Yaƹqub 1:19 - Ṯarifiṯ 2020

¹⁹ Cuf ay ayṯma inu imƹizzen, itxeṣṣa kuȓ ijjen aḏ itsȓa aṭṭas, aḏ ifekkar qbeȓ ma aḏ issiweȓ, war itƹaṣṣib ca ḏeɣya.

Yaƹqub 1:19 Iomraidhean Croise

Matta 5:22

Walakin nec qqareɣ-awem: Marra uw ɣa iƹaṣben x wumas ataf aḏ itwaḥkem. Wenni ɣa yinin i wumas: Ay aɣyuȓ, ataf aḏ itwaḥkem ḏi lmaḥkama ṯameqqrant. Ḏ wenni ɣa yinin i wumas: Ay afɣuȓ, ataf isḏaheǧ aḏ iraḥ ɣar ṯmessi n jahennama.

Marqus 12:37

Mammec ɣa yiȓi Lmasiḥ ḏ mmis n Dawed? Netta Dawed iqqar-as i Lmasiḥ A Siḏi." Aṭṭas n ȓɣaci tesȓan-as, farḥen.

Marqus 2:2

Munen aṭṭas n ȓɣaci iƹemmar ȓḥaȓ aȓ wami war iqqim uȓa ḏ ijjen n umcan waxxa zzaṯ i ṯewwarṯ. Issawaȓ akiḏsen Ƹisa s wawar n Arebbi.

Luqa 15:1

Marra yinni iǧan ḏ iƹeccaren ḏ yinni iƹeṣṣan qarrben-d ɣar Ƹisa ḥima aḏas ṣennṭen.

Luqa 19:48

War ufin mammec ɣa ggen minzi marra ccaƹb tuɣa itesȓa-yas iqqim ḏeg wawaȓ nnes.

Ȓexḏayem 1:15

Ḏeg wussan nni ikkar Buṭrus ibedd ḏi ȓwesṭ n ȓmuminin (ḏinni can miyya u ƹicrin iḏsen) inna-asen:

Ȓexḏayem 10:33

Iwa x manaya iy ɣarek d ssekkeɣ ḏeɣya, ṯeggiḏ mliḥ wami d ṯusiḏ. Neccin ȓexxu marra aqaneɣ neḥḍar zzaṯ i Arebbi bac a nṣenneṭ marra minzi cek iweṣṣa Siḏi Arebbi."

Ȓexḏayem 13:48

Yinni war iǧin ca zi Ayṯ-Israʼil wami sȓin min inna Bulus, farḥen ḥemmḏen i wawaȓ n Siḏi Arebbi. Umnen marra yinni ixḍar Arebbi i ṯuḏarṯ n ȓebda.

Ȓexḏayem 17:11

Ayṯ-Birya niṯni ḥsen zeg Ayṯ-Salunik, qebbȓen awaȓ n Arebbi ḏeɣya s ȓefraḥeṯ. Qqaren ḏi Lkutub kuȓ nhar bac aḏ ssnen awaȓ nni iy qqaren Bulus ḏ Silas ma ḏ ṣṣaḥ niɣ lla.

Ȓexḏayem 2:42

Ȓmuminin ȓebda tesȓan i ttaƹlim n arrusul, tmunen ag wayawya am wawmaṯen, tetten aɣrum ag wayawya, tẓaǧan.

Ayṯ-Ufasus 4:26

Ƹeṣṣbeṯ bȓa ma aḏ teggem ȓmuƹṣiyeṯ. War tejjaṯ ca ṯfuct axawem ṯeɣȓi kenniw ƹaḏ tƹeṣṣibem.

Ayṯ-Ufasus 4:31

Marra lƹuqda ḏ uɣḍab ḏ uƹeṣṣeb ḏ sḏaƹ ḏ ȓbaṭeȓ sbeƹƹḏem-ṯen xawem marra, u kkseṯ ƹaweḏ kuȓ nnuƹ n ȓeqbaḥeṯ.

