Ȓexḏayem 26:4 - Ṯarifiṯ 2020

⁴ Qa marra Ayṯ-Israʼil ssnen mammec tuɣa ṯeǧa ṯuḏarṯ inu zi ṯemẓi inu iy ƹiceɣ ḏi ṯmurṯ inu, ƹaweḏ uȓa ḏi ṯendint n Lquds.

Ȓexḏayem 26:4 Iomraidhean Croise

Ȓexḏayem 22:3

"Nec ḏ aʼisraʼili xeȓqeɣ ḏi ṯendint n Ṭarsus ḏi lʼiqlim n Kilikya, walakin nec ymiɣ ḏi ṯendint-a ḏanita. Ɣriɣ ɣar iḍaren n lʼustad Gamlil twarebbiɣ s ccariƹa n ȓejḏuḏ nneɣ mammec ḏaneɣ ṯweṣṣa ṯa s ṯa kuȓci. Rezzuɣ aḏ ggeɣ lwajib ak Arebbi s wuȓ inu mamc ṯrezzum aḏ teggem kenniw marra nhara.

Ȓexḏayem 24:14

Walakin qqareɣ-ac nec taƹtarafeɣ zzaṯec ƹebbḏeɣ Arebbi n ȓejḏuḏ nneɣ ƹlaḥsab abriḏ-a iy ḥessben niṯni zaƹma ḏ lbidƹa. Tamneɣ s marra min itafaqen ak ccariƹa ḏ min d yurin ḏi Lkutub n lʼanbiya.

Ayṯ-Galaṭya 1:13

Aqa ṯesȓim xafi mammec tuɣa tƹiceɣ zi qbeȓ wami tuɣa tbaƹeɣ ddin n Ayṯ-Israʼil, iƹni mammec tuɣa tƹeddabeɣ jmaƹeṯ n ȓmuminin n Arebbi s umenɣi, rezzuɣ axasen qḍiɣ.

Ayṯ-Filippas 3:5

Mayemmi? Nec ṭehhareɣ nhar wis ṯmeniyyam. Lʼaṣel inu zi Ayṯ-Israʼil zi Ayṯ-Benyamin. Nec ḏ aƹibrani mmis n iƹibraniyen. Ƹlaḥsab ccariƹa, nec zi ȓḥizeb nni n ifarrisiyen.

2 Timutawus 3:10

Walakin cek ṯessneḏ mliḥ ttaƹlim inu ḏ ubriḏ n ṯuḏarṯ inu ḏ lɣaraḍ inu ḏ lʼiman inu ḏ ttasiƹ n ȓxaḍar inu ḏ ȓemḥibbeṯ inu ḏ ṣṣbar inu