Ȓexḏayem 5:41 - Ṯarifiṯ 2020

⁴¹ Farḥen arrusul wami ffɣen zi Jmaƹeṯ nni n lḥukkam n Ayṯ-Israʼil, ḥessben belli ɣarsen lhimma x lʼihana nni iy ḏasen iweqƹen x yisem n Ƹisa.

Ȓexḏayem 5:41 Iomraidhean Croise

Luqa 6:22

Ssaƹḏ nwem meȓa tƹiffan-kenniw yiwḏan, war kenniw qebȓen ssawaȓen ḏaywem s ȓƹib, tzawaren-kenniw ƹlaḥsab Mmis n bnaḏem.

Yuḥanna 15:21

Niṯni teggen-awem manaya marra x ssabab n yisem inu minzi war ssinen ca wenni iy ḏayi d issekken.

Ȓexḏayem 21:13

Inna-aneɣ: "Min kenniw yuɣin? Mayemmi iy ḏayi ṯeḥfarem ḏeg wuȓ s imeṭṭawen nwem? Nec aqayi mujud maci aḏayi qqnen waha. Nec aqayi mujud aḏ mmṯeɣ ḏi Lquds ƹlaḥsab isem n Siḏiṯneɣ Ƹisa!"

Ȓexḏayem 5:21

Ḏ manayenni iy ggin, uḏfen ɣar ȓefjar ɣar ṯemziḏa ṯameqqrant bḏan seȓmaḏen. Menbaƹd iruḥ arrayes n ȓfuqaha ḏ marra yinni kis iǧan smunen-d Jmaƹeṯ n lḥukkam n Ayṯ-Israʼil iƹni marra imeqqranen nsen, ssenni ssekken iƹessasen n ṯemziḏa aḏ d awin arrusul zi ȓeḥbes.

Ayṯ-Ruma 5:3

War iǧi ɣir manaya waha, nfarreḥ neccin uȓa ḏi ȓemḥayen. Nessen belli ȓemḥayen-a tarwent-id ṣṣbar.

2 Ayṯ-Kurinṯ 12:10

S manaya ƹlaḥsab Lmasiḥ nec farrḥeɣ s ḍḍuƹef inu ḏ ṯukkwra ḏ tamara ḏ uƹeddeb ḏ uziyyar. Mayemmi? Meȓa ḍeƹfeɣ ȓexddenni nec aḏ iȓiɣ jehḏeɣ.

Ayṯ-Filippas 1:29

Maci ƹlaḥsab Lmasiḥ azzayes ṯamnem waha; Lla, labud ƹaweḏ aḏ twaƹeddbem ƹlaḥsab ssabab nnes.

Iƹibraniyen 10:34

Liʼanna imeḥbas qqimen ḏaywem ḏeg wuȓ. Ƹaweḏ ṯeṣbarem s ȓefraḥeṯ wami ḏawem kksin agȓa nwem, tuɣa tessnem ƹaḏ aɣarwem yiȓi ijjen n wagȓa ḥsen zeg unneɣni, itduman.

Iƹibraniyen 12:2

U labud a nxezzar mliḥ ɣar Ƹisa zzaƹim nneɣ ḏ netta iy ḏaneɣ ɣa issiwḍen nican ɣar uneggaru. Ƹisa s ȓefraḥeṯ nni iy tuɣa ṯ itrajan ɣar zzaṯ, iṣbar x ṣṣalib iƹeyyeb aḥeggar n ṣṣalib nni ssenni iqqim x ufusi n ȓƹarc n Arebbi.

Yaƹqub 1:2

Ay ayṯma, farḥem aṭṭas xmi ɣa ṯiȓim ḏi lʼanwaƹ n ȓemḥayen.

3 Yuḥanna 1:7

Yina twassekken-d ƹlaḥsab isem nni yuƹȓan, war jemmƹen bu lmuƹawana zeg yinni war iḏeffaren ca Arebbi.