Ȓexḏayem 19:2 - Ṯarifiṯ 2020

² inna-asen: "Ma ihwa-d xawem Arruḥ iqeddsen wami ṯumnem?" Nnan-as: "Lla, neccin ƹemmarṣ war xas nesȓi ca x Arruḥ iqeddsen."

Ȓexḏayem 19:2 Iomraidhean Croise

Yuḥanna 7:39

Manaya inna-ṯ x Arruḥ iqeddsen iy ɣa iqebȓen yinni zzayes yumnen. Arruḥ iqeddsen ƹaḏ war ṯiḏ yuci ca minzi Ƹisa ƹaḏ war itwarfeƹ ca.

Ȓexḏayem 10:44

Wami ƹaḏ issawaȓ Buṭrus ḏi manaya, yusa-d Arruḥ iqeddsen ihwa-d x marra yinni itesȓan i wawaȓ nnes.

Ȓexḏayem 19:5

Sȓin i manaya ruḥen twaṭehharen s waman ƹlaḥsab isem n Siḏiṯneɣ Ƹisa.

Ȓexḏayem 2:17

Arebbi inna: Ḏeg wussan ineggura aḏ farɣeɣ Arruḥ inu x marra iwḏan. Ṯarwa nwem ḏ yissiṯwem aḏ ssiwȓen s min ƹeȓmen zi Arebbi. Iḥenjiren nwem aḏ ẓren lwaḥi, iwessura nwem aḏ arjan ṯirja.

Ayṯ-Ruma 1:11

Nec rezzuɣ s waṭṭas akenniw ẓreɣ ḥima aḏawem uceɣ ijjen n lqudra ruḥiya iy ḏawem ɣa yucen jjheḏ.

1 Ayṯ-Kurinṯ 6:19

Niɣ ma war ṯessinem ddat nwem nettaṯ ḏ ṯamziḏa n Arruḥ iqeddsen ig izeddɣen ḏaywem? Iwa ɣarwem Arruḥ-a zi Arebbi. Kenniw war trayim ca x yixef nwem

Ayṯ-Galaṭya 3:5

Iḏen, mammec ḏawem d iticc Arebbi Arruḥ iqeddsen itegg jarawem lmuƹjizaṯ? Wac xmi tṭaƹam i Ccariƹa n Musa? Lla, xmi tesȓam Lʼinjil tamnem zzayes.