Ȓexḏayem 18:12 - Ṯarifiṯ 2020

¹² Walakin ḏi ȓweqṯ nni n Galyun lƹamil n lʼiqlim n Uxaya, munen israʼiliyen hejmen x Bulus uwin-ṯ ɣar lmaḥkama.

Ȓexḏayem 18:12 Iomraidhean Croise

Matta 27:19

Wami iqqim lḥakem Bilaṭus x ȓkursi n ȓeḥkam, ṯessekk-d ɣares ṯemɣarṯ nnes ṯenna-as: "Tarek-as i uryaz-a iṣfan ȓaḥeqqac ƹeddbeɣ aṭṭas ǧiȓeṯ-a ḏi ṯirjiṯ x ssabab nnes."

Yuḥanna 19:13

Wami isȓa Bilaṭus awaȓ-a isufeɣ Ƹisa, iqqim Bilaṭus x ȓkursi n ȓeḥkam ḏeg yijjen n umcan qqaren-as S wawaȓ n israʼiliyen qqaren-as

Ȓexḏayem 13:12

Iẓra manayenni lƹamil ȓexddenni yumen, iqqim iḏehhec s ttaƹlim n Siḏiṯneɣ.

Ȓexḏayem 13:50

Walakin israʼiliyen samaren ṯimɣarin iy ḏaysent ddin ɣarsent lmartaba, ƹaweḏ samaren imeqqranen n ṯendint. Teggen ssabab i yiwḏan ḥima aḏ ƹeddben Bulus ḏ Barnaba uca uzzȓen xasen zi jjiheṯ nni.

Ȓexḏayem 13:7

Itiȓi ak lƹamil wenni umi qqaren Sarjyus Bulus. Lƹamil nni netta ḏ ijjen n uryaz ḏ amiɣis, iȓaɣa-d i Barnaba ḏ Cawul ixes aḏas sȓemḏen awaȓ n Arebbi.

Ȓexḏayem 13:8

Walakin iƹarreḍ-asen useḥḥar nni Benyacuƹ (wenni umi qqaren s ṯyunaniṯ Ulimas). Netta irezzu aḏ isbeƹƹeḏ lƹamil x lʼiman.

Ȓexḏayem 14:19

Menbaƹḏ usin-d can israʼiliyen zi Wanṭakya ḏ Ikunya tsamaren ȓɣaci nni, arejmen Bulus s uzru jarren-ṯ barra i ṯendint tɣiȓ-asen immuṯ.

Ȓexḏayem 14:2

Walakin israʼiliyen iy yugin aḏ amnen samaren yinni war iǧin ca zi Ayṯ-Israʼil x ayṯmaṯneɣ, ƹemmaren-asen azeǧif.

Ȓexḏayem 17:13

Israʼiliyen nni ḏi ṯendint n Salunik arrin-d ȓexbar Bulus itbeccar s wawaȓ n Arebbi ḏi ṯendint n Birya. Usin-d ɣar Birya bḏan teggen ixarwiḍen shajen xas ȓɣaci.

Ȓexḏayem 17:5

Walakin israʼiliyen nneɣni ḥesḏen-ṯen, ruḥen smunen-d zi ssuq ijjen n lmejmuƹ n ikruccaren iƹeffanen bac aḏ ggen ssdaƹ, snekkaren ȓfawḍa ḏi ṯendint. Hejmen x ṯeddarṯ n yijjen qqaren-as Yasin rezzun x Bulus ḏ Silas ḥima aṯen sellmen i ȓɣaci.

Ȓexḏayem 18:11

Iqqim ḏinni Bulus ƹam u sett-chur iseȓmaḏ netta awaȓ n Arebbi i yiwḏan.

Ȓexḏayem 18:27

Wami ixes Apulus aḏ isafer ɣar lʼiqlim n Uxaya, cejjƹen-ṯ ayṯmas urin-asen ijjen n ṯebrat i imeḥḍaren nni n ḏinni bac azzayes reḥben. Wami yuweḍ ɣar lʼiqlim nni iƹawen aṭṭas yinni yumnen s arḍa n Arebbi.

