Yaƹqub 4:12 - Ṯarifiṯ 2020

¹² Ḏinni ijjen ig iggin ccariƹa netta ƹaweḏ ḏ ȓqaḍi, netta ḏ Arebbi. Netta waḥḏes ig izemmaren aḏ isenjem izemmar aḏ isefna, walakin min ṯeƹniḏ cek tƹeyyabeḏ ajjar nnec?

Yaƹqub 4:12 Iomraidhean Croise

Matta 10:28

War teggwḏeṯ ca zeg yinni ineqqen ddat war zemmaren aḏ nɣen uȓa ḏ ȓaƹmar; Lla, ggwḏeṯ zi Arebbi iƹni wenni izemmaren aḏ idemmar ddat ḏ ȓaƹmar ḏi jahennama.

Luqa 12:5

Lla, aḏawem iniɣ wi zi ɣa ṯeggwḏem: Ggwḏeṯ zi Wenni iy ɣa inɣen ddat nwem menbaƹd aɣares yiȓi jjheḏ bac aḏ igg ktar, at inḍar ḏi jahennama. Wah, qqareɣ-awem: Wenni ggwḏem-ṯ.

Ayṯ-Ruma 14:13

Iḏen zi ssa aȓ ṯsawent itxeṣṣa-yaneɣ u labud war netƹeyyib ca x wayawya; Lla, itxeṣṣa-kenniw aḏ tfekkarem mliḥ ḥima war ṯɣeṭṭȓem ca ijjen wumaṯwem niɣ aṯ tesfecȓem.

Ayṯ-Ruma 14:4

Cek min ṯeƹniḏ bac aḏ tƹeyybeḏ axeddam n midden? Injeḥ niɣ war injiḥ, wanita ḏ ccɣeȓ n siḏis. U ḏ ṣṣaḥ netta aḏ injeḥ liʼanna Siḏi Arebbi izemmar aṯ isenjeḥ.

Ayṯ-Ruma 2:1

Iḏen ay aryaz, cek meȓa tƹeyyabeḏ x yiwḏan, ataf war ɣarek bu ȓḥaqq min ma ṯeƹniḏ. Liʼanna xmi tƹeyyabeḏ x can yijjen, tƹeyyabeḏ x yixef nnec, mayemmi? Liʼanna cek teggeḏ kif-kif mammec teggen niṯni!

Ayṯ-Ruma 9:20

Cuf a bnaḏem, min ṯeƹniḏ cek bac ṯzemmareḏ aḏ tarreḏ awaȓ x Arebbi? Ma zemmaren aḏ inin iɣerrafen i wenni iy ṯen iṣenƹen, Mayemmi ḏaneɣ ṯeggiḏ ammu?

Iƹibraniyen 7:25

X manaya yinni zzayes itqarraben ɣar Arebbi izemmar Ƹisa aṯen isenjem i ȓebda. Mayemmi? Liʼanna netta iddar i ȓebda aḏaysen itcafaƹ.

Yaƹqub 5:9

Ay ayṯma, war ssawaȓeṯ ca ḏeg wayawya ḥima war twaƹiqibem ca; qa wenni iteḥkamen ibedd-d ɣar ṯewwarṯ.