Yahuḏa 1:21 - Ṯarifiṯ 2020

²¹ Itxeṣṣa aḏ teqqimem ḏi ȓemḥibbeṯ n Arebbi aḏ trajam arraḥmeṯ nni n Siḏiṯneɣ Ƹisa Lmasiḥ ṯenni iy kenniw itawin ɣar ṯuḏarṯ nni war ifennin ca ƹemmarṣ.

Yahuḏa 1:21 Iomraidhean Croise

Yuḥanna 1:17

Ccariƹa n Ayṯ-Israʼil ṯemmuc x ufus n Musa. Arḍa ḏ lḥaqiqa niṯenti usint-id x ufus n Ƹisa Lmasiḥ.

Yuḥanna 14:21

Wenni ɣar ǧant ȓuṣiyaṯ inu ixeddem zzaysent, ataf itḥibba-ayi. Wenni ḏayi itḥibban, ataf aṯ iḥibb uȓa ḏ Baba. Aṯ ḥibbeɣ uȓa ḏ nec, aḏas d smeḍhareɣ ixef inu."

Ȓexḏayem 11:23

Wami d yuweḍ, yufa mammec ṯen ibarek Arebbi. Ifareḥ ibḏa itcejjaƹ-iṯen marra bac aḏ qqimen ḏeg ubriḏ n Siḏiṯneɣ s marra uȓawen nsen.

Ayṯ-Ruma 5:21

U mammec ṯeḥkem ȓmuƹṣiyeṯ ṯuwi-d ȓmewṯ, amenni iy xaneɣ iḥkem arḍa wami ḏaneɣ isemṣȓaḥ Arebbi akiḏes yuwi-d ṯuḏarṯ n ȓebda x ufus n Siḏiṯneɣ Ƹisa Lmasiḥ.

Ayṯ-Ruma 5:5

Lʼamal-a war ḏaneɣ itxeyyib ca, mayemmi? Liʼanna Arebbi yuca-aneɣ Arruḥ iqeddsen, zzayes ig iccur uȓawen nneɣ s ȓemḥibbeṯ nnes.

Ayṯ-Ruma 6:23

Aqa axeǧes n ȓmuƹṣiyeṯ netta ḏ ȓmewṯ, walakin lhadiya n Arebbi nettaṯ ḏ ṯuḏarṯ n ȓebda ḏi Siḏiṯneɣ Ƹisa Lmasiḥ.

2 Ayṯ-Kurinṯ 13:14

Arḍa n Siḏiṯneɣ Ƹisa Lmasiḥ ḏ ȓemḥibbeṯ n Arebbi ḏ umƹacar n Arruḥ iqeddsen akiḏwem yiȓi marra. Amin.

2 Ayṯ-Salunik 3:5

Aḏ issiweḍ Siḏiṯneɣ uȓawen nwem ɣar ȓemḥibbeṯ n Arebbi, ƹaweḏ ɣar ṣṣbar n Lmasiḥ.

1 Timutawus 1:2

Tariɣ ṯabrat-a i Timutawus wenni iy iǧan am memmi ḏ ṣṣaḥ ḏi lʼiman. Akiḏec yiȓi arḍa ḏ arraḥmeṯ ḏ ȓehna zi Arebbi Babaṯneɣ ḏ Ƹisa Lmasiḥ Siḏiṯneɣ.

2 Timutawus 1:16

Aḏ ibarek Siḏi Arebbi ȓeḥbab n umaṯneɣ Wanisfur, aṭṭas n ṯwaȓaṯin isertaḥ-ayi war iseḏḥi ca x snaseȓ inu.

2 Timutawus 1:18

Aṯ ijj Siḏiṯneɣ ḥima aḏ yaf arraḥmeṯ zi Siḏi Arebbi ḏi Nhar nni aneggaru. Cek ƹaweḏ ṯessneḏ mecḥaȓ n ṯwaȓaṯin iy ḏayi iƹawen ḏi ṯendint n Ufasus.

2 Timutawus 1:2

Tariɣ ṯabrat-a i Timutawus wenni iy iǧan am memmi iƹizzen xafi. Akiḏec yiȓi arḍa ḏ ȓehna ḏ arraḥmeṯ zi Arebbi Babaṯneɣ ḏ Ƹisa Lmasiḥ Siḏiṯneɣ.

2 Timutawus 4:8

Ssa aȓ ṯsawent itraja-ayi ijjen n ttaj n ṣṣulḥ ag Arebbi wenni iy ḏayi ɣa yuc Siḏiṯneɣ iy iǧan ḏ lqaḍi nican; Aḏayi-ṯ yuc ḏi Nhar nni n Lḥisab. Maci aḏayi-ṯ yuc i nec waha; Lla, aṯ yuc i marra yinni itexsen Nhar nni iy ḏi d ɣa imeḍhar.

Iƹibraniyen 9:28

Ammu Lmasiḥ, itwaqeddem ḏ dbiḥeṯ ijjen n ṯwaȓa bac aḏ yarbu ȓmuƹṣiyaṯ n waṭṭas n yiwḏan. Ṯumma aḏ d ihwa wis marrṯayen. Mayemmi? Maci ƹlaḥsab ȓmuƹṣiyeṯ n yiwḏan ƹaweḏ; Lla, aḏ d ihwa bac aḏ isenjem yinni iy ṯ itrajan.

2 Buṭrus 3:12

xmi trajam i Lyuwm n Arebbi aṯ tseggurem bac ḏeɣya aḏ d yas. Nhar nni aḏ d yawi ȓefna n ijennaṯen s ṯmessi, aḏ twamḥan marra iṯran ḏ ṯziri aḏ fesyen xmi ɣa twascemḍen.

1 Yuḥanna 4:16

Ammu iy d nuweḍ a nessen ȓemḥibbeṯ n Arebbi a namen zi ṯenni iy ḏaneɣ d yuca i neccin. Arebbi ḏ ȓemḥibbeṯ ig iǧa. Wenni iqqimen ḏi ȓemḥibbeṯ netta iqqim ḏi Arebbi, Arebbi iqqim ḏayes.

1 Yuḥanna 5:18

Neccin nessen belli marra wenni d ixeȓqen zi Arebbi war iqqim ca isxeddam ȓmuƹṣiyaṯ. Mmis iy d ixeȓqen zi Arebbi iḥeṭṭa-ṯ, war ṯ itḍarri ca Lmufsid.

1 Yuḥanna 5:21

A iḥenjiren, ḥḍam ixef nwem zi lʼaṣnam.

Yahuḏa 1:1

Nec ḏ Yahuḏa ḏ axeddam n Ƹisa Lmasiḥ, nec ḏ umas n Yaƹqub. Tariɣ ṯabrat-a i yinni iy d itwaȓaɣan, itḥibba-ṯen Arebbi Babaṯneɣ, iḥeṭṭa-ṯen Ƹisa Lmasiḥ.

Yahuḏa 1:22

Sxeḏmeṯ lḥanana ak yinni itcekkan.

Yahuḏa 1:24

Fa wenni izemmaren akenniw iḥḍa bac war tenḏȓifem ca, izemmar ƹaweḏ akenniw iqeddem ɣar zzaṯ nnes lƹaḍim aḏ tiȓim bȓa ȓƹib aɣarwem ṯiȓi ijjen n ȓefraḥeṯ ḏ ṯameqqrant,

Lwaḥi 12:11

Ɣeȓben-ṯ ayṯmaṯneɣ s iḏammen n Yizmar ḏ chaḏeṯ nsen. Ṯuḏarṯ nsen war xasen ṯƹizz ca, wejḏen aḏ mmṯen.