Ȓexḏayem 2:4 - Ṯarifiṯ 2020

⁴ Ccuren s Arruḥ iqeddsen marra iḏsen, bḏan ssawaȓen s lluɣaṯ war iǧin bu nsen amecnaw mammec ḏasen yuca Arruḥ aḏ ssiwȓen.

Ȓexḏayem 2:4 Iomraidhean Croise

Matta 10:19

Xmi kenniw ɣa sellmen, bȓa ma aḏ teysim amnus ḏi ȓaƹquȓaṯ nwem min ɣa ṯinim niɣ ḏ mammec iy ɣa ṯessiwȓem; Lla, awaȓen nni iy ɣa ṯinim ḏ Arebbi iy ḏawem ṯen ɣa yucen ḏi ṯsaƹƹat nni.

Marqus 16:17

Ḏ ṯina ḏ lƹalamaṯ iy d ɣa imeḍharen ak yinni itamnen: Aqa niṯni aḏ sufɣen jnun ƹlaḥsab isem inu, aḏ ssiwȓen s yiȓesawen ḏ jḏiḏ,

Luqa 1:15

minzi aḏ yiȓi ḏ ameqqran ɣar Siḏi Arebbi. Aḏ tiȓi labud ƹemmarṣ aḏ isew aman n uḍiȓ niɣ ḏ waman n imendi. Aḏ yiȓi iƹemmar s Arruḥ iqeddsen ḥetta ḏeg uƹeddis n yemmas.

Luqa 1:41

Wami ṯesȓa Ilizabet i sȓam n Maryam, inhezz useymi nni ḏeg uƹeddis nnes, nettaṯ ṯeccur s Arruḥ iqeddsen.

Luqa 1:67

Zakariya babas n Yaḥya, iccur s Arruḥ iqeddsen, issiweȓ s min iƹȓem zi Arebbi inna:

Luqa 12:12

Minzi Arruḥ iqeddsen aḏawem yuc min ɣa ṯinim ḏi ṯsaƹƹat nni."

Luqa 21:15

Lla, aḏawem uceɣ awaȓen ḏ ȓefhameṯ ḥima marra yinni kiḏwem itmenɣan war zemmaren ca axawem d arren.

Luqa 4:1

Iḏweȓ-d Ƹisa zeg iɣzar n Lʼurdun iccur s Arruḥ iqeddsen, ȓexddenni yuwi-ṯ Arruḥ nni ɣar ȓexȓa.

Yuḥanna 14:26

Lmuƹawin nni netta ḏ Arruḥ iqeddsen, aṯiḏ issekk Baba ƹlaḥsab isem inu aḏawem iseȓmeḏ kuȓci akenniw isfekkar marra min ḏawem nniɣ.

Yuḥanna 20:22

Wami inna manaya iṣṣuḍ xasen inna-asen: "Qebȓeṯ Arruḥ iqeddsen.

Ȓexḏayem 1:5

Iƹni Yaḥya iṭehhar i yiwḏan s waman, kenniw war ḏawem iqqim ca aḏ twaṭehharem s Arruḥ iqeddsen."

Ȓexḏayem 1:8

Walakin axmi xawem d ɣa ihwa Arruḥ iqeddsen, aɣarwem yiȓi jjheḏ. Axafi ṯcehḏem ḏi ṯendint n Lquds ḏ marra ṯimura n Yahuḏiya ḏ Samarya aȓ ṭṭarf uneggaru n ddunect-a."

Ȓexḏayem 10:46

Ȓaḥeqqac sȓin-asen ssawaȓen s lluɣaṯ war iǧin bu nsen ḥemmḏen Arebbi. Uca inna Buṭrus:

Ȓexḏayem 10:47

"Ma ḏinni can bnaḏem iy ɣa isbedden iwḏan-a bac war tetwaṭehhiren ca s waman? Yina immuc-asen Arruḥ iqeddsen am neccin am niṯni!"

Ȓexḏayem 11:15

Ṯumma wami bḏiɣ ssawaȓeɣ, yusa-d Arruḥ iqeddsen ihwa-d xasen mammec xaneɣ d ihwa ḏeg umezwaru.

