Ȓexḏayem 17:3 - Ṯarifiṯ 2020

³ Isefham-iṯen isbeyyan-asen ddalil x mammec u labud Lmasiḥ aḏ itwaƹeddeb aḏ d ikkar zi ȓmewṯ. Inna-asen qa Ƹisa-ya iy zi kenniw tbeccareɣ netta s yixef nnes ḏ Lmasiḥ.

Ȓexḏayem 17:3 Iomraidhean Croise

Luqa 24:32

Nnan i wayawya: "Neccin nesḥissa can ȓḥajeṯ ṯeccaṯ ḏeg wuȓawen nneɣ wami tuɣaṯ issawaȓ akiḏneɣ ḏeg ubriḏ isefhem-aneɣ Lkutub."

Luqa 24:44

Inna-asen: "Ḏ wa ḏ awaȓ iy zi kiḏwem ssiwȓeɣ wami ƹaḏ tuɣa ǧiɣ akiḏwem, iƹni labud aḏ ikemmeȓ marra min xafi yurin ḏi Ccariƹa n Musa ḏ Lkutub n lʼanbiya ḏ Zzabur."

Luqa 24:46

Inna-asen: "Ammu iy yura ḏi Lkitab qa itxeṣṣa i Lmasiḥ aḏ itwaƹeddeb aḏ d ikkar zi ȓmewṯ wis ṯeȓtiyyam.

Yuḥanna 20:9

Walakin niṯni ƹaḏ war fhimen ca zi Lkitab belli labud aḏ ikkar Ƹisa zi ȓmewṯ.

Ȓexḏayem 1:4

Wami tuɣa akiḏsen itett, iweṣṣa-aṯen inna-asen: "War teffɣem ca zi ṯendint n Lquds. Rajam aȓ d ɣa yas min iwƹeḏ Baba iy xef ḏawem tuɣa ssiwȓeɣ.

Ȓexḏayem 18:28

Liʼanna netta itemnaqac s jjheḏ ak israʼiliyen zzaṯ i yiwḏan, niṯni war zemmaren ca aṯ jawben nican minzi isbeyyen-asen-d awaȓen zi Lkutub belli netta Ƹisa ḏ Lmasiḥ.

Ȓexḏayem 18:5

Wami d ixḍeȓ Silas ḏ Timutawus zi lʼiqlim n Masidunya, ibḏa Bulus ixeddem ɣir s ttebcir u ṣafi, icehheḏ i Ayṯ-Israʼil belli Ƹisa netta ḏ Lmasiḥ.

Ȓexḏayem 3:18

Ammu ikemmeȓ wawaȓ nnes iy inna Arebbi i marra lʼanbiya zi qbeȓ, iƹni itxeṣṣa Lmasiḥ nnes aḏ itwaƹeddeb.

Ȓexḏayem 9:22

Cawul netta yarni itḥeddaṯ s jjheḏ, iseḏhac Ayṯ-Israʼil ig izeddɣen ḏi Dimaceq, isbeyyen-asen-d s wawaȓ nnes qa Ƹisa ḏ Lmasiḥ.

Ayṯ-Galaṭya 3:1

A Ayṯ-Galaṭya, ma ṯbuhȓiyem niɣ? Wi ḏawem iggin ssḥur? Ncerreḥ-awem mliḥ zzaṯ i ṯittawin nwem mammec immuṯ Lmasiḥ x ṣṣalib.