Yaƹqub 4:1 - Ṯarifiṯ 2020

¹ Iwa ixarwiḍen ḏ imenɣiwen itiȓin jarawem, manis d tekken? Tekken-d zi ccehawaṯ nwem ṯiƹeffanin iy itmenɣan ɣar ḏaxeȓ nwem.

Yaƹqub 4:1 Iomraidhean Croise

Matta 15:19

Ȓaḥeqqac zeg wuȓ iy zi d tekkant lʼafkar ṯiƹeffanin ḏ ṯmenɣiwṯ ḏ zzna ḏ lfasad ḏ ṯukkarḏa ḏ ẓẓur ḏ ȓbaṭeȓ.

Yuḥanna 8:44

Babaṯwem ḏ Ibȓis, ṯrezzum aḏ teḏfarem min ixes netta. Zeg umezwaru netta ineqq iwḏan. War ɣares ca lƹalaqa ak lḥaqiqa minzi netta war ḏayes bu lḥaqiqa. Meȓmi ma isxerraq, ataf issawaȓ zi min ḏayes minzi netta ḏ bu-ixerriqen, ḏ babaṯsen n ixerriqen.

Ayṯ-Ruma 7:23

walakin tafeɣ ijjen n ṭṭabiƹa nneɣni ḏeg yixef inu ig itmenɣan ak min ɣari ḏi ȓaƹqeȓ inu. S ṭṭabiƹa-ya teqqen-ayi ȓmuƹṣiyeṯ nni iy ḏayi izeddɣen ḏeg yixef inu.

Ayṯ-Ruma 7:5

Liʼanna qbeȓ wami tuɣa ntegg array i ṭṭabiƹa ṯaƹeffant nneɣ, arnint ḏayneɣ ccehawaṯ ḏ ṯiƹeffanin ƹlaḥsab min ḏaneɣ ṯenna ccariƹa, xeddment ccehawaṯ nni ḏi ddat nneɣ uca ntarew ȓexḏayem itawin ɣar ȓmewṯ.

Ayṯ-Ruma 8:7

Aqa ȓxaḍar ixeddmen ḏi ṯmesȓayin n ṭṭabiƹa ṯaƹeffant n bnaḏem itƹarraḍ Arebbi. War iṭṭiƹi ca i ccariƹa n Arebbi, u ḏ ṣṣaḥ war izemmar ca.

Ayṯ-Galaṭya 5:17

Liʼanna min ṯrezzu ṭṭabiƹa ṯaƹeffant nneɣ netta ḍed n min irezzu Arruḥ iqeddsen. U amenni min irezzu Arruḥ iqeddsen netta ḍed n min ṯrezzu ṭṭabiƹa ṯaƹeffant nneɣ. Tƹarraḍen i wayawya ssenni war teggem ca ṯimesȓayin-a iy ṯexsem aḏ teggem.

Ayṯ-Kulus 3:5

X manaya nɣeṯ min iǧan ḏaywem ḏi ṭṭabiƹa nwem n ddunect-a iƹni lfasad ḏ min ixenzen ḏ ccehweṯ ḏ ȓxaḍar aƹeffan ḏ ṭṭmaƹ ig iǧan netta am lƹibada n lʼaṣnam.

2 Timutawus 2:23

Awggwej zeg umnaqar nni iy ḏi iǧa ɣir ṯubuhȓiya ḏ ȓeqfaȓeṯ waha minzi ṯessneḏ belli itarew ɣir amenɣi u ṣafi.

Titus 3:3

Cuf, neccin ƹaweḏ tuɣa ḏayneɣ ijjen n ȓeqfaȓeṯ, war netṭiƹi ca, netwacemmeṯ, ḥekkment xaneɣ aṭṭas n lʼanwaƹ n ccehawaṯ ḏ zzhu. Tuɣa netƹic ḏeg yijjen n ȓeqbaḥeṯ ḏ ȓeḥseḏ, ƹiffen-aneɣ yiwḏan, netƹiffa ayawya.

Titus 3:9

Walakin siggwej ixef nnec zeg imnaqaren iy ḏi ṯeǧa ɣir ṯubuhȓiya u ƹaweḏ zi lbaḥt nni n ṯcejjura n ȓejḏuḏ ḏ imenɣiwen ḏ imxarwaḍen x ccariƹa liʼanna niṯni ḏ ȓbaṭeȓ waha war neffƹen ca qaƹ.

Yaƹqub 1:14

Netta bnaḏem itwaɣarra s ssabab n ccehweṯ nnes ṯaƹeffant, nettaṯ iy ṯ itjarran nettaṯ iy ṯ ixeddƹen.

Yaƹqub 4:3

Xmi ḏas tettarem war ḏawem d iticc ca, mayemmi? Liʼanna kenniw tɣalaṭem ḏi min ḏas tettarem, ṯexsem aḏ tseƹƹfem ccehawaṯ nwem u ṣafi.

1 Buṭrus 1:14

Iȓim am ṯarwa itṭaƹan, war ḏeffareṯ ca ccehawaṯ nni ṯiƹeffanin ṯinni iy ḏi tuɣa tƹicem ḏi ȓeqfaȓeṯ nwem iƹḏun.

1 Buṭrus 2:11

Ay imƹizzen inu, nec qqareɣ-awem i kenniw iy iǧan ḏ iƹezzaben ḏ ibarraniyen ḏi dduncet-a, beƹƹḏeṯ zi ccehawaṯ nni ṯiƹeffanin iy kenniw itḥaraben ḍed n ȓaƹmar nwem.

2 Buṭrus 2:18

Semɣaren ixef nsen s wawaȓen ixwan. S ȓeqbaḥeṯ nni n ccehweṯ n bnaḏem tḥeǧaqen-d yinni yallah ƹaḏ yarewwȓen zeg yiwḏan iy tƹicen ḏi lɣalaṭ.

2 Buṭrus 3:3

Min iǧan muhim qaƹ? Itxeṣṣa u labud aḏ tfehmem belli ḏi ȓiyyam nni ineggura aḏ iȓin mujudin iwḏan iy iḍeḥḥcen xawem, aḏ ḍeḥcen aḏ ḏeffaren ccehawaṯ nsen u ṣafi.