Ȓexḏayem 11:24

Barnaba netta ḏ ijjen n uryaz ḏ aṣebḥan iccur s Arruḥ iqeddsen itamen aṭṭas, xarebbi n yiwḏan umnen zi Siḏiṯneɣ.

Ȓexḏayem 13:52

Imeḥḍaren iǧan ḏinni ccuren s ȓefraḥeṯ ḏ Arruḥ iqeddsen.

Ȓexḏayem 13:9

Ikkar Cawul iƹni Bulus iccur s Arruḥ iqeddsen ixzar ḏeg useḥḥar nni mliḥ;

Ȓexḏayem 15:8

Arebbi ḏ netta ig issnen uȓ n bnaḏem, iseḍhar-d netta belli iqbeȓ-iṯen iƹni yuca-asen Arruḥ iqeddsen mammec ḏaneɣ ṯ yuca i neccin.

Ȓexḏayem 19:6

Wami xasen isers Bulus ifassen nnes, ihwa-d xasen Arruḥ iqeddsen. Bḏan ssawaȓen s lluɣaṯ war iǧin bu nsen, ssawaȓen s minzi ƹeȓmen zi Arebbi.

Ȓexḏayem 2:11

Ḏ Ayṯ-Israʼil ḏ yinni iseȓmen ḏi ddin n Ayṯ-Israʼil, ḏ Ayṯ-Krit ḏ waƹraben. Neccin marra netsȓa-yasen ssawaȓen s lluɣaṯ nneɣ x ṯmesȓayin ṯimeqqranin n Arebbi."

Ȓexḏayem 2:3

Ẓrin iȓesawen am iṣfeḍawen n ṯmessi iruḥ kuȓ yiȓes waḥḏes imars ij ij x kuȓ ijjen zzaysen.

Ȓexḏayem 4:31

Wami kemmȓen ṯẓaǧiṯ nni inhezz umcan nni mani munen, ccuren niṯni marra s Arruḥ iqeddsen ssawaȓen s wawaȓ n Arebbi s yijjen n zƹameṯ.

Ȓexḏayem 4:8

Buṭrus iccur-d s Arruḥ iqeddsen ȓexddenni inna-asen: "A lḥukkam ay imeqqranen n ccaƹb!

Ȓexḏayem 6:3

Ay ayṯma, kkarem awim-d sebƹa n iryazen zzaywem aḏ tiȓi ṯessnem-ṯen aqaṯen mliḥ, aḏ iȓin ccuren s Arruḥ iqeddsen ḏ ȓefhameṯ. Neccin aṯen nkellef s lmuhimma-ya

Ȓexḏayem 6:5

Iƹjeb-asen ȓḥaȓ i marra jmaƹeṯ. Kkaren ixḍaren ijjen n uryaz qqaren-as Stifan, netta iccur s lʼiman ḏ Arruḥ iqeddsen. Ixḍaren Filippas ḏ Brukurus ḏ Nikanur ḏ Timun ḏ Parminas ḏ Nikulas zeg Wanṭakya, tuɣa isȓem netta ḏi ddin n Ayṯ-Israʼil.

Ȓexḏayem 6:8

Stifan nni netta iccur s lbaraka n Arebbi ḏ jjheḏ, ixeddem jar yiwḏan lburhanaṯ ḏ lmuƹjizaṯ ḏ ṯimeqqranin.

Ȓexḏayem 7:55

Stifan iccur s Arruḥ iqeddsen, ixzar ɣar ujenna iẓra lƹaḍama n Arebbi yufa Ƹisa ibedd x ufusi n Arebbi.

Ȓexḏayem 8:17

Ṯumma Buṭrus ḏ Yuḥanna sersen xafsen ifassen nsen uca immuc-asen Arruḥ iqeddsen.

Ȓexḏayem 9:17

Iruḥ Anas yuḏef ṯaddarṯ nni isers ifassen nnes x Cawul inna-as: "Ay uma Cawul, nec qa issekk-ayi-d Siḏiṯneɣ Ƹisa, wenni iy ḏac d imeḍharen ḏeg ubriḏ nni iy d ṯuwiḏ. Issekk-ayi-d ɣarek ḥima aḏ tḏewȓeḏ twaȓiḏ aḏ teccareḏ s Arruḥ iqeddsen."

