Ȓexḏayem 19:9 - Ṯarifiṯ 2020

⁹ Ȓebƹaḍ zzaysen ṭṭfen akiḏes ṯaɣennant ugin aḏ amnen, tukkaren ḏi ttaƹlim n Siḏiṯneɣ zzaṯ i yiwḏan. Ssenni iffeɣ-d Bulus zi ṯemziḏa nni yuwi akiḏes imeḥḍaren nnes, kuȓ nhar iseȓmaḏ-iṯen ḏi lmarkez n Tirannus.

Ȓexḏayem 19:9 Iomraidhean Croise

Matta 15:14

Jjem-ṯen! Niṯni ḏ iḍarɣaȓen tjarran iḍarɣaȓen. Meȓa aḍarɣaȓ ijarr aḍarɣaȓ, ataf aḏ wḍan s ṯnayen iḏsen ḏi can ṯesrafṯ."

Matta 16:4

Iwḏan iƹeffanen n ȓweqṯ-a ixeddƹen Arebbi tettaren lƹalama ṯameqqrant, walakin war ḏasen itmuci illa lƹalama nni n nnabi Yunes." Ssenni iruḥ ijji-ṯen.

Matta 26:55

Ȓexddenni inna-asen Ƹisa i yiwḏan nni: "Ma tɣir-awem qa nec ḏ lmujrim wami d ṯeysim ȓesyuf ḏ idebbuzen ḥima aḏayi ṯeṭṭfem niɣ? Tuɣa tɣimiɣ mkuȓ nhar ḏi ṯemzida ṯameqqrant, seȓmaḏeɣ ḏinni war ḏayi ṯeṭṭifem ca.

Yuḥanna 12:40

Ȓexḏayem 11:26

Wami ṯ yufa yuwi-ṯ-iḏ akiḏes ɣar ṯendint-a n Wanṭakya. Seƹḏun ƹam ikmaȓ ak jmaƹeṯ n ȓmuminin, seȓmaḏen aṭṭas n yiwḏan. Ḏanita ḏi Wanṭakya-ya iy twasemman imeḥḍaren ṯwaȓa ṯamezwarut s

Ȓexḏayem 14:4

Mesfraqen ayṯbab n ṯendint-a n Ikunya x ṯnayen. Ȓebƹaḍ iḏsen aqaṯen ak israʼiliyen, ȓebƹaḍ iḏsen aqaṯen ak arrusul.

Ȓexḏayem 17:4

Qtanƹen ȓebƹaḍ zzaysen munen ak Bulus ḏ Silas. Akiḏsen xarebbi n iyunaniyen iy iteggwḏen Arebbi. Akiḏsen ƹaweḏ aṭṭas n ṯemɣarin zi ṯinni iy ɣar ṯeǧa lmartaba.

Ȓexḏayem 19:23

Ḏi ȓweqṯ nni ṯewqeƹ ijjen n ȓfawḍa ṯemɣar x ssabab n ubriḏ n Siḏiṯneɣ.

Ȓexḏayem 19:30

Irezzu Bulus aḏ iḥḍar zzaṯ i ȓɣaci nni, war ṯ jjin ca imeḥḍaren nnes.

Ȓexḏayem 20:31

Iwa iȓiṯ ƹlabal! War tettum ca nec ṯeȓt-snin iy kiḏwem kkiɣ, qqimeɣ tweṣṣiɣ mkuȓ ijjen zzaywem ǧiȓeṯ ḏ wass s imeṭṭawen inu.

Ȓexḏayem 22:4

Nec tuɣa tƹeddabeɣ yinni iḏfaren abriḏ-a ḥetta wami mmuṯen. Ṭṭfeɣ iryazen ḏ ṯemɣarin ggiɣ-ṯen ḏi ȓeḥbes.

Ȓexḏayem 24:21

Wac imken x wawaȓ nni iy nniɣ s uȓaɣi jarasen wami beddeɣ ḏinni? Nniɣ-asen aqa kenniw ṯḥakamem xafi nhara minzi tamneɣ belli iwḏan aḏ d kkaren zi ȓmewṯ ḏi Lqiyama."

