Ȓexḏayem 16:22 - Ṯarifiṯ 2020

²² Ȓexddenni munen ȓɣaci hejmen x Bulus ḏ Silas, lḥukkam nni cerrgen-asen arruḍ umaren xasen bac aḏasen ucen aƹmuḏ.

Ȓexḏayem 16:22 Iomraidhean Croise

Matta 10:17

Ḥḍam ixef nwem zeg yiwḏan. Akenniw sellmen i lmaḥkamaṯ; akenniw uwṯen ḏi ṯemziḏawin nsen.

Matta 27:26

Ssenni iḍȓeq-asen-d i Barabas. Ƹisa uwṯin-ṯ s usɣun, uca isellem-asen-ṯ Bilaṭus ḥima aṯ ṣellben x ṣṣalib.

Luqa 12:11

Axmi kenniw ɣa awin ɣar ṯemziḏawin n Ayṯ-Israʼil niɣ ḏ ȓḥukkam ḏ imxazniyen, bȓa ma aḏ teysim amnus ḏi ȓaƹquȓaṯ nwem minzi ɣa ṯdafƹem x yixef nwem niɣ ḏ min ɣa ṯinim.

Ȓexḏayem 16:37

Inna-asen Bulus i imxazniyen nni: "Uwṯin-aneɣ zzaṯ i yiwḏan bȓa ȓqanun nḍaren-aneɣ ḏi ȓeḥbes, walakin neccin ɣarneɣ ljinsiya n Ruma. Ȓexxu niṯni, ma rezzun aḏaneɣ sufɣen war d itarri ḥadd ȓexbar?" Inna-asen: "Lla, itxeṣṣa aḏ d asen lḥukkam nni s yixef nsen aḏaneɣ sufɣen!"

Ȓexḏayem 17:5

Walakin israʼiliyen nneɣni ḥesḏen-ṯen, ruḥen smunen-d zi ssuq ijjen n lmejmuƹ n ikruccaren iƹeffanen bac aḏ ggen ssdaƹ, snekkaren ȓfawḍa ḏi ṯendint. Hejmen x ṯeddarṯ n yijjen qqaren-as Yasin rezzun x Bulus ḏ Silas ḥima aṯen sellmen i ȓɣaci.

Ȓexḏayem 18:12

Walakin ḏi ȓweqṯ nni n Galyun lƹamil n lʼiqlim n Uxaya, munen israʼiliyen hejmen x Bulus uwin-ṯ ɣar lmaḥkama.

Ȓexḏayem 5:40

Sȓin yiwḏan nni ɣar Gamlil. Uwin-d arrusul ƹannen-asen aƹmuḏ nnan-asen: "Qa ƹemmarṣ aḏ tƹawḏem aḏ tessiwȓem ƹlaḥsab isem n Ƹisa." Ȓexddenni ḍeȓqen-asen.

2 Ayṯ-Kurinṯ 6:5

neccin tmarraṯen-aneɣ, tḥebbasen-aneɣ, teggen-aneɣ ȓfawḍa; neccin neccaṯ tamara, neqqim ḏi ǧiyaȓi bȓa iḍeṣ, neǧuz.

1 Ayṯ-Salunik 2:2

Ḏi ṯendint n Filippi ṯessnem belli tƹeddan xaneɣ ḏinni tbuṣaren xaneɣ. Walakin neccin nzaƹem akiḏwem, tuɣa itƹawan-aneɣ Arebbi bac a nbeccar jarawem s Lʼinjil waxxa can yiwḏan tƹarraḍen-aneɣ.

Iƹibraniyen 11:36

Ȓebƹaḍ n yiwḏan ḥeggaren-ṯen, uwṯin-ṯen s usɣun, carfen-ṯen s snaseȓ, ḥebbsen-ṯen.

1 Buṭrus 2:24

Netta s yixef nnes iysi ȓmuƹṣiyaṯ nneɣ ḏi ddat nnes x ṯeḥnact nni ḥima a nemmeṯ neccin s wuȓawen nneɣ i ȓmuƹṣiyaṯ, a neddar i min iǧan nican. Aqa s ujarriḥ nnes iy zi ṯgenfam kenniw.