Ȓexḏayem 3:16 - Ṯarifiṯ 2020

¹⁶ Ḏeg yisem n Ƹisa iƹni ḏ lʼiman s yisem nnes, aqa aryaz-a iy twaȓam iy ṯessnem iḏweȓ ijheḏ. S lʼiman nnes ḏi Ƹisa iy zi igenfa qaƹ mammec twaȓam marra kenniw.

Ȓexḏayem 3:16 Iomraidhean Croise

Matta 14:29

Inna-as Ƹisa: "Araḥ-d!" Ikkar ihwa-d Buṭrus zi ṯɣarrabut iggur x iḍaren x waman ɣar Ƹisa.

Matta 9:22

Ineqȓeb ɣares Ƹisa iẓri-t uca inna-as: "War teggweḏ ca a yeǧi, cem lʼiman nnem isgenfa-cem." Ṯgenfa ṯemɣarṯ nni ȓexddenni.

Yuḥanna 14:12

Aqa tesȓam ȓḥaqq: Wenni zzayi yumnen, ataf aḏ igg ȓexḏayem iy xeddmeɣ niɣ ktar minzi nec ggureɣ ɣar Baba.

Yuḥanna 7:23

Meȓa ṯsemmḥem iḥarmucen aḏ ṭehharen ḏi nhar n lƹibada ḥima war txilifem ca Ccariƹa n Musa, ma tƹaṣṣabem xafi wami sgenfiɣ ijjen n bnaḏem qaƹ ḏi nhar n lƹibada?

Ȓexḏayem 14:9

Itsȓa i wawaȓ n Bulus. Ixzar ḏayes mliḥ Bulus, yufa ḏayes lʼiman iy zi ɣa igenfa.

Ȓexḏayem 16:18

Ṯegga manayenni aṭṭas n nhuraṯ, Bulus war ḏas iƹjib bu ȓḥaȓ. Ineqȓeb-d ɣares inna-as i jjenn nni iy ḏayes: "Nec tamareɣ-cek ƹlaḥsab isem n Ƹisa Lmasiḥ azzayes ṯeffɣeḏ." Ȓexddenni iffeɣ jjenn nni zzayes ḏeg umcan.

Ȓexḏayem 3:6

Indeq-d Buṭrus inna-as: "Nec war ɣari nnuqarṯ niɣ ḏ ddheb. Walakin zi min ɣari nec aḏac ṯ uceɣ. Inna-as: Ƹlaḥsab isem n Ƹisa Lmasiḥ zi Naṣira, kkar uyur!"

Ȓexḏayem 3:8

Inexḍef ibedd x iḍaren nnes ibḏa iggur. Yuḏef akiḏsen ɣar ṯemziḏa ṯameqqrant iggur ineṭṭew iḥemmeḏ Arebbi.

Ȓexḏayem 4:10

Iwa itxeṣṣa aḏ tessnem kenniw ḏ marra Ayṯ-Israʼil belli aryaz-a iy ḏa ibedden zzaṯwem igenfa s yisem n Ƹisa Lmasiḥ zi Naṣira. Kenniw ṯṣellbem-ṯ, walakin Arebbi isekkar-iṯ-iḏ zi ȓmewṯ.

Ȓexḏayem 4:30

Sarreḥ fus nnec bac aḏ tesgenfiḏ aḏ tesbeyyneḏ lmuƹjizaṯ ḏ lburhanaṯ ƹlaḥsab isem n Ƹisa axeddam nnec iqeddsen."

Ȓexḏayem 4:7

Uwin-d Buṭrus ḏ Yuḥanna sbedden-ṯen ḏi ȓwesṭ nsen nnan-asen: "Man jjheḏ niɣ ḏ yisem iy zi teggem manaya?"

Ayṯ-Ruma 3:22

Iƹni, Arebbi isemṣȓaḥ akiḏes marra wenni itamnen zi Ƹisa Lmasiḥ, war itferraq jar yiwḏan. Aqa marra ƹṣan Arebbi, twaḥarramen zi lƹaḍama nnes.

1 Ayṯ-Kurinṯ 13:2

Nec maƹlik ɣari lqudra aḏ ssiwȓeɣ am lʼanbiya, maƹlik fehmeɣ marra min inuffaren ḏ marra ṯusna, maƹlik sxeddameɣ lʼiman aḏ smuttiɣ iḏurar-a, iȓi ḏ walu iy ǧiɣ nec meȓa war tḥibbiɣ ca.