Ȓexḏayem 28:22

Walakin nexs aḏac nṣennet lʼafkar nnec minzi nessen aṭṭas n yiwḏan ḏi mkuȓ amcan tƹarraḍen i ȓḥizeb-a wanita."

Ȓexḏayem 7:51

Inna-asen Stifan: A yinni iy ḏi ṯeǧa ṯɣennant, qa uȓawen nwem ḏ imejjan nwem qqnen! Kenniw teggem mammec iy ggin ȓejḏuḏ nwem, kif-kif. Ȓebda tƹarraḍem-as i Arruḥ iqeddsen.

Ȓexḏayem 9:2

ittar zzayes arruxṣaṯ aṯent iysi ɣar ṯemziḏawin n Ayṯ-Israʼil ḏi Dimaceq bac yinni ɣa yaf ḏeffaren abriḏ n Ƹisa s ṯemɣarin ḏ iryazen aṯen yawi ḏ imeḥbas ɣar Lquds.

Ayṯ-Ruma 11:7

Iḏen, mixef rezzun Ayṯ-Israʼil war ṯ ufin ca, yinni itwaxḍaren ufin-ṯ. Yinni iqqimen, uȓawen nsen twaqsḥen.

Ayṯ-Ruma 9:18

Falihaḏa Arebbi ireḥḥem wenni ixes, isɣannan wenni ixes.

1 Ayṯ-Kurinṯ 16:9

Aqa ṯnurzem-ayi-d ijjen n ṯewwarṯ ḏ ṯameqqrant i ȓxeḏmeṯ walakin yinni ig itƹarraḍen aqaṯen mujudin.

1 Timutawus 6:5

Iryazen-a thewwaȓen jarasen s ȓaƹquȓaṯ nsen iƹewwjen ṯweddar-asen lḥaqiqa. Tfekkaren belli lʼiman ḏ ijjen n ubriḏ bac aḏ rebḥen tmenyaṯ.

2 Timutawus 1:15

Cek ṯessneḏ belli marra yinni iǧan ḏi lʼiqlim n Asya semḥen ḏayi uȓa ḏ Fixulus ḏ Hirmujinus.

2 Timutawus 3:5

aḏ ggen ixef nsen ƹebbḏen Arebbi walakin nekkaren jjheḏ nnes. Iwḏan-a, awggwej xasen.

2 Timutawus 4:2

Beccar awaȓ n Arebbi, sewjeḏ ixef nnec aḏ tbeccareḏ ḏi ȓweqṯ nni iy trajiḏ niɣ ḏi ȓweqṯ nni iy war trijiḏ ca. Ȓmuminin nha-ṯen, ƹȓem-asen, cejjeƹ-iṯen s marra ttasiƹ n ȓxaḍar ḏ useȓmeḏ.

Iƹibraniyen 3:13

Lla, meȓa nzemmar a nini , ataf aḏ tcejjƹem ayawya kuȓ nhar bac war ḏinni itiȓi ḥadd zzaywem aḏ iḏweȓ iqseḥ wuȓ nnes aṯ texḏeƹ ȓmuƹṣiyeṯ nnes.

2 Buṭrus 2:12

Iṯarrasen-a niṯni qqaren awaȓen war iḥȓin x ṯmesȓayin war fehhmen ca. Niṯni ggin am ȓuḥuc iqefȓen am lḥayawanaṯ iy iǧan s ṭṭabiƹa nsen iwƹaren. Xeȓqen-d iṯarrasen-a bac aḏ twaṭṭfen aḏ twanɣen mammec twaneqqen ȓuḥuc.

2 Buṭrus 2:2

Aṭṭas iy ɣa iqellden ȓeqbaḥeṯ nsen. X ssabab-a wanitan iwḏan aḏ zebbȓen ḏeg ubriḏ n lḥaqiqa.

Yahuḏa 1:10

Walakin iṯarrasen-a yina ssawaȓen s wawaȓ war iḥȓin x marra min war fehhmen ca. Ṯimesȓayin-a umi fehhmen iwa fehhmen-ṯent s ṭṭabiƹa nsen waha, niṯni ggin am ȓuḥuc iqefȓen. Ṯimesȓayin-a ḏ niṯenti iy ṯen ɣa imḥan!