Ȓexḏayem 24:16 - Ṯarifiṯ 2020

¹⁶ Falihaḏa teggeɣ marra jjheḏ inu bac aḏ ƹiceɣ s yijjen n ḍḍamir mertaḥ zzaṯ i Arebbi ḏ yiwḏan.

Ȓexḏayem 24:16 Iomraidhean Croise

Ȓexḏayem 23:1

Ixzar mliḥ Bulus ɣar Jmaƹeṯ n lḥukkam n Ayṯ-Israʼil inna-asen: "Ay ayṯma, qa nec ggiɣ lwajib nican ak Arebbi, zi qbeȓ ḥetta nhara nec ḍḍamir inu mertaḥ."

Ayṯ-Ruma 2:15

Yina seḍharen-d belli min yurin ḏi ccariƹa aqaṯ ɣarsen yura ḏeg wuȓawen nsen. Ȓaƹquȓaṯ nsen iy zi ṣaḥḥen manaya, ḍḍamir nsen iƹeǧem-asen xmi teggen min iǧan ḏ aṣebḥan niɣ ḏ min iǧan war iḥȓin.

Ayṯ-Ruma 9:1

Ssawaȓeɣ ȓḥaqq ḏi Lmasiḥ war iǧi bu ḏ ixarriqen. Ȓaƹqeȓ inu u ḏ Arruḥ iqeddsen aḏayi ṣaḥḥen min ɣa iniɣ.

1 Ayṯ-Kurinṯ 10:32

War ɣeṭṭȓeṯ ḥadd waxxa niṯni ḏ israʼiliyen niɣ ḏ iyunaniyen niɣ ḏ jmaƹeṯ n ȓmuminin n Arebbi.

1 Ayṯ-Kurinṯ 4:4

Nec ḍḍamir inu mertaḥ iy iǧa, walakin nec ma bariʼ iy ǧiɣ ƹlaḥsab ḍḍamir inu? Lla, ḏ Siḏi Arebbi iy ḏayi ɣa yucen ȓḥukem-a.

2 Ayṯ-Kurinṯ 1:12

Aqa neccin nteftaxar zi ḍḍamir nneɣ iƹni icehheḏ belli nuyur mliḥ ḏi ddunect-a xaṣṣatan akiḏwem s yijjen n nniyyeṯ ḏ wuȓ iṣfan zi Arebbi. War iǧi bu s yijjen n ȓefhameṯ n ddunect-a; Lla, s yijjen n arḍa n Arebbi.

2 Ayṯ-Kurinṯ 4:2

Neccin netbeƹƹaḏ x ṯmesȓayin n ȓefḍiḥeṯ ig itwaxeddmen s ṯnufra. War nesxeddim ca ṯaḥraymiṯ, war netḥerrif ca awaȓ n Arebbi. Neccin zzaṯ i Arebbi nseȓmaḏ lḥaqiqa bȓa ma at nesnuffar. Ammu ɣarsen marra iwḏan ḏi ḍḍamir nsen belli ḏayneɣ ttiqeṯ.

1 Ayṯ-Salunik 2:10

Netƹic akiḏwem kenniw iy yumnen s yijjen n ṣṣfa ḏ yijjen n ubriḏ nican bȓa ȓƹib. Kenniw ḏ ȓechuḏ x manaya uȓa ḏ Arebbi.

1 Timutawus 1:19

ataf aɣarec yiȓi lʼiman nnec ḏ yijjen ḍḍamir ḏ aṣebḥan. Maci am ȓebƹaḍiṯ semḥen ḏi manaya uca lʼiman nsen iɣareq am yij uɣarrabu ḏi ȓebḥar.

1 Timutawus 1:5

Min iƹna lɣaraḍ n ȓuṣiyeṯ-a? Lɣaraḍ nnes ḏ ijjen n ȓemḥibbeṯ iy d itasen zeg wuȓawen iṣfan ḏ yijjen n ḍḍamir ḏ aṣebḥan ḏ yijjen n lʼiman bȓa nnifaq.

1 Timutawus 3:9

Imsexxaren-a itxeṣṣa u labud aḏ ṭṭfen ḏi ȓmaƹna inuffaren n lʼiman s yijjen n ḍḍamir iṣfa.

2 Timutawus 1:3

Tcekkareɣ Arebbi wenni ƹebbḏeɣ zi ȓejḏuḏ inu s yijjen n ḍḍamir iṣfan. Tettareɣ-as i Arebbi xac ǧiȓeṯ ḏ nhar bȓa ma aḏ beddeɣ.

Titus 1:15

Aqa yinni ig iǧan ṣfan ataf qaƹ ṯimesȓayin aḏaysen iȓint ṣfant. Walakin yinni ixenzen war uminen ca ataf war ḏaysen tiȓi uȓa ḏ ijjen n ṯmesȓayṯ ṯeṣfa. Ataf ȓƹaquȓaṯ nsen ḏ ḍḍamiraṯ nsen s ṯnayen texnizen.

Iƹibraniyen 13:18

Ttareṯ i Arebbi xaneɣ. Aqa neccin metʼakeddin ḍḍamir nneɣ mertaḥ, nrezzu a nexḏem s ȓeḥya marra ṯimesȓayin.

Iƹibraniyen 9:14

Meȓa amenni, mecḥaȓ iy ḏaneɣ ɣa ssiṣfan iḏammen n Lmasiḥ ktar! Netta iruḥ s Arruḥ nni itduman i ȓebda iqeddem ixef nnes bȓa ȓƹib i Arebbi, iḏammen nnes aḏaneɣ ssiṣfan ḍḍamir nneɣ zi ssayiʼaṯ bac a neƹbeḏ Arebbi iddaren.

1 Buṭrus 2:19

Cuf, meȓa ijjen iṭaƹ i Arebbi iṣbar i uƹeddeb netta war isḏiheǧ ca tamara nni, ma ḏayes can n ccuker? Wah, ḏayes ccuker.

1 Buṭrus 3:16

ḏ yijjen n ḍḍamir mertaḥ. Ammu yinni xawem iqqaren ȓbaṭeȓ ataf aḏ seḏḥan s ṯicri nwem ṯaṣebḥant iy xawem tƹeyyaben niṯni.

1 Buṭrus 3:21

Aman-a niṯni ḏ ijjen n lmiṯal x ṭṭahareṯ nneɣ n waman iy kenniw isenjamen ȓexxu. Maci aḏ itwakkes ȓewsex zi ddat nneɣ; Lla, ṭṭahareṯ-a nettaṯ ḏ ijjen n uȓaɣi nwem i Arebbi bac aḏawem d yuc ijjen n ḍḍamir mertaḥ. Manaya x ssabab n Ƹisa Lmasiḥ wami d ikkar zi ȓmewṯ.