29 Ay ayṯma, aḏawem iniɣ ṣarraḥa: Dawed zi ssalaf ṣṣaliḥin, netta immuṯ itwanḍeȓ. Anḍeȓ nnes aqaṯ akiḏneɣ aȓ nhara.
Liʼanna Dawed ḏi zman nnes wami ikemmeȓ min ixes Arebbi ṣafi immuṯ, itwanḍeȓ ṭṭarf i ȓejḏuḏ nnes ṣafi ikiccew.
Ṯseḍhareḏ-ayi-d ibriḏen n ṯuḏarṯ, aḏayi ṯesfarḥeḏ s waṭṭas xmi ɣa ẓreɣ aɣembub nnec.
Arrayes n ȓfuqaha ḏ marra Jmaƹeṯ n imeqqranen n Ayṯ-Israʼil niṯni ḏ ȓechuḏ x manayenni. Ucin-ayi arruxṣaṯ aṯent ssiwḍeɣ ɣar ayṯmaṯsen ḏi ṯendint n Dimaceq. Ruḥeɣ ḏinni aḏ ṭṭfeɣ iwḏan n ubriḏ-a aṯen d awiɣ ɣar Lquds bac aḏ twaƹaqben.
Azeǧiḏ Aɣribas issen netta mliḥ x manaya, nec rezzuɣ akiḏes ssiwȓeɣ s ṣṣaraḥa marra. Nec mesteqneƹ war ṯeqqim uȓa ḏ ijjen n ȓḥajeṯ zi manaya war t issin ca, liʼanna war ṯewqiƹ ca ḏi can n ṯɣemmarṯ waha.
Iwa fekkareṯ netta mecḥaȓ ḏ ameqqran, waxxa ḏ jeddiṯneɣ ameqqran Brahim yuca-as ȓaƹcur, ƹecra ḏi miyya zi marra agȓa nni ig irbeḥ zeg izeǧiḏen nni!