Ȓexḏayem 9:13 - Ṯarifiṯ 2020

¹³ Yarra xas Anas inna-as: "A Siḏi, nec xebbaren-ayi aṭṭas n yiwḏan x bnaḏem-a Cawul, mecḥaȓ iƹeddeb netta ȓmuminin nnec ṣṣaliḥin ḏi Lquds.

Ȓexḏayem 9:13 Iomraidhean Croise

Matta 10:16

Nec aqa ssekkiɣ-kenniw amecnaw iḥuȓiyen jar wuccanen. Iȓim ṯfaqem amecnaw ifiɣeran, iȓim ḏ nniyyeṯ amecnaw iḏbiren.

Ȓexḏayem 22:4

Nec tuɣa tƹeddabeɣ yinni iḏfaren abriḏ-a ḥetta wami mmuṯen. Ṭṭfeɣ iryazen ḏ ṯemɣarin ggiɣ-ṯen ḏi ȓeḥbes.

Ȓexḏayem 8:3

Cawul netta irezzu aḏ iqḍa x jmaƹeṯ n ȓmuminin, itaḏef zi ṯeddarṯ ɣar ṯeddarṯ isufuɣ-d iryazen ḏ ṯemɣarin itegg-iṯen ḏi ȓeḥbes.

Ȓexḏayem 9:1

Cawul ƹaḏ itheddaḏ s ȓmewṯ imeḥḍaren n Siḏiṯneɣ. Ikkar iruḥ ɣar arrayes n ȓfuqaha,

Ȓexḏayem 9:21

Tƹejjben marra yinni itesȓan qqaren: Ma war iǧi ḏ wanita irzun aḏ iqḍa x yinni itȓaɣan x yisem-a n Ƹisa ḏi Lquds? Ma war iǧi ɣarsen iy d yusa ḏanita bac aṯen iṭṭef aṯen yawi ɣar arruyas n ȓfuqaha?

Ȓexḏayem 9:32

Buṭrus itraḥ zeg umcan ɣar umcan, iruḥ iẓra ȓmuminin ṣṣaliḥin iy zeddɣen ḏeg ubilaj n Ludda.

Ȓexḏayem 9:41

Isiɣ-as fus nnes, isekkar-it-id. Iȓaɣa-d i ȓmuminin ṣṣaliḥin ḏ ṯajjaȓin inna-asen aqa ṯeddar.

Ayṯ-Ruma 1:7

Tariɣ i marra imƹizzen n Arebbi iy iǧan ḏi ṯendint n Ruma ixḍar-ikenniw aḏ tiȓim ḏ ȓmuminin ṣṣaliḥin. Akiḏwem yiȓi arḍa ḏ ȓehna zi Arebbi Babaṯneɣ ḏ Ƹisa Lmasiḥ Siḏiṯneɣ.

Ayṯ-Ruma 15:31

Ẓẓaǧeṯ ḥima nec aḏ nejmeɣ zeg ifassen n yinni war yuminen ca ḏi jwayeh n Yahuḏiya, u ƹaweḏ bac ȓxeḏmeṯ inu ḏi Lquds at qebȓen ȓmuminin ṣṣaliḥin iy ḏinni.

Ayṯ-Ruma 16:15

Siwḍem-asen sȓam i Filuɣi ḏ Julya ḏ Lumbas ḏ Niryus ak učmas ḏ marra ȓmuminin ṣṣaliḥin iy kiḏsen iǧan.

Ayṯ-Ruma 16:2

Reḥḥbeṯ zzayes ƹlaḥsab Siḏiṯneɣ, iƹni ijjen n ureḥḥeb iy sḏaheǧen ȓmuminin ṣṣaliḥin. Ƹawnem-t ḏi marra min teḥḏaj zzaywem ȓaḥeqqac nettaṯ tƹawan aṭṭas n yiwḏan, tƹawan-ayi uȓa ḏ nec.

1 Ayṯ-Kurinṯ 1:2

Netseǧam xawem kenniw iy iǧan ḏ jmaƹeṯ n ȓmuminin n Arebbi ḏi ṯendint n Kurinṯ. Twassiṣfam ḏi Ƹisa Lmasiḥ, twaxḍarem bac aḏ tiȓim ḏ ṣṣaliḥin ak marra yinni itȓaɣan x yisem n Siḏiṯneɣ Ƹisa Lmasiḥ ḏi marra imucan. Netta ḏ Siḏiṯneɣ ḏ Siḏiṯsen.

1 Ayṯ-Kurinṯ 14:33

Liʼanna Arebbi war iǧi bu n ȓfawḍa walakin n ȓehna. Ḏ ṯanita ḏ lƹada iy ḏaysent ḏi marra ṯijumaƹ n ȓmuminin.

1 Ayṯ-Kurinṯ 16:1

Ƹlaḥsab ṣṣaḏaqa i ȓmuminin ṣṣaliḥin, swejḏeṯ kenniw mammec ṯent weṣṣiɣ i ṯjumaƹ n ȓmuminin ḏi lʼiqlim n Galaṭya.

1 Ayṯ-Kurinṯ 6:5

Qqareɣ-awem manaya ḥima aḏ tseḏḥim. Ma ḏ ṣṣaḥ war ḏinni ḥadd jarawem ḏayes ȓefhameṯ ḥima aḏ iḥell ccikayaṯ-a jar ȓmuminin?

Ayṯ-Ufasus 1:1

Nec ḏ Bulus, nec ḏ ijjen n arrasul n Ƹisa Lmasiḥ s ȓxaḍar n Arebbi. Uriɣ ṯabrat-a i ṣṣaliḥin iy iǧan ḏi jwayeh n Ufasus iy yumnen s Ƹisa.

Ayṯ-Filippas 1:1

Nec ḏ Bulus akiḏi Timutawus neccin ḏ ixeddamen n Ƹisa Lmasiḥ. Ntari ṯabrat-a i ṣṣaliḥin n Ƹisa Lmasiḥ iy iǧan ḏi ṯendint n Filippi ḏ arruyas nsen ḏ nnuyab nsen.

Ayṯ-Filippas 4:22

Marra ṣṣaliḥiin sawwaḍen-awem-d sȓam xaṣṣatan yinni iǧan ḏi ṯeddarṯ n uzeǧiḏ Qayṣar.

Ayṯ-Kulus 1:2

Tariɣ ṯabrat-a i wawmaṯen iy ḏi iǧa lʼiman iǧan ḏ ṣṣaliḥin ḏi ṯendint n Kulus. Akiḏwem yiȓi arḍa ḏ ȓehna zi Arebbi Babaṯneɣ.

Iƹibraniyen 13:24

Siwḍem-asen sȓam i marra yinni iy xawem itrayyan ḏ marra ṣṣaliḥin. Yina zi Iṭalya sawwaḍen-awem-d sȓam.

Yahuḏa 1:3

Ay imƹizzen inu, tuɣa rzuɣ aḏawem ariɣ x ubriḏ nni iy zi nnejjem neccin iy ḏi ncarrec marra, walakin ufiɣ u labud aḏawem ariɣ ṭṭalab-a ḥima aḏ tmenɣem x lʼiman-a iy zi twakellfen ṣṣaliḥin ḏeg yijjen n ṯwaȓa i ȓebda.