Ȓexḏayem 23:11 - Ṯarifiṯ 2020

¹¹ Ǧiȓeṯ nni ibedd-d Siḏiṯneɣ ɣar Bulus inna-as: "Egg zƹameṯ! Mammec iy zzayi ṯcehḏeḏ ḏi ṯendint n Lquds, u labud ƹaweḏ azzayi ṯcehḏeḏ ḏi ṯendint n Ruma."

Ȓexḏayem 23:11 Iomraidhean Croise

Matta 14:27

Ȓexddenni inna-asen Ƹisa: "Ahnam! Aqa ḏ nec, war teggwḏem ca!"

Matta 28:20

Sȓemḏem-asen aḏ ggen marra minzi kenniw weṣṣiɣ. Aqa nec akiḏwem iȓiɣ ȓebda aȓ ɣa ifna zman!"

Matta 9:2

Ḏinni can yiwḏan uwin-d ɣares ijjen n uryaz mmuṯen-as iḍaren, izzeȓ ḏi ṯassuṯ nnes. Wami Ƹisa iẓra lʼiman iy ḏaysen inna-as i unecruf nni: "War teggweḏ ca a mmi, qa twaɣfarent-ac ȓmuƹṣiyaṯ nnec."

Luqa 16:28

Ɣari xemsa n ayṯma xseɣ aṯen iƹȓem ḥima uȓa ḏ niṯni war tƹeddiben ca ḏeg umcan-a.

Yuḥanna 14:18

War kenniw tijjiɣ ca ḏ iyuwjiȓen, aɣarwem d ƹeqbeɣ.

Yuḥanna 16:33

Qqareɣ-awem manaya ḥima aḏ teysim zzayi ȓehna. Ḏi ddunect-a ṯanita axawem ṯekk ḏayes tamara, walakin cejjƹeṯ ixef nwem aqa nec rebḥeɣ ddunect-a."

Ȓexḏayem 18:9

Ijjen n ǧiȓeṯ yuḥa-yas-d Siḏi Arebbi i Bulus inna-as: "War teggweḏ ca, siweȓ war stuka ca.

Ȓexḏayem 19:21

Menbaƹd i manaya, iƹewweȓ Bulus aḏ isafer ɣar Lquds, aḏ ikk x lʼiqlim n Masidunya ḏ lʼiqlim n Uxaya. Inna: Xmi ɣa awḍeɣ ḏinni, itxeṣṣa-ayi ƹaweḏ aḏ raḥeɣ ɣar ṯendint n Ruma!

Ȓexḏayem 2:25

Liʼanna issiweȓ xas nnabi Dawed ḏeg yijjen n zman wami inna: Qa twaȓiɣ Siḏi Arebbi zzaṯi i ȓebda, aqaṯ x ufusi inu bac war terjijiɣ.

Ȓexḏayem 20:22

Nec nhara ggureɣ ɣar ṯendint n Lquds ḏ Arruḥ iy ḏayi itawin ḏinni, war ssineɣ min ḏayi ɣa iweqƹen.

Ȓexḏayem 22:15

Cek axas ṯiȓiḏ ḏ ccaheḏ ɣar marra iwḏan ƹlaḥsab min ṯeẓriḏ ḏ min ṯesȓiḏ.

Ȓexḏayem 22:18

Ẓriɣ Siḏiṯneɣ inna-ayi: Kkar ffeɣ ḏeɣya zi Lquds minzi chaḏeṯ nnec xafi war t qebbȓen ca.

1 Ayṯ-Kurinṯ 9:1

Ɣari lḥurriya iƹni nec maci ḏ ismeɣ. Nec ḏ arrasul, ẓriɣ Siḏiṯneɣ Ƹisa. Yac ḏ kenniw iy iǧan ḏ nnatija n ȓxeḏmeṯ inu ḏi Siḏiṯneɣ, niɣ lla?

Ayṯ-Filippas 1:13

Nec lḥala inu ṯeḏweȓ maƹrufa jar marra ȓƹaskar n ȓeqṣar ḏ marra iwḏan iƹni nec aqayi ḏi ȓeḥbes ƹlaḥsab Lmasiḥ.

2 Timutawus 4:17

Ḏ Siḏiṯneɣ iy kiḏi ibedden ɣar uɣezḏis inu yuca-ayi jjheḏ ḥima zzayi nec aḏ itwabeccar Lʼinjil ikmaȓ aṯ sȓen marra yinni war iǧin ca zi Ayṯ-Israʼil, ssenni nec feȓṯeɣ zeg uqemmum n ssbaƹ.