Ȓexḏayem 9:34 - Ṯarifiṯ 2020

³⁴ Inna-as Buṭrus: "A Ƹinyas, qa cek isgenfa-cek Ƹisa Lmasiḥ! Kkar jmeƹ ṯassuṯ nnec." Ȓexddenni ikkar ibedd x iḍaren.

Ȓexḏayem 9:34 Iomraidhean Croise

Matta 8:3

Isers xas Ƹisa fus nnes iḥaḏa-ṯ inna-as: "Wah nec xseɣ, cek qa ṯgenfiḏ." Ṣafi ḏeg umcan igenfa umehȓuc nni zi jḏam nnes.

Matta 9:6

Nec xseɣ aḏ tessnem belli Mmis n bnaḏem ɣares ssulṭa x ṯmurṯ ḥima aḏ iɣfar ȓmuƹṣiyaṯ." Uca inna-as i unecruf nni: "Kkar, ysi ṯassuṯ nnec, ruḥ aḏ trewwḥeḏ ɣar ṯeddarṯ nnec!"

Yuḥanna 2:11

Ṯanita ḏ lmuƹjiza ṯamezwarut ig igga Ƹisa. Iggi-t ḏeg ubilaj n Qana ḏi ṯmurṯ n Ljalil. Ismeḍhar-d lƹaḍama nnes, umnen zzayes imeḥḍaren nnes.

Ȓexḏayem 16:18

Ṯegga manayenni aṭṭas n nhuraṯ, Bulus war ḏas iƹjib bu ȓḥaȓ. Ineqȓeb-d ɣares inna-as i jjenn nni iy ḏayes: "Nec tamareɣ-cek ƹlaḥsab isem n Ƹisa Lmasiḥ azzayes ṯeffɣeḏ." Ȓexddenni iffeɣ jjenn nni zzayes ḏeg umcan.

Ȓexḏayem 3:12

Wami ṯen iẓra Buṭrus inna-asen: "Ay iryazen n Ayṯ-Israʼil, mayemmi ṯetƹejjbem x manaya? Mayemmi ḏayneɣ txezzarem ammu? Ma tfekkarem s jjheḏ nneɣ niɣ s ṭṭaƹa nneɣ iy zi narra aryaz-a iggur?

Ȓexḏayem 3:16

Ḏeg yisem n Ƹisa iƹni ḏ lʼiman s yisem nnes, aqa aryaz-a iy twaȓam iy ṯessnem iḏweȓ ijheḏ. S lʼiman nnes ḏi Ƹisa iy zi igenfa qaƹ mammec twaȓam marra kenniw.

Ȓexḏayem 3:6

Indeq-d Buṭrus inna-as: "Nec war ɣari nnuqarṯ niɣ ḏ ddheb. Walakin zi min ɣari nec aḏac ṯ uceɣ. Inna-as: Ƹlaḥsab isem n Ƹisa Lmasiḥ zi Naṣira, kkar uyur!"

Ȓexḏayem 4:10

Iwa itxeṣṣa aḏ tessnem kenniw ḏ marra Ayṯ-Israʼil belli aryaz-a iy ḏa ibedden zzaṯwem igenfa s yisem n Ƹisa Lmasiḥ zi Naṣira. Kenniw ṯṣellbem-ṯ, walakin Arebbi isekkar-iṯ-iḏ zi ȓmewṯ.

Ȓexḏayem 9:33

Yufa ḏinni ijjen n uryaz qqaren-as Ƹinyas, netta izzeȓ ṯmenya iseggwusa ḏi ṯassuṯ mmuṯen-as iḍaren.

Ȓexḏayem 9:35

Marra iwḏan iy zeddɣen ḏeg ubilaj n Ludda ḏ ȓewḍa n Carun ẓrin-ṯ tuben ɣar Siḏi Arebbi.