Ayṯ-Kulus 3:15

Jjem ȓehna n Lmasiḥ aḏ iḥkem ḏeg wuȓawen nwem minzi kenniw ḏ ijjen n jmaƹeṯ iȓaɣa-yawem-d aȓ ȓehna-ya. Kenniw ƹaweḏ cekkarem Arebbi.

Ayṯ-Kulus 3:8

Walakin ȓexxu ṯimesȓayin nni itxeṣṣa axawem ṯent ṯesbeƹƹḏem qaƹ iƹni aƹeṣṣab ḏ uɣḍab ḏ ccarr ḏ ȓbaṭeȓ ḏ wawaȓen iƹeffanen iy ṯeqqarem s uqemmum nwem.

1 Ayṯ-Salunik 2:13

Neccin netcekkar Arebbi xawem bȓa ma a nbedd wami ṯqebȓem awaȓ nnes iy ḏawem d nessiweḍ. Ṯqebȓem-ṯ maci am wawaȓ n yiwḏan, ṯqebȓem-ṯ am wawaȓ n Arebbi nican. Ixeddem wawaȓ-a ƹaweḏ ḏaywem kenniw iy yumnen.

Yaƹqub 1:16

Ay ayṯma imƹizzen inu, war xeddƹeṯ ca ixef nwem.

Yaƹqub 1:2

Ay ayṯma, farḥem aṭṭas xmi ɣa ṯiȓim ḏi lʼanwaƹ n ȓemḥayen.

Yaƹqub 1:26

Wenni itḥassaben ixef nnes ɣares ddin war iḥeṭṭi ca iȓes nnes, ataf ixeddeƹ ixef nnes waha war ɣares bu ddin.

Yaƹqub 2:1

Ay ayṯma, kenniw ṯumnem zi Siḏiṯneɣ Ƹisa Lmasiḥ iy ɣar ṯeǧa lƹaḍama, war teggeṯ ca s wuḏemawen jar yiwḏan.

Yaƹqub 2:5

Cuf ay ayṯma imƹizzen inu, ma war ṯessinem ca Arebbi ixḍar ȓmusakin n ddunect-a ḥima aḏ iȓin ḏ twajar s lʼiman nsen aḏ warṯen ḏi ȓmulk iy zi iwƹeḏ Arebbi yinni iy ṯ itḥibban?

Yaƹqub 3:10

Wac zeg yijjen n uqemmum iy zi ɣa nsufeɣ ccuker ḏ nnaƹȓeṯ? Lla ay ayṯma, manaya itxeṣṣa war itiȓi ca.

Yaƹqub 4:11

Ay ayṯma, war qqareṯ bu ȓbaṭeȓ x wayawya. Minzi wenni iqqaren ȓbaṭeȓ x wumas niɣ itƹeyyab-iṯ, ataf iqqar ȓbaṭeȓ x ccariƹa itƹeyyab-it. Xmi tƹeyyabeḏ ccariƹa ataf cek war zzayes ṯxeddmeḏ ca; Lla, ataf cek ḏ ȓqaḍi nnes waha.

Yaƹqub 5:12

Ay ayṯma, aqa min iǧan muhim. War tjaǧam ca s ujenna niɣ s ṯmurṯ niɣ s can ṯmesȓayṯ nneɣni. Iwa, xmi ɣa ṯinim wah, iniṯ wah. Xmi ɣa ṯinim lla, iniṯ lla. Ḥima war xawem d ihewwi ca lƹiqab.

Yaƹqub 5:19

Ay ayṯma, can yijjen zzaywem iffeɣ abriḏ n lḥaqiqa. Meȓa yarri-ṯ-id can yijjen nneɣni, itxeṣṣa-kenniw aḏ tessnem belli wenni iy ṯiḏ yarrin zeg ubriḏ nnes n ȓbaṭeȓ ataf isenjem-iṯ zi ȓefna nnes ataf aḏ twaɣfarent aṭṭas n ȓmuƹṣiyaṯ.

1 Yuḥanna 2:21

Tariɣ-awem-d ȓaḥeqqac ṯessnem lḥaqiqa maci war t ṯessinem ca. U ƹaweḏ war iǧi bu can uxarriq iy d yusin zi lḥaqiqa.