Yahuḏa 1:12 - Ṯarifiṯ 2020

¹² Iṯarrasen-a yina twessaxen imensiwen nwem n ṯemƹacarṯ. Tetten akiḏwem bȓa ma aḏ seḏḥan, niṯni ggin am ca n imeksawen iy ƹettqen ixef nsen waha. Niṯni ḏ iseynuṯen bȓa yanẓar ɣir itawi-ṯen arriḥ itarra-ṯen. Niṯni ggin am ṯcejjura ḏi ȓexȓif war itarwen ca, tneqȓaƹent-id zeg iẓewran nsent; iƹni ibriḏen nsent mmuṯen s ṯnayen.

Yahuḏa 1:12 Iomraidhean Croise

Matta 13:6

Walakin wami ṯsummar ṯfuct, ṯnezȓef ȓexddenni ṯisraw ȓaḥeqqac iẓewran nnes war uwṯin ca ɣar ȓaǧeɣ n ṯmurṯ.

Matta 15:13

Indeq-d Ƹisa inna-asen: "Kuȓ arbiƹ war ṯ iẓẓu ca Baba iǧan ḏeg ujenna aḏ ineqȓeƹ s iẓewran nnes.

Marqus 4:6

Walakin wami ṯsummar ṯfuct, ṯnezȓef ȓexddenni ṯisraw ȓaḥeqqac iẓewran nnes war uwṯin ca ɣar ȓaǧeɣ n ṯmurṯ.

Luqa 12:45

Walakin aweqqaf nni meȓa inewwa ḏeg yixef nnes iqqar: Siḏi itƹeṭṭaȓ aṭṭas war d itis ca, ṯumma aḏ ibḏa iccaṯ ixeddamen ḏ ṯxeddamin itett isess aqaṯ ak iskayriyen waha,

Luqa 16:19

"Cuf, tuɣa ijjen ḏ ttajar, netta itareḍ arruḍ iɣȓan kuȓ nhar itƹic ḏeg yijjen n nniƹmeṯ izehhu.

Luqa 21:34

Ma ṯexsem aḏ teccem uȓ nwem? Ḥḍaṯ ixef nwem zi lmaddla n ssekra ḏ waṭṭas n ccreb ḏ ȓehmum n ddunect-a. Qa aḏ d yas Nhar nni aneggaru ƹlaɣafla am yijjen n ṯexcefṯ.

Luqa 8:6

Can zzarriƹeṯ ṯewḍa-yas jar yizra. Ṯeɣmi-d, ȓexddenni ṯnezȓef ṯisraw ȓaḥeqqac war ṯeswi bu waman.

Ayṯ-Ufasus 4:14

Amenni war netɣimi ca ḏ iḥenjiren tawint-aneɣ ȓemwaj tarrant-aneɣ. Niɣ ḏ arriḥ itṣuḍ xaneɣ ikessi-yaneɣ ssa ḏ ssa s kuȓ arriḥ zaƹma n useȓmeḏ u s ṯeḥraymiṯ ḏ ixarwiḍen n iryazen ḏ min tciṭṭinen.

Ayṯ-Filippas 3:19

Aneggaru nsen aḏ itwamḥa. Arebbi nsen netta ḏ aƹeddis nsen. Semɣaren ixef nsen s ȓefḍayeḥ nsen. Ȓaƹquȓaṯ nsen nnuɣen ḏi ṯmesȓayin n ddunect-a.

1 Timutawus 5:6

Walakin ṯenni itƹicen ḏi ccehweṯ waha, qa nettaṯ ṯemmuṯ waxxa ṯeddar.

Iƹibraniyen 13:9

Arrem-d ȓbaȓ nwem bac war tḏeffarem ca lʼanwaƹ n useȓmeḏ feckel. Cuf, ḏ lemliḥ aḏ ijheḏ wuȓ nneɣ s arḍa maci s lmakla ddiniya, yinni iy t itetten war zzayes stenfiƹen ca.

Yaƹqub 5:5

Kenniw tƹicem ḏi ddunect-a s ufelles ḏ ccehweṯ nwem. Ṯḏewȓem ṯṣaḥḥem ṯwejḏem am iyenduzen ḏi nhar nni iy ḏi ḏasen ɣa ɣarṣen.