Ȓexḏayem 9:20 - Ṯarifiṯ 2020

²⁰ Ȓexddenni ibḏa itḥeddaṯ ḏi ṯemziḏawin n Ayṯ-Israʼil iqqar-asen qa Ƹisa ḏ Mmis n Arebbi.

Ȓexḏayem 9:20 Iomraidhean Croise

Yuḥanna 20:28

Indeq-d Tuma inna-as: "A Siḏi inu, ay Arebbi inu!"

Ayṯ-Galaṭya 2:20

Twaṣellbeɣ ak Lmasiḥ. Ssa aȓ ṯsawent maci ḏ nec iy ɣa iddaren; Lla, ḏ Lmasiḥ iy ɣa iddaren ḏayi. Ṯuḏarṯ-a iy ddareɣ ȓexxu ḏi ddat inu, aqa ddareɣ-t s lʼiman inu zi Mmis n Arebbi iy ḏayi iḥibben iṣeddeq xafi ixef nnes.

Yuḥanna 1:49

Inna-as Naṯnahil i Ƹisa: "A Lmuƹallim, qa cek ḏ Mmis n Arebbi, cek ḏ azeǧiḏ n Ayṯ-Israʼil."

Matta 27:43

Itwekkeȓ x Arebbi; Meȓa irḍa xas Arebbi aṯ isenjem ȓexxu! Ȓaḥeqqac inna: Nec ḏ Mmis n Arebbi."

Matta 4:3

Ikkar wenni itjarraben iqarreb-d ɣar Ƹisa inna-as: "Meȓa cek ḏ Mmis n Arebbi, ini-yasen i yizra-ya aḏ ḏewȓen ḏ aɣrum."

Lwaḥi 2:18

Ari-yas i lmalaʼika n jmaƹṯ n ȓmuminin iy iǧan ḏi ṯendint n Ṯiyatra, ini-yas qa wenni iǧan ḏ Mmis n Arebbi, ṯiṭṭawin nnes ggint am uḥaḏuq n ṯmessi, iḍaren nnes ggin am nneḥḥas iṣfan, iqqar-ac:

Ȓexḏayem 13:14

Niṯni ffɣen zi ṯendint n Barja ruḥen ɣar ṯendint n Wanṭakya ḏi jwayeh n Pisidya. Uḏfen qqimen ḏi ṯemziḏa n Ayṯ-Israʼil ḏi nhar n ssebṯ.

Ȓexḏayem 13:5

Wami uwḍen ɣar ṯendint n Salamis bḏan tbeccaren s wawaȓ n Arebbi ḏi ṯemziḏawin n Ayṯ-Israʼil, itƹawan-iṯen Yuḥanna nni.

Ȓexḏayem 9:22

Cawul netta yarni itḥeddaṯ s jjheḏ, iseḏhac Ayṯ-Israʼil ig izeddɣen ḏi Dimaceq, isbeyyen-asen-d s wawaȓ nnes qa Ƹisa ḏ Lmasiḥ.

Ȓexḏayem 8:36

Gguren ḏeg ubriḏ uwḍen ɣar can waman. Inna-as uḥabaci nni: "Aqac aman mujud, min ḏayi yuɣen nec war twaṭehhareɣ ca s waman-a?"

Yuḥanna 20:31

Ṯimesȓayin-a urint ḥima aḏ tamnem belli Ƹisa netta ḏ Lmasiḥ Mmis n Arebbi bac meȓa ṯumnem aɣarwem ṯiȓi ṯuḏarṯ ḏeg yisem nnes.

Yuḥanna 19:7

Arrin xas israʼiliyen nnan-as: "Ɣarneɣ ijjen n ȓqanun. Ƹlaḥsab ȓqanun nni itxeṣṣa aḏ immeṯ minzi netta itarra ixef nnes ḏ Mmis n Arebbi."

Matta 27:54

Aƹaskari nni ameqqran n arrumanus ḏ yinni akiḏes iḥeṭṭan Ƹisa ẓrin zzinzal nni ḏ min iweqƹen, ggwḏen aṭṭas nnan: "Wanita ḏ Mmis n Arebbi ḏ ṣṣaḥ!"

Ȓexḏayem 13:46

Bulus ḏ Barnaba nnan-asen s yijjen n zƹameṯ: "Neccin tuɣa itxeṣṣa aḏawem nessiweȓ i kenniw ḏ imezwura s wawaȓ n Arebbi. Wami ṯugim, ṯḥekmem x yixef nwem belli kenniw war ṯesḏiheǧem ca ṯuḏarṯ n ȓebda, ȓexxu qa neccin a nraḥ ɣar yinni war iǧin ca zi Ayṯ-Israʼil.

Ȓexḏayem 14:1

Ḏi ṯendint n Ikunya uḏfen Bulus ḏ Barnaba s ṯnayen iḏsen ɣar ṯemziḏa n Ayṯ-Israʼil, umnen aṭṭas n israʼiliyen ḏ iyunaniyen s ttebcir nsen.

Ȓexḏayem 16:13

Ḏi nhar n ssebṯ n lƹibada neffeɣ zi ṯewwarṯ n ṯendint nruḥ ɣar ṭṭarf n yiɣzar, tɣiȓ-aneɣ a naf ḏinni ijjen n umcan n ṯẓaǧiṯ. Neqqim nessawaȓ ak ṯemɣarin nni iy nufa ḏinni imunen.

Ȓexḏayem 17:2

Yuḏef Bulus ɣar ṯemziḏa nni mammec itegg ȓebda. Ṯȓaṯa n simanaṯ kuȓ nhar n ssebṯ n lƹibada itemnaqac akiḏsen iqqar-asen min yurin ḏi Lkutub.

Ȓexḏayem 17:10

Ssenni s ǧiȓeṯ nni ayṯmaṯneɣ ssekken Bulus ḏ Silas ɣar ṯendint umi qqaren Birya. Wami uwḍen, uḏfen ɣar ṯemziḏa n Ayṯ-Israʼil.

Ȓexḏayem 17:17

Itemnaqac ḏi ṯemziḏa ak israʼiliyen ḏ inneɣni iteggwḏen Arebbi, itemnaqac ƹaweḏ ak yinni iy keḏ itemseȓqa kuȓ nhar ḏi ssaḥa n ṯendint.

Ȓexḏayem 18:4

Mkuȓ nhar n ssebṯ n lƹibada Bulus itemnaqac ak Ayṯ-Israʼil ḏ iyunaniyen ḏi ṯemziḏa bac aṯen iseqneƹ.

Ȓexḏayem 18:19

Uwḍen ɣar ṯendint n Ufasus, ijja Bulus ḏinni Priskila ḏ Wakilas, ssenni yuḏef ɣar ṯemziḏa bac aḏ imnaqac ak israʼiliyen.

Ȓexḏayem 19:8

Ssenni Bulus yuḏef ɣar ṯemziḏa n Ayṯ-Israʼil, issawaȓ ḏinni s zƹameṯ can n ṯeȓt-chur. Itemnaqac akiḏsen bac aṯen iseqneƹ x ȓmulk n Arebbi.

Ȓexḏayem 8:37

{Inna-as Filippas: "Cek, meȓa ṯumneḏ s marra uȓ nnec qa ṯzemmareḏ aḏ twaṭehhareḏ s waman-a." Yarra xas inna-as: "Wah, nec tamneɣ belli Ƹisa Lmasiḥ netta ḏ Mmis n Arebbi."}