Ayṯ-Ruma 15:13

Arebbi wenni iticcen lʼamal, akenniw iccur s ȓefraḥeṯ ḏ ȓehna wami zzayes ṯumnem bac aḏ tenfeyyḍem s lʼamal s jjheḏ n Arruḥ iqeddsen.

1 Ayṯ-Kurinṯ 12:10

Ijjen immuc-as aḏ igg lmuƹjizaṯ. Ijjen immuc-as aḏ issiweȓ s min iƹȓem zi Arebbi. Ijjen mmucent-as ṯizemmar aḏ imeyyez jar n arruḥaṯ. Ijjen immuc-as aḏ issiweȓ s ȓebƹaḍ n lluɣaṯ ruḥiyaṯ. Ijjen immuc-as aḏ istarjem lluɣaṯ nni.

1 Ayṯ-Kurinṯ 13:1

Maƹlik ssawaȓeɣ s yiȓesawen n iṯarrasen s lluɣa, maƹlik ssawaȓeɣ s lluɣa n lmalaʼikaṯ iƹni ruḥiya, maca ȓemḥibbeṯ war ḏayi tiȓi ca, iȓi tseddaƹeɣ am yij n darbuga, temqerqabeɣ am ȓeqraqeb waha.

1 Ayṯ-Kurinṯ 13:8

Ȓemḥibbeṯ-a nettaṯ ƹemmarṣ aḏ teqḍa, maca aḏ ntahan wawaȓen n lʼanbiya, iȓesawen n iṯarrasen war tɣimin ca ḏ lluɣa, lmaƹrifa aḏ twakemmeȓ iƹni ṯusna.

1 Ayṯ-Kurinṯ 14:18

Tcekkareɣ Arebbi nec ssawaȓeɣ s lluɣaṯ ruḥiyaṯ ktar zzaywem marra.

1 Ayṯ-Kurinṯ 14:5

Iwa xseɣ marra kenniw aḏ tessiwȓem s lluɣaṯ ruḥiyaṯ, walakin mliḥ ƹaḏ aḏ tessiwȓem s wawaȓen iy ṯƹeȓmem zi Arebbi. Wenni issawaȓen s wawaȓ ig iƹȓem zi Arebbi netta imɣar x wenni issawaȓen s lluɣaṯ ruḥiyaṯ, illa meȓa can yijjen aḏ istarjem ḥima aḏ istenfeƹ jmaƹeṯ n ȓmuminin.

Ayṯ-Ufasus 3:19

Aḏ tessnem ƹaweḏ mliḥ ȓemḥibbeṯ-a ṯanita n Lmasiḥ mecḥaȓ ṯemɣer x marra ṯusna ḏi ddunect-a bac aḏ teccarem s min iccur Arebbi.

Ayṯ-Ufasus 5:18

War skareṯ ca s ccreb ig itawin ɣar lmadella n ssekra; Lla, ccarem s Arruḥ iqeddsen.

Ayṯ-Ufasus 6:18

Marra ḍḍuruf iy ḏi ṯeǧam ttarem i Arebbi xasen s Arruḥ iqeddsen s marra lʼanwaƹ n ṯẓaǧiṯ ḏ dduƹaʼ. Sxeḏmem ȓaƹqeȓ nwem ḏi manaya, arrem-d ȓbaȓ nwem s yijjen n ṣṣbar, ttarem x marra ṣṣaliḥin.

1 Buṭrus 1:12

Ismeḍhar-asen-d i lʼanbiya belli manaya war ṯ xeddmen ca i yixef nsen, xeddmen-ṯ i kenniw wami ssawaȓen s ṯmesȓayin-a. U ȓexxu nnan-awem ṯimesȓayin-a yinni iy kenniw itbeccaren s Lʼinjil s jjheḏ n Arruḥ iqeddsen iy ḏawem d itwassekken zeg ujenna. Waxxa ḏ lmalaʼikaṯ ḏaysent mezȓi aḏ xzarent ḏi ṯmesȓayin-a.

2 Buṭrus 1:21

Liʼanna awaȓen n lʼanbiya tuɣa ƹemmarṣ war teffiɣen ca zi lʼafkar nsen; Lla, niṯni ssawaȓen zi min ḏasen d itasen zi Arebbi mamc iy xasen d ihewwa Arruḥ iqeddsen.