Ȓexḏayem 3:1 - Ṯarifiṯ 2020

¹ Ijjen n nhar ɣar ṯȓaṯa uƹecci ḏi ȓweqṯ n ṯẓaǧiṯ, Buṭrus ḏ Yuḥanna gaƹƹḏen ɣar ṯemziḏa ṯameqqrant n Ayṯ-Israʼil.

Ȓexḏayem 3:1 Iomraidhean Croise

Matta 17:1

Ṯeƹḏu settiyyam, Ƹisa yuwi akiḏes Buṭrus ḏ Yaƹqub ḏ wumas Yuḥanna, yuwi-ṯen waḥeḏsen ɣar yijjen n uḏrar yuƹȓa.

Matta 26:37

Yuwi akiḏes Buṭrus ḏ ṯnayen n ṯarwa n Zabadi, ibḏa itnexȓaƹ itxeyyaq.

Matta 27:45

Ɣar ṯenƹac n uziȓ ṯehwa-d ṯaǧest x ṯmurṯ amen-ṯekmaȓ aȓ wami ƹȓayen ḏ ṯȓaṯa uƹecci.

Luqa 1:10

Wami itceƹƹaȓ tbaxur, marra ccaƹb nni iy ḏinni imunen qqimen ɣar barra i ṯemziḏa tẓaǧan.

Luqa 18:10

"Ijjen n nhar ruḥen ijjen ṯnayen n iryazen ɣar ṯemzida ṯameqqrant n Ayṯ-Israʼil ḥima aḏ ẓẓaǧen, ijjen zi ȓḥizeb n ifarrisiyen, ijjen ijemmeƹ ḍḍariba.

Luqa 22:8

Iruḥ Ƹisa issekk Buṭrus ḏ Yuḥanna inna-asen: "Ruḥem swejḏem-aneɣ amensi n Ȓƹiḏ Ameqqran ḥima aṯ necc."

Luqa 24:53

Ssenni qqimen ḏi ṯemziḏa ṯameqqrant ḥemmḏen Arebbi.

Yuḥanna 21:7

Ameḥḍar nni iƹizzen x Ƹisa aṭṭas inna-as i Buṭrus qa win ḏ Siḏiṯneɣ. Wami isȓa Simƹan Buṭrus qa win ḏ Ƹisa, ikkar yareḍ čammir nnes ȓaḥeqqac tuɣa ikkes-iṯ, ȓexddenni inḍew ḏi ȓebḥar bac aḏ iraḥ ɣar Ƹisa.

Ȓexḏayem 10:3

Ijjen n nhar ɣar ṯȓaṯa uƹecci, iẓra nican ḏi lwaḥi ijjen n lmalak n Arebbi itaḏef-d xas itȓaɣa-yas-d: "A Kurninyus."

Ȓexḏayem 10:30

Indeq-d Kurninyus inna-as: "Qa nec arbeƹiyyam zeg wami ɣar ṯȓaṯa uƹecci am ȓweqṯ-a, tuɣa tẓaǧiɣ ḏi ṯeddarṯ inu. Ƹlaɣafla ibedd-d zzaṯi ijjen n uṯarras ɣares arruḍ itceƹciƹ.

Ȓexḏayem 2:46

Tmunen marra iḏsen mkuȓ nhar ḏi ṯemziḏa ṯameqqrant n Ayṯ-Israʼil. Tetten aɣrum marra ḏi ṯuḏrin nsen, tetten mecca s ȓefraḥeṯ ḏ ȓxaḍar nsen.

Ȓexḏayem 3:3

Wami iẓra unecruf nni Buṭrus ḏ Yuḥanna taḏfen ɣar ṯemziḏa ṯameqqrant, ibḏa itettar-asen ṣṣaḏaqa.

Ȓexḏayem 3:4

Buṭrus ḏ Yuḥanna xezzaren ḏayes mliḥ, inna-as Buṭrus: "Xzar-d ɣarneɣ!"

Ȓexḏayem 4:13

Xzaren lḥukkam nni ḏi zƹameṯ n Buṭrus ḏ Yuḥanna ufin-ṯen war ɣrin ca niṯni ḏ iwḏan ƹadi. Qqimen tƹejjben, ƹeqȓen-ṯen tuɣaṯen ak Ƹisa.

Ȓexḏayem 5:25

Yusa-d ɣarsen ijjen inna-asen: "Iryazen nni iy ṯeggim ḏi ȓeḥbes aqaṯen ḏi ṯemziḏa ṯameqqrant seȓmaḏen iwḏan!"

Ȓexḏayem 8:14

Wami d arrin ȓexbar arrusul ḏi Lquds qa Ayṯ-Samarya qebȓen awaȓ n Arebbi, kkaren ssekken ɣarsen Buṭrus ḏ Yuḥanna.

Ayṯ-Galaṭya 2:9

Yaƹqub ḏ Buṭrus ḏ Yuḥanna itwaḥsabben ḏ imeqqranen ḏi jmaƹeṯ nni, fehmen arḍa iy ḏayi yuca Arebbi seǧmen xaneɣ nec ḏ Barnaba s ufus afusi nsen amƹacar. Qebȓen-aneɣ neccin a nraḥ a nbeccar i yinni iǧan ḏ iyunaniyen, niṯni aḏ beccaren i yinni iǧan zi Ayṯ-Israʼil.