Ȓexḏayem 19:21

Menbaƹd i manaya, iƹewweȓ Bulus aḏ isafer ɣar Lquds, aḏ ikk x lʼiqlim n Masidunya ḏ lʼiqlim n Uxaya. Inna: Xmi ɣa awḍeɣ ḏinni, itxeṣṣa-ayi ƹaweḏ aḏ raḥeɣ ɣar ṯendint n Ruma!

Ȓexḏayem 25:10

Inna-as Bulus: "Nec aqayi beddeɣ ḏi lmaḥkama-ya n Lmalik Qayṣar, itxeṣṣa ḏa iy ɣa twaḥakmeɣ. Qa Ayṯ-Israʼil war ḏaysen xḍiɣ ca, mammec ṯessneḏ cek.

Ayṯ-Ruma 15:26

Liʼanna ȓmuminin iy iǧan ḏi jwayeh n Masidunya ḏ Uxaya texsen aḏ ƹawnen ipubriṯen iy iǧan jar ȓmuminin ṣṣaliḥin ḏi ṯendint n Lquds.

Ayṯ-Ruma 16:5

Siwḍem-asen sȓam ƹaweḏ i jmaƹṯ n ȓmuminin itmunan ḏi ṯeddarṯ n ṯnayen-a. Siwḍem-as sȓam i umƹizz inu Ipantus wenni iy yumnen ḏ amezwaru s Lmasiḥ ḏi lʼiqlim n Asya.

1 Ayṯ-Kurinṯ 16:15

Aqa ṯessnem Stifanus ḏ ȓeḥbab nnes ḏ niṯni iy yumnen zi Lmasiḥ ḏ imezwura ḏi lʼiqlim n Uxaya, ṭewwƹen ixef nsen aḏ sexxaren i ȓmuminin ṣṣaliḥin. Ay ayṯma, tettareɣ zzaywem aḏ tṭaƹem i yiwḏan-a am yina u ḏ yinni marra icarrcen ḏi ȓxeḏmeṯ-a tamaran ḏayes aṭṭas.

2 Ayṯ-Kurinṯ 1:1

Ṯabrat-a zzayi nec Bulus ig iǧan ḏ arrasul n Ƹisa Lmasiḥ s ȓxaḍar n Arebbi, akiḏi umaṯneɣ Timutawus. Tariɣ i jmaƹeṯ n ȓmuminin n Arebbi yinni iǧan ḏi ṯendint n Kurinṯ ḏ marra ȓmuminin ṣṣaliḥin ƹaweḏ ig iǧan ḏi lʼiqlim n Uxaya amen-ṯekmaȓ.

2 Ayṯ-Kurinṯ 11:10

S ȓḥaqq n Lmasiḥ iy ḏayi, uȓa ḏ ijjen ḏeg imucan n Uxaya ma aḏ ikkes lʼiftixar-a inu.

2 Ayṯ-Kurinṯ 11:26

Nec mecḥaȓ n ṯwaȓaṯin tiȓiɣ tsafareɣ ḏi lxaṭar n iɣezran, ḏ lxaṭar n iceffaren, ḏ lxaṭar n ȓqum inu, ḏ lxaṭar n iyunaniyen, ḏ lxaṭar ḏi ṯendint, ḏ lxaṭar ḏi ȓexȓa, ḏ lxaṭar ḏi ȓebḥar, ḏ lxaṭar n yinni itarran ixef nsen ḏ ayṯma.

1 Ayṯ-Salunik 2:14

Ay ayṯma, ṯḏewȓem am ṯjumaƹ nni n ȓmuminin n Arebbi ḏi Ƹisa Lmasiḥ ṯinni iy iǧan ḏi ṯmurṯ n Yahuḏiya. Liʼanna iwḏan n ṯmurṯ nwem tbuṣaren xawem am Ayṯ-Yahuḏiya tbuṣaren x ṯjumaƹ n ȓmuminin iy ḏinni.

Yaƹqub 2:6

Walakin kenniw ṯḥeggarem ȓmusakin! Ma war ṯessinem ca ḏ twajar iy kenniw iy ḍeǧmen, tjarran-kenniw ɣar lmaḥakim?