Ȓexḏayem 16:13 - Ṯarifiṯ 2020

¹³ Ḏi nhar n ssebṯ n lƹibada neffeɣ zi ṯewwarṯ n ṯendint nruḥ ɣar ṭṭarf n yiɣzar, tɣiȓ-aneɣ a naf ḏinni ijjen n umcan n ṯẓaǧiṯ. Neqqim nessawaȓ ak ṯemɣarin nni iy nufa ḏinni imunen.

Ȓexḏayem 16:13 Iomraidhean Croise

Matta 13:2

Munen-d xas aṭṭas n ȓɣaci. S zḥameṯ nni iruḥ inya ḏeg yijjen n ṯɣarrabut iqqim ḏayes. Iwḏan qqimen marra x cceṭṭ n ȓebḥar.

Marqus 16:15

Inna-asen: "Ruḥem ɣar marra ddunect, beccarem marra ȓegnus s Lʼinjil.

Luqa 13:10

Tuɣa Ƹisa iseȓmaḏ ḏeg yijjen n ṯemziḏa n Ayṯ-Israʼil ḏi nhar n ssebṯ n lƹibada.

Yuḥanna 8:2

Ak ṣbaḥ zic iḏweȓ-d ƹaweḏ ɣar ṯemziḏa ṯameqqrant n Ayṯ-Israʼil. Usin-d ɣares ȓɣaci marra, iqqim iseȓmaḏ-iṯen.

Ȓexḏayem 13:14

Niṯni ffɣen zi ṯendint n Barja ruḥen ɣar ṯendint n Wanṭakya ḏi jwayeh n Pisidya. Uḏfen qqimen ḏi ṯemziḏa n Ayṯ-Israʼil ḏi nhar n ssebṯ.

Ȓexḏayem 13:42

Wami kkaren Bulus ḏ Barnaba aḏ d ffɣen zi ṯemziḏa nni n Ayṯ-Israʼil, ttaren zzaysen yiwḏan nni aḏasen ḥeddṯen s manayenni nhar n ssebt iy d ɣa yasen.

Ȓexḏayem 16:16

Ijjen n nhar wami nruḥ ɣaȓ umcan nni mani tẓaǧan yiwḏan, ṯmeȓqa akiḏneɣ ijjen n ṯismeɣṯ nettaṯ ḏ ṯakehhant tawi-d s ssiḥer nnes aṭṭas n tmenyaṯ i ayṯbab nnes.

Ȓexḏayem 16:6

Bulus ḏ imeddukaȓ nnes kkin x jwayeh n Frijya ḏ Galaṭya, war ṯen ijji ca Arruḥ iqeddsen aḏ beccaren s wawaȓ n Arebbi ḏi lʼiqlim n Asya.

Ȓexḏayem 17:2

Yuḏef Bulus ɣar ṯemziḏa nni mammec itegg ȓebda. Ṯȓaṯa n simanaṯ kuȓ nhar n ssebṯ n lƹibada itemnaqac akiḏsen iqqar-asen min yurin ḏi Lkutub.

Ȓexḏayem 18:4

Mkuȓ nhar n ssebṯ n lƹibada Bulus itemnaqac ak Ayṯ-Israʼil ḏ iyunaniyen ḏi ṯemziḏa bac aṯen iseqneƹ.

Ȓexḏayem 20:7

Ḏeg wass amezwaru n simana nmun neccin a necc aɣrum, issiweȓ Bulus ak yiwḏan. Iqqim issawaȓ aȓ uzyen n ǧiȓeṯ minzi ṯiwecca nnes inwa aḏ isafer.

Ȓexḏayem 21:5

Wami ḏaneɣ ṯeqḍa ḏinni ȓweqṯ nneɣ nekkar neffeɣ bac a nsiɣi x usafar nneɣ. Marra imeḥḍaren ruḥen akiḏneɣ ɣar barra n ṯendint s ṯemɣarin nsen ḏ ṯarwa nsen, nerkeƹ x ifadden nneɣ x yijḏi n ȓebḥar neẓẓuǧ.

Ȓexḏayem 9:20

Ȓexddenni ibḏa itḥeddaṯ ḏi ṯemziḏawin n Ayṯ-Israʼil iqqar-asen qa Ƹisa ḏ Mmis n Arebbi.

Ayṯ-Galaṭya 3:28

War ḏinni lla aʼisraʼili niɣ ḏ ayunani. War ḏinni lla ismeɣ niɣ ḏ wenni iǧan ḥurr. War ḏinni lla aryaz lla ṯamɣarṯ. Aqa kenniw marra iḏwem ṯmunem ḏ ijjen ḏi Ƹisa Lmasiḥ.

Ayṯ-Kulus 1:23

Walakin labud aḏ teqqimem ḏi lʼiman nwem nican aḏ tbeddem x dsas, war ṯsemmḥem ca ḏi lʼamal n Lʼinjil tuɣa iy tesȓim. Lʼinjil-a twabeccarent zzayes qaƹ ṯimesȓayin itwaxeȓqen swadday ujenna, u nec Bulus ḏewȓeɣ ḏ axeddam nnes.