Ȓexḏayem 16:16 - Ṯarifiṯ 2020

¹⁶ Ijjen n nhar wami nruḥ ɣaȓ umcan nni mani tẓaǧan yiwḏan, ṯmeȓqa akiḏneɣ ijjen n ṯismeɣṯ nettaṯ ḏ ṯakehhant tawi-d s ssiḥer nnes aṭṭas n tmenyaṯ i ayṯbab nnes.

Ȓexḏayem 16:16 Iomraidhean Croise

Ȓexḏayem 16:13

Ḏi nhar n ssebṯ n lƹibada neffeɣ zi ṯewwarṯ n ṯendint nruḥ ɣar ṭṭarf n yiɣzar, tɣiȓ-aneɣ a naf ḏinni ijjen n umcan n ṯẓaǧiṯ. Neqqim nessawaȓ ak ṯemɣarin nni iy nufa ḏinni imunen.

Ȓexḏayem 16:18

Ṯegga manayenni aṭṭas n nhuraṯ, Bulus war ḏas iƹjib bu ȓḥaȓ. Ineqȓeb-d ɣares inna-as i jjenn nni iy ḏayes: "Nec tamareɣ-cek ƹlaḥsab isem n Ƹisa Lmasiḥ azzayes ṯeffɣeḏ." Ȓexddenni iffeɣ jjenn nni zzayes ḏeg umcan.

Ȓexḏayem 16:19

Ayṯbab n ṯismeɣṯ nni wami ufin ṯawwarṯ n lmanda nsen ṣafi ṯbelleƹ xasen, kkaren ṭṭfen Bulus ḏ Silas jarren-ṯen ɣar ssaḥa ɣar lḥukkam.

Ȓexḏayem 19:24

Ḏinni ijjen n uryaz qqaren-as Dimitriyus. Netta iḍebbaƹ nnuqarṯ, itṣennaƹ munikuṯ s nnuqarṯ itemcabbahen ḏi zzawyiṯ n lʼaṣnam umi qqaren Ṯarṭamist. Dimitriyus-a isrebbaḥ aṭṭas yina itṣennaƹen munikuṯ-a.

Ayṯ-Galaṭya 5:20

ḏ lƹibada n lʼaṣnam ḏ ssḥur ḏ lƹadawa ḏ umenɣi ḏ lɣira ḏ uɣḍab ḏ lʼananiya ḏ lxilafaṯ ḏ lʼaḥzab,

1 Timutawus 6:10

Liʼanna ȓemḥibbeṯ n tmenyaṯ netta ḏ lʼaṣel n waṭṭas n lʼanwaƹ n ccarr. Ȓebƹaḍ n yiwḏan ig itexsen tmenyaṯ aqa ffɣen abriḏ snuqquben ixef nsen s waṭṭas n ȓeḥriqaṯ.

2 Timutawus 3:8

Mammec Yanis ḏ Yampris nni tƹarraḍen i Musa, amenni ƹaweḏ uȓa ḏ iryazen-a tƹarraḍen i lḥaqiqa. Ȓaƹquȓaṯ nsen ƹewwjen, lʼiman nsen ixwa.

2 Buṭrus 2:3

Ƹlaḥsab aƹeddis nsen aḏawem ccen ȓmux s wawaȓen iy tsayasen waha. Mecḥaȓ zeg wami lƹiqab nsen ƹaḏ itrajan-ṯen war iteṭṭeṣ ca.