Ȓexḏayem 3:26 - Ṯarifiṯ 2020

²⁶ Wami ḏawem d yuca Arebbi axeddam nnes Ƹisa, ḏ amezwaru issekk-awem-ṯ-iḏ i kenniw bac akenniw ibarek, iƹni aḏ isbeƹƹeḏ mkuȓ ijjen zzaywem x ccarr nnes."

Ȓexḏayem 3:26 Iomraidhean Croise

Matta 1:21

Aqa aḏ d tejj ijjen n uḥenjir aṯ ṯsemmiḏ Ƹisa ȓaḥeqqac netta iy ɣa isnejmen ȓqum nnes zi ȓmuƹṣiyaṯ nsen."

Matta 15:24

Inna-asen Ƹisa: "Qa nec twassekkeɣ-d ɣir ɣar iḥuȓiyen iweddaren, iƹni iwḏan n Ayṯ-Israʼil."

Luqa 24:47

Aḏ beccaren marra ȓegnus ḥima aḏ tuben aḏ twaɣfarent ȓmuƹṣiyaṯ nsen s yisem n Lmasiḥ. Aḏ ibḏa manaya ḏi Lquds.

Yuḥanna 4:22

Kenniw ṯƹebbḏem wenni war ṯessinem ca, neccin nƹebbeḏ wenni iy nessen minzi asenjem ikka-d zeg israʼiliyen.

Ȓexḏayem 1:8

Walakin axmi xawem d ɣa ihwa Arruḥ iqeddsen, aɣarwem yiȓi jjheḏ. Axafi ṯcehḏem ḏi ṯendint n Lquds ḏ marra ṯimura n Yahuḏiya ḏ Samarya aȓ ṭṭarf uneggaru n ddunect-a."

Ȓexḏayem 13:26

Inna-asen Bulus: "Ay ayṯma, a ṯarwa n Brahim, ay yinni iteggwḏen Arebbi! Qa ḏ neccin umi d issekk Arebbi awaȓ-a iy zi ɣa nenjem.

Ȓexḏayem 2:24

Walakin Arebbi netta isekkar-iṯ-iḏ iḍȓeq-as zi ȓeḥriq nni n ȓmewṯ xmi tarew, aqa ȓmewṯ war ḏas ṯzemmar.

Ȓexḏayem 2:32

Ƹisa-ya wanita isekkar-iṯ-iḏ Arebbi zi ȓmewṯ, aqa neccin marra ncehheḏ x manaya.

Ȓexḏayem 26:20

Lla, tbeccareɣ ḏ amezwaru imezḏaɣ n tendint n Dimaceq, ƹaḏ ḏ imezḏaɣ n ṯendint n Lquds ḏ marra jwayeh n ṯmurṯ n Yahuḏiya, ḏ aneggaru marra yinni war iǧin ca zi Ayṯ-Israʼil. Tbeccareɣ-ṯen aḏ tuben aḏ ḏewȓen ɣar Arebbi, aḏ xeḏmen ȓexḏayem n ttuba iy iǧan n ṣṣaḥ.

Ȓexḏayem 3:13

Lla, ḏ Arebbi n ȓejḏuḏ nneɣ iƹni Arebbi n Brahim ḏ Arebbi n Isḥaq ḏ Arebbi n Yaƹqub. Liʼanna ḏ netta iy d isbeyynen lƹaḍama nnes ḏeg uxeddam nnes Ƹisa. Walakin ḏ kenniw iy ṯ isellmen i lḥukkam ṯenkarem-ṯ zzaṯ i Bilaṭus wami tuɣa irezzu aḏas iḍȓeq.

Ȓexḏayem 3:15

Ṯenɣim wenni iǧan ḏ lʼaṣel n ṯuḏarṯ, walakin Arebbi isekkar-iṯ-iḏ zi ȓmewṯ, neccin necheḏ xas.

Ȓexḏayem 3:22

Aqa inna Musa: Aḏawem d yuc Siḏi Arebbi nwem ijjen n nnabi zeg ayṯmaṯwem am nec. Itxeṣṣa aḏ tṣennṭem i marra min ḏawem ɣa yini.

Ȓexḏayem 3:25

Kenniw ḏ ddurriṯ n lʼanbiya. Kenniw ḏ ṯarwa n ȓƹaheḏ nni ig igga Arebbi ak ȓejḏuḏ nwem. Inna-as Arebbi i Brahim: Zi ddurriṯ nnec iy zi ɣa barkeɣ marra ȓegnus n ṯmurṯ-a.

Ayṯ-Ruma 1:16

Aqa nec war tseḏḥiɣ ca zi Lʼinjil liʼanna Lʼinjil ḏ jjheḏ nni ig isxeddam Arebbi bac aḏ isenjem marra wi ɣa yamnen: Ayṯ-Israʼil ḏ imezwura ṯumma yinni war iǧin ca zi Ayṯ-Israʼil.

Ayṯ-Ruma 15:29

U nec ssneɣ xmi ɣarwem d ɣa aseɣ, aḏ d aseɣ s yijjen n ȓmudd iccur s lbaraka n Lmasiḥ.

Ayṯ-Ruma 15:8

Cuf, nec qqareɣ-awem Lmasiḥ yusa-d ḥima aḏ yiȓi ḏ axeddam n Ayṯ-Israʼil bac aḏ d ismeḍhar lḥaqiqa n Arebbi aḏ igg min iwƹeḏ ssalaf ṣṣaliḥin.

Ayṯ-Ufasus 1:3

Aḏ itwabarek Arebbi, Babas n Siḏiṯneɣ Ƹisa Lmasiḥ. U ḏi Lmasiḥ ibarek-aneɣ Siḏi Arebbi zi mkuȓ lbaraka ruḥiya ig iǧan ḏeg ijennaṯen.

1 Buṭrus 1:3

Aḏ itwabarek Arebbi, Babas n Siḏiṯneɣ Ƹisa Lmasiḥ iy ḏaneɣ yucin s arraḥmeṯ nnes ṯameqqrant ad nexȓeq ḏ jḏiḏ ɣar yijjen n lʼamal iddaren wami d isekkar Ƹisa Lmasiḥ zeg imettinen.

1 Buṭrus 3:9

War tarraṯ ca ccarr s ccarr nneɣni niɣ ȓƹib s ȓƹib nneɣni. Lla, barkeṯ inneɣni, mayemmi? Minzi iȓaɣa-d xawem i manaya bac aḏ txaȓsem s yijjen n lbaraka.

Yahuḏa 1:24

Fa wenni izemmaren akenniw iḥḍa bac war tenḏȓifem ca, izemmar ƹaweḏ akenniw iqeddem ɣar zzaṯ nnes lƹaḍim aḏ tiȓim bȓa ȓƹib aɣarwem ṯiȓi ijjen n ȓefraḥeṯ ḏ ṯameqqrant,