Ȓexḏayem 5:14 - Ṯarifiṯ 2020

¹⁴ Marnin-d aṭṭas n yiwḏan iy yumnen zi Siḏiṯneɣ, zzaysen ijjen n lƹadad n iryazen uȓa ḏ ṯemɣarin.

Ȓexḏayem 5:14 Iomraidhean Croise

Ȓexḏayem 11:24

Barnaba netta ḏ ijjen n uryaz ḏ aṣebḥan iccur s Arruḥ iqeddsen itamen aṭṭas, xarebbi n yiwḏan umnen zi Siḏiṯneɣ.

Ȓexḏayem 2:41

Ssenni yinni iqebȓen awaȓ nnes ruḥen twaṭehharen s waman. Nhar nni marnin can ṯeȓtaȓaf iḏsen ɣar ȓmuminin.

Ȓexḏayem 2:47

Ḥemmḏen Arebbi, reṭṭan xasen yiwḏan marra. Kuȓ nhar yarenni-yasen Siḏi Arebbi ḏi lƹadad n yinni inejjmen.

Ȓexḏayem 22:4

Nec tuɣa tƹeddabeɣ yinni iḏfaren abriḏ-a ḥetta wami mmuṯen. Ṭṭfeɣ iryazen ḏ ṯemɣarin ggiɣ-ṯen ḏi ȓeḥbes.

Ȓexḏayem 4:4

Aṭṭas n yiwḏan iy isȓin i wawaȓ nsen umnen. Iryazen nni iy yumnen ȓexxu uwḍen ɣar yijjen xemsaȓaf iḏsen.

Ȓexḏayem 6:7

Intacar wawaȓ n Arebbi, marnin-d aṭṭas n imeḥḍaren ḏi Lquds, umnen aṭṭas n ȓfuqaha n Ayṯ-Israʼil zi Lʼinjil.

Ȓexḏayem 8:12

Walakin wami ṯen ibeccar Filippas s ȓmulk n Arebbi ḏ yisem n Ƹisa Lmasiḥ ȓexddenni umnen tetwaṭehharen s waman s iryazen ḏ ṯemɣarin.

Ȓexḏayem 8:3

Cawul netta irezzu aḏ iqḍa x jmaƹeṯ n ȓmuminin, itaḏef zi ṯeddarṯ ɣar ṯeddarṯ isufuɣ-d iryazen ḏ ṯemɣarin itegg-iṯen ḏi ȓeḥbes.

Ȓexḏayem 9:2

ittar zzayes arruxṣaṯ aṯent iysi ɣar ṯemziḏawin n Ayṯ-Israʼil ḏi Dimaceq bac yinni ɣa yaf ḏeffaren abriḏ n Ƹisa s ṯemɣarin ḏ iryazen aṯen yawi ḏ imeḥbas ɣar Lquds.

Ȓexḏayem 9:31

Ḏi ȓweqṯ nni jmaƹeṯ n ȓmuminin ḏi marra jwayeh n Yahuḏiya ḏ Ljalil ḏ Samarya hnan. Twajehḏen, teggwḏen zi Siḏi Arebbi, twacejjaƹen s Arruḥ iqeddsen, tmarnin ḏi lƹadad.

Ȓexḏayem 9:35

Marra iwḏan iy zeddɣen ḏeg ubilaj n Ludda ḏ ȓewḍa n Carun ẓrin-ṯ tuben ɣar Siḏi Arebbi.

Ȓexḏayem 9:42

Iffeɣ ȓexbar ḏi ṯendint n Yafa marra, umnen zi Siḏiṯneɣ aṭṭas n yiwḏan.

2 Ayṯ-Kurinṯ 6:15

Ma ḏinni ca n ȓḥajeṯ kif-kif jar Lmasiḥ ḏ Ibȓis? Lla. Ma ḏinni ca n ȓḥajeṯ ṯcarrec jar ȓmumen ḏ wenni war yuminen ca? Walu.

Ayṯ-Galaṭya 3:28

War ḏinni lla aʼisraʼili niɣ ḏ ayunani. War ḏinni lla ismeɣ niɣ ḏ wenni iǧan ḥurr. War ḏinni lla aryaz lla ṯamɣarṯ. Aqa kenniw marra iḏwem ṯmunem ḏ ijjen ḏi Ƹisa Lmasiḥ.