, dagiti binuybuyami, ken ti naaricap dagiti im-imami, a maipapan iti Sao ti biag.

1 Juan 1:1 Iomraidhean Croise

Isaias 41:4

Siasino ti akin-aramid iti daytoy? Siasino ti nangikeddeng iti pannagna ti historia? Siak, ni Yahweh, addaak idi punganay, wen, addaakto iti kamaudianan.

Mikias 5:2

Kuna ti Apo, “Betlehem iti Efrata, sika ti maysa kadagiti kabassitan nga ili ti Juda. Ngem pataudek kenka ti maysa a mangituray iti Israel a nagtaud ti kapuonanna idi ugma.”

San Lucas 1:2

kas nadamagtayo kadagidi nakakita kadagitoy manipud idi damo ken kadagidi nangikasaba iti mensahe.

San Lucas 24:39

Kitaenyo dagiti im-ima ken saksakak. Siak a mismo! Sagidendak ket mapaneknekanyo. Awan lasag ken tulang ti espiritu, ngem adda kaniak kas makitayo.”

San Juan 19:35

Daydi nakakita iti daytoy a napasamak, paneknekanna ti kinapudno daytoy tapno mamatikayo met. Pudno ti imbagana ket ammona a pudno ti sasawenna.)

San Juan 20:27

sana kinuna ken ni Tomas, “Kitaem dagiti imak ken arikapem toy bakrangko. Pukawem ta duaduam ket mamatika!”

San Juan 5:26

Ta ti Ama met laeng ti pagtaudan ti biag. Pinagbalinna met ti Anakna a pagtaudan ti biag.

San Juan 8:58

Kinuna ni Jesus, “Ibagak ti pudno kadakayo: Sakbay a nayanak ni Abraham, addaakon.”

Dagiti Aramid 1:3

Iti las-ud ti 40 nga aldaw kalpasan ti ipapatayna, namin-adu a nagparang kadakuada iti nadumaduma a wagas a mangpaneknek a pudno a sibibiag. Nakitada ni Jesus ket sinaritana kadakuada ti maipapan iti Pagarian ti Dios.

Dagiti Aramid 4:20

Saan a mabalin a dimi ipakaammo dagiti nakita ken nangngegmi.”

Hebreo 2:3

Kasanonto ngarud ti panaglisitayo no ditay ikankano daytoy a naindaklan a pannakaisalakan? Ti Apo a mismo ti immuna a nangipakaammo iti daytoy a pannakaisalakan. Dagiti nakangngeg kenkuana ti nangpatalged kadatayo a pudno daytoy.

1 Juan 4:14

Nakita ken paneknekanmi nga imbaon ti Ama ti Anakna a Mangisalakan iti lubong.

1 Juan 5:7

Tallo ti mangpaneknek:

Paltiing 1:11

“Isuratmo ti maipapan kadagiti makitam,” kinunana, “ket ipaw-itmo ti nakaisuratanda kadagiti pito nga iglesia: idiay Efeso, Esmirna, Pergamo, Tiatira, Sardis, Filadelfia ken Laodicea.”

Paltiing 1:8

“Siak ti Alfa ken ti Omega,” kuna ni Apo Dios a Mannakabalin-amin, isu nga adda ita, adda idi ken umayto.

Paltiing 19:13

Daradara ti pagan-anayna. “Sao ti Dios” ti nagan a pangawagda kenkuana.

Paltiing 2:8

“Kastoy ti isuratmo iti anghel iti iglesia idiay Esmirna: “Daytoy ti mensahe nga aggapu iti Pangrugian ken Paggibusan, isu a natay ken nagbiag manen: