Ȓexḏayem 5:13 - Ṯarifiṯ 2020

¹³ Zeg yiwḏan nni iy war yuminen ca war izƹim ḥadd akiḏsen yiȓi ak ȓmuminin walakin waxxa amenni teḥtaramen-ṯen aṭṭas.

Ȓexḏayem 5:13 Iomraidhean Croise

Luqa 19:48

War ufin mammec ɣa ggen minzi marra ccaƹb tuɣa itesȓa-yas iqqim ḏeg wawaȓ nnes.

Yuḥanna 12:42

Innama, iwḏan aṭṭas waxxa zi arruyas nni umnen zzayes. Walakin x ssabab n ifarrisiyen ugin yiwḏan-a at inin ḥima war ṯen ṭerden ca zi ṯemziḏa.

Yuḥanna 19:38

Menbaƹd i manaya, ijjen qqaren-as Yusef zi ṯendint n Arimatya iruḥ ittar-as i Bilaṭus aḏ iysi ddat n Ƹisa. Netta Yusef ḏ ameḥḍar n Ƹisa walakin war d isbeyyen ca ixef nnes iggweḏ zeg israʼiliyen. Wami iqbeȓ Bilaṭus, iruḥ Yusef iysi ddat n Ƹisa.

Yuḥanna 9:22

Nnan lwalidin nnes amenni minzi ggwḏen zeg imeqqranen n Ayṯ-Israʼil. Tuɣa imeqqranen nni tafqen belli wenni ɣa icehḏen Ƹisa ḏ Lmasiḥ, aṯ ṭerden zi ṯemziḏa.

Ȓexḏayem 19:17

Arrin-asen-d ȓexbar marra imezḏaɣ n Ufasus, iƹni Ayṯ-Israʼil ḏ iyunaniyen s ṯnayen iḏsen. Ṯeȓqef-iṯen ṯiggwḏi uca itwasemɣar isem n Siḏiṯneɣ Ƹisa aṭṭas.

Ȓexḏayem 2:47

Ḥemmḏen Arebbi, reṭṭan xasen yiwḏan marra. Kuȓ nhar yarenni-yasen Siḏi Arebbi ḏi lƹadad n yinni inejjmen.

Ȓexḏayem 4:21

Arnin siggwḏen-ṯen, ȓexddenni ḍeȓqen-asen. War ufin mammec ḏasen ɣa ggen aṯen ƹaqben minzi marra iwḏan ḥemmḏen Arebbi x min iweqƹen.

Ȓexḏayem 5:26

Ȓexddenni iruḥ umeqqran nni n iƹessasen ak imxazniyen nnes uwin-d arrusul bȓa lƹunf minzi ggwḏen zi ccaƹb aṯen rejmen s uzru.

Ȓexḏayem 5:5

Wami isȓa Anas i wawaȓ nni, iwḍa ɣar ṯmurṯ immuṯ ḏinni. Iwḏan marra iy d yarrin ȓexbar-a ggwḏen aṭṭas.

2 Ayṯ-Kurinṯ 10:15

War nteftaxar ca s ȓxeḏmeṯ iy ggin midden iƹni bac a nawi ccan nnes; Lla, neccin netmenna aḏ tarnim ḏi lʼiman nwem bac ƹaweḏ lḥudud nneɣ akiḏwem itmarni.