Yaƹqub 4:11 - Ṯarifiṯ 2020

¹¹ Ay ayṯma, war qqareṯ bu ȓbaṭeȓ x wayawya. Minzi wenni iqqaren ȓbaṭeȓ x wumas niɣ itƹeyyab-iṯ, ataf iqqar ȓbaṭeȓ x ccariƹa itƹeyyab-it. Xmi tƹeyyabeḏ ccariƹa ataf cek war zzayes ṯxeddmeḏ ca; Lla, ataf cek ḏ ȓqaḍi nnes waha.

Yaƹqub 4:11 Iomraidhean Croise

Luqa 6:37

War tƹeyyabem ḥadd ḥima war kenniw itƹeyyib ca Arebbi. War tzawaȓem ḥadd ḥima war kenniw itzawaȓ ca Arebbi. Semḥem i yiwḏan, aḏawem iɣfar Arebbi.

Ayṯ-Ruma 2:1

Iḏen ay aryaz, cek meȓa tƹeyyabeḏ x yiwḏan, ataf war ɣarek bu ȓḥaqq min ma ṯeƹniḏ. Liʼanna xmi tƹeyyabeḏ x can yijjen, tƹeyyabeḏ x yixef nnec, mayemmi? Liʼanna cek teggeḏ kif-kif mammec teggen niṯni!

Ayṯ-Ruma 2:13

Liʼanna iwḏan war tmeṣȓiḥen ca ag Arebbi meȓa tṣennaṭen waha i wawaȓ n ccariƹa; Lla, yinni iteggen array s min ḏayes ḏi ccariƹa, ataf ḏ yinni iy itmeṣȓaḥen ag Arebbi.

Ayṯ-Ruma 7:7

Iwa min ɣa nini? Ma ccariƹa n Musa nettaṯ s yixef nnes ḏ ijjen n ȓmuƹṣiyeṯ? Lla, ƹemmarṣ! Maƹlik ccariƹa war ṯeǧi, ataf war ssineɣ min ṯeƹna ȓmuƹṣiyeṯ. Maƹlik war ḏayes ȓuṣiyeṯ nni , ataf war ssineɣ min iƹna uƹeccaq.

1 Ayṯ-Kurinṯ 4:5

X manaya war qqarem walu x ȓḥukem qbeȓ ȓweqṯ, iƹni qbeȓ iy d ɣa yas Siḏiṯneɣ. Ḏ netta iy ɣa isbeyynen ṯimesȓayin nni ɣar nnur ȓexxu nuffarent ḏi ṯaǧest, aḏ d ismeḍhar kuȓ lɣaraḍ n yiwḏan iy ɣarsen ḏeg wuȓawen nsen. Ȓexddenni kuȓ ijjen aɣares yiȓi usemɣar nnes zi Arebbi.

2 Ayṯ-Kurinṯ 12:20

Cuf, ggwḏeɣ xmi d ɣa awḍeɣ war kenniw tifeɣ ca mammec tmenniɣ akenniw afeɣ. U ƹaweḏ war ḏayi tifem ca mammec tmennim aḏayi ṯafem. Ggwḏeɣ aḏ afeɣ jarawem amenɣi ḏ ȓeḥseḏ ḏ uƹaṣṣeb, kuȓ ijjen irezzu i yixef nnes waha, ḏ ȓbaṭeȓ ḏ nnamima, ḏaywem ttakebbur ḏ ȓfawḍa.

Ayṯ-Ufasus 4:31

Marra lƹuqda ḏ uɣḍab ḏ uƹeṣṣeb ḏ sḏaƹ ḏ ȓbaṭeȓ sbeƹƹḏem-ṯen xawem marra, u kkseṯ ƹaweḏ kuȓ nnuƹ n ȓeqbaḥeṯ.

1 Timutawus 3:11

Amenni ƹaweḏ ṯimɣarin itxeṣṣa aḏ iȓint mweqqerint war ḏaysent tiȓi ca nnamima aḏ ḥekkment x yixef nsent aḏaysent ṯiȓi ttiqeṯ ḏi marra ṯimesȓayin.

2 Timutawus 3:3

war ḏaysen tiȓi ȓemḥibbeṯ, war semmḥen ca i yiwḏan, aḏ qqaren ȓbaṭeȓ, war ḥekkmen ca x yixef nsen, aḏ menɣen am ȓuḥuc, war tḥibbin ca min iǧan ḏ aṣebḥan,

Titus 2:3

Ṯinni imɣaren ƹaweḏ aḏ ƹiccent ƹlaḥsab lʼiman, war ḏaysent tiȓi bu nnamima, war tebliyint ca aṭṭas s binu. Aḏ sȓemḏent min iǧan ḏ aṣebḥan.

Yaƹqub 1:16

Ay ayṯma imƹizzen inu, war xeddƹeṯ ca ixef nwem.

Yaƹqub 1:19

Cuf ay ayṯma inu imƹizzen, itxeṣṣa kuȓ ijjen aḏ itsȓa aṭṭas, aḏ ifekkar qbeȓ ma aḏ issiweȓ, war itƹaṣṣib ca ḏeɣya.

Yaƹqub 1:25

Walakin wenni ixezzaren ḏi ccariƹa ikemȓen ṯenni iy ḏi ṯeǧa lḥurriya, iteṭṭef ḏayes war itettu ca min itsȓa ixeddem zzayes, ataf azzayes yawi lbaraka ḏi min itegg.

Yaƹqub 2:8

Ȓuṣiyeṯ n Uzeǧiḏ izeǧiḏen iy d yusin ḏi Lkitab ṯeqqar: "Aḏ texseḏ ajjar nnec amecnaw ixef nnec." Kenniw aḏ teggem mliḥ meȓa ṯxeddmem zzayes.

Yaƹqub 5:10

Ay ayṯma, ḏfareṯ abriḏ n lʼanbiya yinni ig issiwȓen s yisem n Siḏi Arebbi niṯni twaƹeddben ṣebbaren.

Yaƹqub 5:7

Ay ayṯma, ṣbareṯ aȓ d ɣa yas Siḏiṯneɣ. Xzareṯ ɣar ufeǧaḥ mammec itraja ṯafeǧaḥṯ n ṯmurṯ nnes, itraja-t s yijjen n ṣṣbar aȓ ɣa yuweṯ unẓar amezwaru ḏ wenni aneggaru.

Yaƹqub 5:9

Ay ayṯma, war ssawaȓeṯ ca ḏeg wayawya ḥima war twaƹiqibem ca; qa wenni iteḥkamen ibedd-d ɣar ṯewwarṯ.

1 Buṭrus 2:1

Iḏen fa kkseṯ zeg wuȓawen nwem marra ccarr ḏ marra lɣeḏran ḏ nnifaq ḏ ȓeḥseḏ ḏ marra ȓbaṭeȓ.