Ȓexḏayem 22:30 - Ṯarifiṯ 2020

³⁰ Ṯiwecca nnes, irezzu arrayes nni n ȓƹaskar aḏ issen mayemmi Ayṯ-Israʼil tahamen Bulus, iruḥ yumar arruyas n ȓfuqaha ḏ marra Jmaƹeṯ n lḥukkam n Ayṯ-Israʼil aḏ munen. Ȓexddenni isufeɣ-d Bulus yuwi-ṯ-iḏ ɣarsen isbedd-iṯ zzaṯsen.

Ȓexḏayem 22:30 Iomraidhean Croise

Ȓexḏayem 23:28

Rezzuɣ aḏ ssneɣ nec ttuhmaṯ iy xas ggin, uwiɣ-ṯ ɣar Jmaƹeṯ n lḥukkam nsen.

Ȓexḏayem 21:33

Iqarreb arrayes nni ɣar Bulus iṭṭef-iṯ, yumar aṯ qqnen s ṯnayen n snaseȓ. Isseqsa xas inna-asen: Wanita min iƹna ḏ min igga?

Ȓexḏayem 26:29

Inna-as Bulus: "S cwayt n ȓweqṯ ṯa niɣ s waṭṭas, nec tettareɣ zi Arebbi i cek ḏ yinni iy ḏayi itesȓan nhara aḏ tḏewȓem am nec walakin bȓa snaseȓ-a."

Ȓexḏayem 23:15

Ȓexxu Jmaƹeṯ n lḥukkam ḏ kenniw ttarem zi arrayes n ȓƹaskar n arrumanus bac aɣarwem d issekk Bulus. Ggeṯ ixef nwem ṯexsem akiḏes ṯeggem lʼistijwab mliḥ. Neccin aqaneɣ mujud bac aṯ nneɣ qbeȓ iy d ɣa yaweḍ."

Ȓexḏayem 22:5

Arrayes n ȓfuqaha ḏ marra Jmaƹeṯ n imeqqranen n Ayṯ-Israʼil niṯni ḏ ȓechuḏ x manayenni. Ucin-ayi arruxṣaṯ aṯent ssiwḍeɣ ɣar ayṯmaṯsen ḏi ṯendint n Dimaceq. Ruḥeɣ ḏinni aḏ ṭṭfeɣ iwḏan n ubriḏ-a aṯen d awiɣ ɣar Lquds bac aḏ twaƹaqben.

Ȓexḏayem 21:11

Iqarreb-d ɣarneɣ iysi aḥezzam n Bulus, icedd iḍaren ḏ ifassen i yixef nnes inna: "Iqqar Arruḥ iqeddsen: Ammu israʼiliyen n Lquds aḏ qqnen bab n uḥezzam-a, aṯ sellmen i yinni war iǧin ca zi Ayṯ-Israʼil."

Ȓexḏayem 5:21

Ḏ manayenni iy ggin, uḏfen ɣar ȓefjar ɣar ṯemziḏa ṯameqqrant bḏan seȓmaḏen. Menbaƹd iruḥ arrayes n ȓfuqaha ḏ marra yinni kis iǧan smunen-d Jmaƹeṯ n lḥukkam n Ayṯ-Israʼil iƹni marra imeqqranen nsen, ssenni ssekken iƹessasen n ṯemziḏa aḏ d awin arrusul zi ȓeḥbes.

Matta 27:2

Carfen-ṯ uwin-ṯ aṯ sellmen i lḥakem arrumani umi qqaren Bilaṭus.

Matta 10:17

Ḥḍam ixef nwem zeg yiwḏan. Akenniw sellmen i lmaḥkamaṯ; akenniw uwṯen ḏi ṯemziḏawin nsen.

Matta 5:22

Walakin nec qqareɣ-awem: Marra uw ɣa iƹaṣben x wumas ataf aḏ itwaḥkem. Wenni ɣa yinin i wumas: Ay aɣyuȓ, ataf aḏ itwaḥkem ḏi lmaḥkama ṯameqqrant. Ḏ wenni ɣa yinin i wumas: Ay afɣuȓ, ataf isḏaheǧ aḏ iraḥ ɣar ṯmessi n jahennama.

Ȓexḏayem 23:1

Ixzar mliḥ Bulus ɣar Jmaƹeṯ n lḥukkam n Ayṯ-Israʼil inna-asen: "Ay ayṯma, qa nec ggiɣ lwajib nican ak Arebbi, zi qbeȓ ḥetta nhara nec ḍḍamir inu mertaḥ."

Ȓexḏayem 23:6

Wami issen Bulus qa ca zzaysen zi ȓḥizeb n iṣadduqiyen ca nneɣni zi ȓḥizeb n ifarrisiyen, ikkar iȓaɣa-d s jjheḏ ḏi Jmaƹeṯ nni n lḥukkam jarasen inna-asen: "Ay ayṯma, qa nec ḏ afarrisi mmis n ifarrisiyen! Aqa tḥakamem xafi wami nec ɣari lʼamal aḏ d kkaren yiwḏan zi ȓmewṯ ḏi Lqiyama."

Ȓexḏayem 23:20

Inna-as uḥenjir nni: "Israʼiliyen ttafaqen jarasen bac azzayek ttaren aḏ d tessekkeḏ ṯiwecca Bulus ɣar Jmaƹeṯ n lḥukkam nsen. Ggin ixef nsen axmi xsen aḏas ggen lʼistijwab mliḥ.