Yaƹqub 1:9 - Ṯarifiṯ 2020

⁹ Fa itxeṣṣa-yas i ȓmeskin ig yumnen aḏ iftaxar minzi isgaƹƹeḏ-iṯ Arebbi.

Yaƹqub 1:9 Iomraidhean Croise

Luqa 1:52

Isehwa-d izeǧiḏen zi lƹarcaṯ nsen, isgaƹƹeḏ yinni iǧan ḏ ḏrawec.

Luqa 10:20

Innama, war farrḥeṯ ca wami jnun ḏawem teggen array. Lla, farḥeṯ wami isemawen nwem urin zemmen ḏeg ujenna."

Luqa 14:11

Ȓaḥeqqac wenni isemɣaren ixef nnes, ataf aḏ yiȓi ḏ amezyan. Wenni isemzayen ixef nnes, ataf aḏ yiȓi ḏ ameqqran."

Luqa 9:48

Inna-asen: "Wenni ɣa iqebȓen can uḥenjir am wanita ƹlaḥsab isem inu, axmi ḏ nec ig iqbeȓ. Wenni ḏayi iqebbȓen, ataf iqbeȓ wenni ḏayi d issekken. Minzi wenni iǧan zzaywem ḏ amezyan qaƹ, ḏ netta ig iǧan ḏ ameqqran."

Ayṯ-Ruma 8:17

U neccin meȓa aqaneɣ ḏ ṯarwa n Arebbi, ataf a nwareṯ. Iƹni a nwareṯ zi Arebbi, a nwareṯ ak Lmasiḥ. Walakin ixeṣṣa-yaneɣ a ncarec akiḏes ḏeg uƹeddeb nnes ḥima a ncarec akiḏes ƹaweḏ ḏi lƹaḍama nnes.

2 Ayṯ-Kurinṯ 6:10

neccin netwazeyyar walakin ȓebda nfarreḥ; neccin ḏ ipubriṯen nserbaḥ aṭṭas n yiwḏan; war ɣarneɣ walu walakin ɣarneɣ kuȓci.

Ayṯ-Filippas 3:14

Tḥawaȓeɣ x manayenni iy xef rezzuɣ bac aḏ rebḥeɣ ljaʼiza nni iy zi ḏayi d iȓaɣa Arebbi ɣares ɣar ujenna s Ƹisa Lmasiḥ.

Ayṯ-Filippas 3:3

Cuf, ḏ neccin ig iǧan ḏ ṭṭahareṯ nni n ṣṣaḥ. Iƹni nƹebbeḏ s Arruḥ n Arebbi, ɣir nteftaxar s Ƹisa Lmasiḥ, war netriji ca aȓ lḥasanat nneɣ.

1 Buṭrus 2:9

Fa kenniw ḏ ijjen n ccaƹb itwaxḍaren ḏ ijjen n jmaƹeṯ n ȓfuqaha n Uzeǧiḏ ḏ ijjen n ȓgens ḏ amqeddes ḏ yiwḏan niṯni Bab nsen ḏ Arebbi bac aḏ tbeccarem s ṯmesȓayin ṯiṣebḥanin n wenni iy kenniw issufɣen zeg yijjen n ṯaǧest yarri-kenniw-d ɣar nnur nnes ƹajib.

Lwaḥi 2:9

Nec ssneɣ ȓemḥayen nnec, cek ḏ ȓmeskin walakin lla cek ḏ ttajar! Ssneɣ ȓbaṭeȓ iy xawem qqaren yinni iḥessben ixef nsen zi Ayṯ-Israʼil. Lla, niṯni war ǧin ca zi jmaƹṯ n Ayṯ-Israʼil; Niṯni ɣir ḏ ijjen n jmaƹṯ ig iƹebbḏen Cciṭan.