Yaƹqub 1:5 - Ṯarifiṯ 2020

⁵ Meȓa can yijjen zzaywem itxeṣṣa-yas ȓefhameṯ, aḏas t ittar i Arebbi netta aḏas t yuc. Minzi netta ifassen nnes rezzmen war itḥeggar ḥadd.

Yaƹqub 1:5 Iomraidhean Croise

Matta 11:20

Ssenni ibḏa Ƹisa itƹeyyab ṯineddam nni iy ḏi igga aṭṭas n lmuƹjizaṯ nnes, war tuben ca ayṯbab nsent.

Marqus 16:14

Menbaƹd wami qqimen tetten ḥiṭac n arrusul nnes, imeḍhar-asen-d inha-ṯen minzi lʼiman nsen ḏ uqlil uȓawen nsen qesḥen. Tuɣa niṯni ƹaweḏ war uminen ca yinni iy ṯ iẓrin wami d ikkar zi ȓmewṯ.

Yuḥanna 14:13

Marra min ɣa ṯettarem ƹlaḥsab isem inu aṯ xeḏmeɣ ḥima aḏ itwasemɣar Baba s Mmis.

Yuḥanna 15:7

Meȓa ṯeqqimem ḏayi ṯeggim zeg wawaȓ inu, ataf min ma ṯettarem aɣarwem yiȓi.

Yuḥanna 4:10

Inna-as Ƹisa: "Maƹlik cem ṯessneḏ lhadiya n Arebbi ṯessneḏ min ƹniɣ nec iy ḏam iqqaren uc-ayi aḏ sweɣ, ataf ṯettareḏ-ayi cem aman aḏam uceɣ aman n ṯuḏarṯ."

2 Ayṯ-Kurinṯ 2:16

Neccin am ccum n ȓmewṯ ɣar yinni ifennan, ḏ ccum n ṯuḏarṯ ɣar yinni inejjmen. Iwa war ḏinni ḥadd iy ɣa izemmaren i ȓxeḏmeṯ-a!

Yaƹqub 1:17

Marra ṯimuca ṯiṣebḥanin ḏ lhadiyaṯ ikemȓen tekkent-id zeg ujenna, tasent-id zi Arebbi Babas n nnur. Netta war itbeddiȓ ca am ṯiȓi nni ig igguren.

Yaƹqub 3:17

Ȓefhameṯ iy d ihewwan zeg ujenna, min ḏayes muhim qaƹ aḏ tiȓi ṯeṣfa. Nettaṯ ƹaweḏ ḏayes ȓehna ḏ ṣṣbar, war ḏayes tiȓi bu ṯɣennant. Ṯeccur s arraḥmeṯ ḏ lḥasanaṯ, war ḏayes bu wuḏemawen niɣ ḏ nnifaq.

Yaƹqub 5:16

Ƹtarfeṯ s ȓmuƹṣiyaṯ nwem kenniw i wayawya, ẓẓaǧeṯ x wayawya ḥima aḏ tgenfam. Ṯẓaǧiṯ n bnaḏem ig iǧan nican nettaṯ ḏayes jjheḏ aṭṭas nettaṯ ṯefsus.

1 Yuḥanna 3:22

ataf azzayes neqbeȓ marra min ḏas ɣa nettar neccin ȓaḥeqqac netṭaƹa ȓuṣiyaṯ nnes ntegg minxef ireṭṭa netta.