Ȓexḏayem 26:23 - Ṯarifiṯ 2020

²³ Iƹni, Lmasiḥ wa labud aḏ itwaƹeddeb aḏ ibeccar lʼumma nneɣ s nnur ḏ marra yinni war iǧin ca zi Ayṯ-Israʼil liʼanna ḏ netta iy d ɣa ikkaren ḏ amezwaru zi ȓmewṯ."

Ȓexḏayem 26:23 Iomraidhean Croise

Matta 26:24

Mmis n bnaḏem aḏas iwqeƹ ƹlaḥsab mamc xas iqqar Lkitab, walakin ya ȓefḍiḥeṯ n bnaḏem nni iy ṯ ɣa izzenzen! Ḥsen i netta mȓi war d ixȓiq ca."

Matta 27:53

ffɣen-d zeg imeḍȓan. (Menbaƹd i ṯeȓtiyyam aḏ d ikkar Ƹisa zi ȓmewṯ, niṯni aḏ aḏfen ɣar ṯendint n Lquds aḏ d meḍharen i waṭṭas n yiwḏan.)

Luqa 2:32

Netta ḏ ijjen n nnur iy ṯesmeḍhareḏ i ȓegnus, netta ḏ ijjen n lƹaḍama n ccaƹb nnec n Ayṯ-Israʼil."

Luqa 24:26

Tuɣa itxeṣṣa i Lmasiḥ aḏ iƹeddeb, ssenni aḏ yaḏef ɣar lƹaḍama nnes."

Luqa 24:46

Inna-asen: "Ammu iy yura ḏi Lkitab qa itxeṣṣa i Lmasiḥ aḏ itwaƹeddeb aḏ d ikkar zi ȓmewṯ wis ṯeȓtiyyam.

Yuḥanna 10:18

Uȓa ḏ ijjen war zzayi t itekkes ca; Lla, nec tṣeddaqeɣ ṯuḏarṯ inu s ȓxaḍar inu. Ɣari jjheḏ ḥima at ṣeddqeɣ. Ɣari jjheḏ ḥima atid arreɣ ƹaweḏ. Ammu iy ḏayi iweṣṣa Baba."

Yuḥanna 11:25

Inna-as Ƹisa: "Nec ḏ lqiyama nec ḏ ṯuḏarṯ, wenni itamnen zzayi ataf aḏ iddar waxxa immuṯ.

Ȓexḏayem 13:34

Fa Arebbi isekkar-d Ƹisa zi ȓmewṯ iƹni ƹemmarṣ aḏ ikiccew. Amenni iqqar Lkitab:

Ȓexḏayem 26:18

bac aḏasen ṯrezmeḏ ṯiṭṭawin nsen, aṯen ṯesbeƹƹḏeḏ zi ṯaǧest ɣar nnur, aṯen ṯesbeƹƹḏeḏ zi ssulṭa n Cciṭan ɣar Arebbi. Ammu aḏasen twaɣfarent ȓmuƹṣiyaṯ nsen aɣarsen yiȓi umcan ak ṣṣaliḥin iƹni s lʼiman iy ḏayi iy ggin.

Ȓexḏayem 26:8

Mayemmi ṯenwim qa Arebbi war itemkin ca aḏ d isnekkar yinni immuṯen zi ȓmewṯ?

Ȓexḏayem 3:18

Ammu ikemmeȓ wawaȓ nnes iy inna Arebbi i marra lʼanbiya zi qbeȓ, iƹni itxeṣṣa Lmasiḥ nnes aḏ itwaƹeddeb.

Ȓexḏayem 3:24

Aqa nnabi Ṣamwil ḏ marra lʼanbiya iy ṯiḏ iḏfaren xebbaren x wussan-a yina iy ḏi neǧa.

1 Ayṯ-Kurinṯ 15:3

Cuf, ssiwḍeɣ-awem-d manayenni iǧan muhim tuɣa qebȓeɣ-ṯ nec s yixef inu, iƹni Lmasiḥ immuṯ ƹlaḥsab ȓmuƹṣiyaṯ nneɣ mammec iqqar Lkitab.

2 Ayṯ-Kurinṯ 4:4

Yinni war yuminen ca ȓaƹquȓaṯ nsen isṭemmeṣ-iṯen Ibȓis wenni iǧan am arebbi n ddunect-a zaƹma. Niṯni war zemmaren aḏ ẓren nnur n Lʼinjil iƹni lƹaḍama n Lmasiḥ, netta iǧan ḏ ṣṣifeṯ n Arebbi.

Ayṯ-Kulus 1:18

Ḏ netta iy iǧan ḏ azeǧif n ddat iƹni n jmaƹeṯ n ȓmuminin. Ḏ netta ig iǧan ḏ amezwaru, ḏ netta ig iǧan ḏ amenzu zeg imettinen bac ḏ netta iy ɣa yiȓin ḏ amezwaru ḏi ṯmesȓayin qaƹ.

Iƹibraniyen 2:10

Zi Arebbi iy tiȓint marra ṯimesȓayin-a u netta umi tiȓint. Ḏ Arebbi netta iy yarrin Ƹisa war ḏayes bu ȓƹib s ȓaƹḏab nni nnes ig xas iƹḏun ḥima Arebbi aḏ d yawi aṭṭas n ṯarwa ɣar lƹaḍama nnes. Ɣares ȓmaƹna manaya ȓaḥeqqac Ƹisa netta ḏ zzaƹim n usenjem n ṯarwa-ya.

Lwaḥi 1:5

U ƹaweḏ akiḏwem yiȓi arḍa zi Ƹisa Lmasiḥ, netta ḏ ccaheḏ ḏayes ȓaman. Netta iy d ixeȓqen ḏ amezwaru n yinni iy d itekkaren zi ȓmewṯ, ḏ netta ig iḥekkmen x izeǧiḏen n ṯmurṯ. Iḥibb-aneɣ, ifekk-aneɣ zi ȓmuƹṣiyaṯ nneɣ s iḏammen nnes.