Ȓexḏayem 18:7 - Ṯarifiṯ 2020

⁷ Iffeɣ-d ssenni iruḥ ɣar ṯeddarṯ n yijjen n uryaz iƹebbḏen Arebbi qqaren-as Titus Yustus, ṯaddarṯ nnes aqat ṭṭarf i ṯemziḏa nni.

Ȓexḏayem 18:7 Iomraidhean Croise

Yuḥanna 9:31

Neccin nessen Arebbi war itsȓi ca ɣar yinni iƹeṣṣan; Lla, itsȓa ɣar yinni iy ṯ itweqqaren ḏ yinni ixeddmen s min ixes.

Ȓexḏayem 10:2

Ḏayes ddin iteggweḏ Arebbi, netta ḏ marra ayṯbab n ṯeddarṯ nnes. Itegg ȓxir aṭṭas ḏeg yinni iḥḏajen, war ixeṭṭi ca ṯẓaǧiṯ nnes.

Ȓexḏayem 10:22

Nnan-as: "Qa neccin issekk-aneɣ-d Kurninyus ijjen n uƹaskari ḏ ameqqran n arrumanus. Netta ḏ ijjen n uryaz nican iteggweḏ Arebbi, tweqqaren-ṯ marra ȓqum n Ayṯ-Israʼil. Inna-as ijjen n lmalak n Arebbi: Sekk ɣar Buṭrus, aḏ d yas ɣar ṯeddarṯ nnec aḏas ṯṣennṭeḏ min ḏac ɣa yini."

Ȓexḏayem 13:42

Wami kkaren Bulus ḏ Barnaba aḏ d ffɣen zi ṯemziḏa nni n Ayṯ-Israʼil, ttaren zzaysen yiwḏan nni aḏasen ḥeddṯen s manayenni nhar n ssebt iy d ɣa yasen.

Ȓexḏayem 13:43

Wami d teffɣen zi ṯemziḏa, ḏfaren-ṯen aṭṭas n israʼiliyen ḏ yinni iseȓmen ḏi ddin n Ayṯ-Israʼil iy teggwḏen Arebbi. Bulus ḏ Barnaba ssiwȓen akiḏsen cejjƹen-ṯen ḥima aḏ arnin ḏi arḍa n Arebbi.

Ȓexḏayem 13:50

Walakin israʼiliyen samaren ṯimɣarin iy ḏaysent ddin ɣarsent lmartaba, ƹaweḏ samaren imeqqranen n ṯendint. Teggen ssabab i yiwḏan ḥima aḏ ƹeddben Bulus ḏ Barnaba uca uzzȓen xasen zi jjiheṯ nni.

Ȓexḏayem 16:14

Akiḏsent ḏinni ijjen n ṯemɣarṯ ṯesȓa-yaneɣ qqaren-as Lidya. Nettaṯ zi ṯendint n Ṯiyatra ṯeznuza ṯcuqqet nni iy iɣȓan llun nnes ḏ llila, ṯƹebbeḏ Arebbi. Irzem-as Siḏi Arebbi uȓ nnes bac aḏ tṣenneṭ i wawaȓ n Bulus.

Ȓexḏayem 17:4

Qtanƹen ȓebƹaḍ zzaysen munen ak Bulus ḏ Silas. Akiḏsen xarebbi n iyunaniyen iy iteggwḏen Arebbi. Akiḏsen ƹaweḏ aṭṭas n ṯemɣarin zi ṯinni iy ɣar ṯeǧa lmartaba.

Ayṯ-Kulus 4:11

Isawwaḍ-awem-d sȓam ƹaweḏ Ƹisa wenni umi qqaren Yustus. Ḏ yina waha ig iǧan ḏ israʼiliyen zeg yinni itemƹacaren akiḏi ḏi ȓxeḏmeṯ-a ƹlaḥsab ȓmulk n Arebbi, tcejjaƹen-ayi aṭṭas.