Yahuḏa 1:5 - Ṯarifiṯ 2020

⁵ Waxxa ssneɣ belli ṯessnem manaya, xseɣ akenniw sfekkareɣ mliḥ belli Siḏiṯneɣ ifekk ccaƹb nnes zi Miṣra, walakin menbaƹd yinni war yuminen ca imḥa-ṯen qaƹ.

Yahuḏa 1:5 Iomraidhean Croise

Ayṯ-Ruma 15:15

Walakin zeƹmeɣ uriɣ ṯabrat-a ɣarwem x ȓebƹaḍ n ṯmesȓayin ḥima war ṯent tettum ca. Liʼanna nec teggeɣ ȓxeḏmeṯ n ȓefqi tbeccareɣ s wawaȓ n Arebbi s lbaraka nni iy ḏayi yuca bac aḏ iȓiɣ ḏ axeddam n Ƹisa Lmasiḥ i kenniw war iǧin ca zi Ayṯ-Israʼil. Ḥima akenniw qeddmeɣ am yijjen n ṣṣeḏqeṯ ṯeṣfa s Arruḥ iqeddsen ḥima at iqbeȓ Arebbi.

Iƹibraniyen 3:16

Cuf, min ƹnan yinni isȓin ugin aḏ ggen array i Arebbi? Yac ḏ iwḏan nni marra ig isufeɣ nnabi Musa zi Miṣra niɣ?

2 Buṭrus 3:1

Ay imƹizzen inu, ṯabrat-a ḏ wis ṯnayen ȓexxu iy ḏawem d uriɣ. S ṯnayen iḏsent sfekkareɣ-kenniw tcejjaƹeɣ-kenniw s ȓaƹquȓaṯ nwem aḏ tiȓim ṯeṣfam.

1 Yuḥanna 2:20

Kenniw lla, twaḏehnem s ufus n Lƹaḍim, marra kenniw ṯessnem min iǧan.

1 Yuḥanna 2:21

Tariɣ-awem-d ȓaḥeqqac ṯessnem lḥaqiqa maci war t ṯessinem ca. U ƹaweḏ war iǧi bu can uxarriq iy d yusin zi lḥaqiqa.