Ȓexḏayem 9:40 - Ṯarifiṯ 2020

⁴⁰ Ssenni isufeɣ-iṯen Buṭrus marra zi ṯɣurfat, iwḍa x ifadden ibḏa itẓaǧa. Ixzar ɣar ddat nnes inna-as: "Ya Ṭabita, kkar!" Uca nettaṯ ṯerzem ṯiṭṭawin nnes, wami ṯeẓra Buṭrus ṯekkar ṯeqqim.

Ȓexḏayem 9:40 Iomraidhean Croise

Matta 6:6

Walakin cek xmi ɣa ṯeẓẓaǧeḏ, aḏef ɣar uxxam nnec qqen xak ṯawwarṯ, ẓẓaǧ i Babac iǧan mani war ṯ itwiȓi ḥadd. Babac ig iẓerren min itwaggen s ṯnufra ataf ac ijaza.

Matta 9:25

Wami sufɣen iwḏan nni, yuḏef ɣar uxxam iṭṭef-as ḏeg ufus i ṯḥenjirṯ nni uca ṯekkar.

Marqus 9:25

Wami yufa Ƹisa ȓɣaci ḏeɣya munen-d xas, isbedd jjenn nni aƹeffan inna-as: "A jjenn azeynun a jjenn aḏehcur, tamareɣ cek ffeɣ zzayes war ḏayes taḏaf ca ƹemmarṣ ƹaweḏ!"

Luqa 22:41

Ibeƹƹeḏ xasen cwayt, isejjeḏ ɣar ṯmurṯ ibḏa itettar i Arebbi.

Luqa 8:54

Iṭṭef-as ḏeg ufus i ṯḥenjirṯ nni inna-as: "A ṯaḥenjirṯ kkar."

Ȓexḏayem 20:36

Wami inna Bulus ṯimesȓayin-a, irkeƹ x ifadden ḏ yinni marra netta iẓẓuǧ.

Ȓexḏayem 21:5

Wami ḏaneɣ ṯeqḍa ḏinni ȓweqṯ nneɣ nekkar neffeɣ bac a nsiɣi x usafar nneɣ. Marra imeḥḍaren ruḥen akiḏneɣ ɣar barra n ṯendint s ṯemɣarin nsen ḏ ṯarwa nsen, nerkeƹ x ifadden nneɣ x yijḏi n ȓebḥar neẓẓuǧ.

Ȓexḏayem 28:8

Babas n Publiyus itnezbar ḏi ṯassuṯ ihȓec s ṯmessi itazzeȓ-as uƹeddis. Iruḥ ɣares Bulus ɣar uxxam nnes iẓẓuǧ, isers xas ifassen nnes isgenfa-ṯ.

Ȓexḏayem 7:60

Iwḍa x ifadden inna-as s jjheḏ: "A Siḏi, war xasen ḥesseb ca ȓmuƹṣiyeṯ-a!" Wami inna manaya ṣafi iffeɣ-iṯ buḥbeȓ nnes.