Yahuḏa 1:19 - Ṯarifiṯ 2020

¹⁹ Iwa niṯni ḏ yina iy kenniw ifarrqen, ḏaysen arruḥ n ddunect-a waha war ḏaysen ca Arruḥ iqeddsen.

Yahuḏa 1:19 Iomraidhean Croise

Ayṯ-Ruma 8:9

Amma kenniw, meȓa izeddeɣ ḏaywem Arruḥ n Arebbi, ataf aḏ tƹicem x ubriḏ n Arruḥ ataf war teggem array i ṭṭabiƹa ṯaƹeffant nwem. U wenni war ɣar iǧi Arruḥ n Lmasiḥ, war iǧi ca zi Lmasiḥ.

1 Ayṯ-Kurinṯ 2:14

Bnaḏem ƹadi itagi aḏ iqbeȓ ṯimesȓayin n Arruḥ n Arebbi, ɣares manaya ḏ ṯubbuhȓiya waha. War izemmar ca aṯent ifhem, liʼanna s Arruḥ n Arebbi waḥḏes iy ṯent ɣa imeyyez.

1 Ayṯ-Kurinṯ 6:19

Niɣ ma war ṯessinem ddat nwem nettaṯ ḏ ṯamziḏa n Arruḥ iqeddsen ig izeddɣen ḏaywem? Iwa ɣarwem Arruḥ-a zi Arebbi. Kenniw war trayim ca x yixef nwem

Iƹibraniyen 10:25

A nmun ak wayawya maci a nesmeḥ ḏi lwajib-a am mammec nnumen [nnimen] ȓebƹaḍ n yiwḏan. Lla, a ncejjeƹ ayawya, u ktar ƹaḏ xmi netwaȓa Nhar n Siḏiṯneɣ iqarreb-d.

Yaƹqub 3:15

Nnuƹ n ȓefhameṯ-a war d thewwi ca zeg ujenna; Lla, nettaṯ n ddunect-a n yiwḏan n Cciṭan.