Yaƹqub 4:8 - Ṯarifiṯ 2020

⁸ Aḏseṯ ɣar Arebbi, netta aɣarwem d yaḏes. A yinni ixḍan, sirḏeṯ ifassen nwem. A yinni kuȓ ȓaƹqeȓ min ḏawem iqqar, seṣfaṯ uȓawen nwem.

Yaƹqub 4:8 Iomraidhean Croise

Matta 12:33

Meȓa ṯacejjarṯ ḏ ṯaṣebḥant, ataf aḏ tarew min iǧan ḏ aṣebḥan. Meȓa ṯacejjarṯ ḏ ṯaƹeffant, ataf aḏ tarew min iǧan ḏ aƹeffan. Ṯacejjarṯ ṯḍehhar-d s min tarew.

Matta 15:2

"Mayemmi imeḥḍaren nnec beṭṭȓen lƹadaṯ n ȓejḏuḏ nneɣ? Mayemmi war siriḏen ca ifassen nsen qbeȓ ma aḏ ccen aɣrum?"

Matta 27:24

Wami yufa Bilaṭus belli war iqḍi walu arnin ḏi lfawḍa, iysi aman isireḏ ifassen nnes zzaṯ i ȓɣaci nni inna-asen: "Aqa nec tberriɣ azeǧif inu zeg iḏammen n uryaz-a! Aqaṯ x yiri nwem!"

Ȓexḏayem 15:9

War iggi bu s wuḏemawen jaraneɣ, isireḏ-asen uȓawen nsen wami umnen.

2 Ayṯ-Kurinṯ 7:1

Iḏen ay imƹizzen inu, wami ḏaneɣ iƹaheḏ Arebbi x ṯmesȓayin-a labud a nessiṣfa ixef nneɣ zi marra min ḏaneɣ isexnizen ḏi ddat ḏ arruḥ ḥima a niȓi ḏ ṣṣaliḥin bȓa axeṭṭi s ṯiggwḏi n Arebbi.

1 Timutawus 2:8

Falihaḏa xseɣ iryazen ḏi marra imucan aḏ ẓẓaǧen aḏ ysin ifassen nsen iṣfan ɣar ujenna bȓa ma aḏ tƹeṣṣben bȓa ma aḏ tmenɣan.

Iƹibraniyen 7:19

Iffeɣ-d ijjen lʼamal ḥsen zi ȓuṣiyeṯ nni, zzayes iy ɣa nqarreb ɣar Arebbi ȓaḥeqqac Ccariƹa n Musa war d tarri uȓa ḏ ijjen ȓḥajeṯ war ḏayes bu ȓƹib.

Yaƹqub 1:8

Itcekka, kuȓ ȓaƹqeȓ nnes min ḏas iqqar menbaƹd itḏewwax ḏeg ibriḏen nnes marra.

Yaƹqub 3:17

Ȓefhameṯ iy d ihewwan zeg ujenna, min ḏayes muhim qaƹ aḏ tiȓi ṯeṣfa. Nettaṯ ƹaweḏ ḏayes ȓehna ḏ ṣṣbar, war ḏayes tiȓi bu ṯɣennant. Ṯeccur s arraḥmeṯ ḏ lḥasanaṯ, war ḏayes bu wuḏemawen niɣ ḏ nnifaq.

1 Buṭrus 1:22

Ȓexxu ṯessiṣfam ixef nwem wami ṯṭaƹem i lḥaqiqa bac aḏ tiȓi ḏaywem ijjen n ȓemḥibbeṯ jar wawmaṯen bȓa nnifaq. S manaya itxeṣṣa-kenniw aḏ texsem ayawya aṭṭas s wuȓawen nwem.

1 Buṭrus 3:21

Aman-a niṯni ḏ ijjen n lmiṯal x ṭṭahareṯ nneɣ n waman iy kenniw isenjamen ȓexxu. Maci aḏ itwakkes ȓewsex zi ddat nneɣ; Lla, ṭṭahareṯ-a nettaṯ ḏ ijjen n uȓaɣi nwem i Arebbi bac aḏawem d yuc ijjen n ḍḍamir mertaḥ. Manaya x ssabab n Ƹisa Lmasiḥ wami d ikkar zi ȓmewṯ.

1 Yuḥanna 3:3

U marra wenni ɣar iǧa l'amal-a aḏ issiṣfa ixef nnes am mammec iǧa netta iṣfa.