Yaƹqub 2:19 - Ṯarifiṯ 2020

¹⁹ Cek tamneḏ belli Arebbi netta ḏ ijjen? Iwa mliḥ, walakin uȓa ḏ ccayaṭin tamnen s manayenni terjijin.

Yaƹqub 2:19 Iomraidhean Croise

Matta 8:29

Ƹeyyḍen nnan-as: "Min ṯexseḏ zzayneɣ a Mmis n Arebbi? Ma ṯusiḏ-d aḏaneɣ ṯƹeddbeḏ qbeȓ i ȓweqṯ?"

Marqus 1:24

inna-as: "Min ṯrezzuḏ zzayneɣ a Ƹisa Naṣiri? Ma ṯusiḏ-d axaneɣ ṯeqḍiḏ? Nec qa ssneɣ min ṯeƹniḏ; cek ḏ Lƹaḍim n Arebbi!"

Marqus 12:29

Inna-as Ƹisa: "Ȓuṣiyeṯ ṯameqqrant ḏ ṯanita: Ṣennṭeṯ ay Ayṯ-Israʼil, Siḏi Arebbi ḏ lʼilah nneɣ, Siḏi Arebbi ḏ ijjen.

Marqus 5:7

Indeq-d s yijjen n ṯmijja ṯejheḏ inna-as: "A Ƹisa a Mmis n Arebbi yuƹȓan, min ṯexseḏ zzayi? Tettareɣ zzayek i Arebbi ḥima war ḏayi tƹeddibeḏ ca!"

Marqus 7:9

Inna-asen ƹaweḏ: "Iwa! Tbeṭṭaȓem ȓuṣiyeṯ n Arebbi ḥima aḏ qqiment lƹadaṯ nwem!

Luqa 4:34

inna-as i Ƹisa: "Min ḏayneɣ ṯrezzuḏ a Ƹisa Naṣiri? Ma ṯusiḏ-d axaneɣ ṯeqḍiḏ? Nec qa ssneɣ min ṯeƹniḏ; cek ḏ Lƹaḍim n Arebbi!"

Yuḥanna 17:3

Ṯuḏarṯ n ȓebda ḏ ṯa iƹni ac ssnen belli cek ḏ Arebbi nican waḥḏec, aḏ ssnen ƹaweḏ Ƹisa Lmasiḥ iƹni wenni iy ṯessekkeḏ.

Ȓexḏayem 16:17

Tbaƹ-aneɣ-d neccin ḏ Bulus tƹeyyaḍ ṯeqqar qa iryazen-a ƹebbḏen Arebbi Yuƹȓan, tbeccaren-kenniw s ubriḏ iy zi ɣa ṯnejmem!

Ȓexḏayem 19:15

Ijjen n nhar indeq-d jjenn nni aƹeffan inna-asen qa nec ssneɣ Ƹisa min iƹna, ssneɣ Bulus min iƹna, kenniw min ṯeƹnam?

Ȓexḏayem 24:25

Wami issiweȓ Bulus x min iǧan nican, ḏ mammec ɣa iḥkem bnaḏem x yixef nnes, ḏ Yum Lḥisab ḏ Lƹiqab iy d ɣa yasen uca inexȓeƹ Filikes inna-as: "Ṣafi ȓexxu, ƹqeb. Xmi ɣari ɣa ṯiȓi lfurṣa axak d ȓaɣiɣ."

Ayṯ-Ruma 3:30

Liʼanna Arebbi netta ḏ ijjen. Ḏ netta ig ismeṣȓahen Ayṯ-Israʼil akiḏes s lʼiman, ḏ yinni war iǧin ca zi Ayṯ-Israʼil s nnefs lʼiman.

1 Ayṯ-Kurinṯ 8:4

Amma lmakla itqeddamen i lʼaṣnam, nessen lʼaṣnam ǧan ḏi ddunect-a walakin ḏ ixarriqen waha. Nessen neccin ijjen n Arebbi ig iǧan, waḥḏes.

1 Ayṯ-Kurinṯ 8:6

Walakin neccin ɣarneɣ ijjen n Arebbi waḥḏes, netta ḏ Babaṯneɣ. Zzayes netta ǧant marra ṯimesȓayin, neccin neǧa i netta. Ƹaweḏ ɣarneɣ ijjen n Siḏiṯneɣ, iƹni Ƹisa Lmasiḥ. Zi netta mizi xeȓqent marra ṯimesȓayin, zzayes mizi nexȓeq neccin.

Ayṯ-Galaṭya 3:20

Netta ḏ lwasiṭ waha, iƹni war ixeddem ca waḥḏes. Walakin Arebbi netta ig iǧan waḥḏes.

1 Timutawus 2:5

Liʼanna ḏinni ijjen n Arebbi waḥḏes ḏ yijjen lwasiṭ waḥḏes jar Arebbi ḏ yiwḏan iƹni aryaz-a ḏ Ƹisa Lmasiḥ.

Yaƹqub 2:8

Ȓuṣiyeṯ n Uzeǧiḏ izeǧiḏen iy d yusin ḏi Lkitab ṯeqqar: "Aḏ texseḏ ajjar nnec amecnaw ixef nnec." Kenniw aḏ teggem mliḥ meȓa ṯxeddmem zzayes.

Yahuḏa 1:4

Aqa ca iṯarrasen uḏfen-d jarawem war ḏasen d ṯarrim bu ȓexbar, qa lƹiqab nsen yura xas mecḥaȓ zeg wami. Yina ƹeṣṣan Arebbi, sƹewwajen arḍa nnes bac aɣarsen yiȓi am can n ttesriḥ n ccehweṯ. Nekkaren Ƹisa Lmasiḥ iy iǧan ḏ Mawlana nneɣ qa netta ḏ Siḏiṯneɣ waḥḏes.

Yahuḏa 1:6

Ammu ƹaweḏ iweqƹen i lmalaʼikaṯ nni iy yugin aḏ qqiment ḏi lmarṭaba nsent n ssulṭa semḥent ƹaweḏ ḏi ṯzeddiɣṯ nsent. Min ḏasent igga? Iqqen-iṯent s snaseȓ nni war ifennin ca ƹemmarṣ, ibelleƹ xasent ḏeg yijjen n ṯaǧest ḏ ṯabercant aȓ Lƹiqab n Nhar nni Ameqqran.

Lwaḥi 20:10

Ibȓis nni iy ṯen ixeḏƹen imenḍar-d ḏi ȓebḥar nni n ṯmessi ḏ ȓekbriyeṯ mani iǧa ȓwaḥc nni ḏ wenni itarran ixef nnes ḏ nnabi. Aḏ twaƹeddben ḏinni nhar ḏ ǧiȓeṯ i ȓebda n ȓebdaṯ.