Ȓexḏayem 13:10 - Ṯarifiṯ 2020

¹⁰ Inna-as: "Cek ḏ mmis n Ibȓis. Cek ḏ ȓaƹḏu n qaƹ min iǧan nican, ṯeccureḏ s lḥila ḏ ṯeḥraymect! Ma ƹaḏ ṯrezzuḏ aḏ tƹewwjeḏ ibriḏen iy iǧan nican n Siḏi Arebbi?

Ȓexḏayem 13:10 Iomraidhean Croise

Matta 13:38

Amarjeƹ netta ḏ ddunect. Zzarriƹeṯ ṯaṣebḥant nettaṯ ḏ ṯarwa n ȓmulk ujenna. Isennanen niṯni ḏ ṯarwa n Uƹeffan nni n Ibȓis.

Matta 15:19

Ȓaḥeqqac zeg wuȓ iy zi d tekkant lʼafkar ṯiƹeffanin ḏ ṯmenɣiwṯ ḏ zzna ḏ lfasad ḏ ṯukkarḏa ḏ ẓẓur ḏ ȓbaṭeȓ.

Matta 23:13

Ya ȓefḍiḥeṯ nwem ay imseȓmaḏen n ccariƹa ḏ ȓḥizeb n ifarrisiyen, a lmunafiqin! Teqqnem ṯawwarṯ n ȓmulk ujenna x yiwḏan. Kenniw war tiḏfem, war tejjim wi ɣa yaḏfen.

Matta 3:7

Walakin wami iẓra Yaḥya belli aṭṭas n ȓfuqaha ḏ ifarrisiyen ḏ iṣadduqiyen tasen-d ɣares ḥima aṯen iṭehhar s waman inna-asen: "Ya ṯarwa n ifiɣeran, wi ḏawem iƹeȓmen aḏ tarewȓem zi lɣaḍab n Siḏi Arebbi iy d ɣa yasen?

Luqa 11:39

Inna-as Siḏiṯneɣ: "Kenniw ifarrisiyen ṯsiriḏem ȓkas nwem ḏ ṭṭebsi nwem ɣar barra mliḥ, walakin ɣar ḏaxeȓ nwem ṯeccurem s ṭṭmaƹ ḏ ccarr.

Luqa 11:52

Ya ȓefḍiḥeṯ nwem a yinni itcerraḥen ccariƹa! Ṯeṭṭfem ȓmeftaḥ n ȓefhameṯ, kenniw war tiḏfem ca ḏayes war tejjim wi ɣa yaḏfen."

Yuḥanna 1:23

Yarra xasen s wawaȓ n nnabi umi qqaren Icaƹya inna qbeȓ: "Nec ḏ ṯmijja itȓaɣan ḏi ȓexȓa ṯeqqar: Swejḏeṯ abriḏ nican i Siḏi Arebbi."

Yuḥanna 8:44

Babaṯwem ḏ Ibȓis, ṯrezzum aḏ teḏfarem min ixes netta. Zeg umezwaru netta ineqq iwḏan. War ɣares ca lƹalaqa ak lḥaqiqa minzi netta war ḏayes bu lḥaqiqa. Meȓmi ma isxerraq, ataf issawaȓ zi min ḏayes minzi netta ḏ bu-ixerriqen, ḏ babaṯsen n ixerriqen.

Ȓexḏayem 20:30

Ƹaweḏ zzaywem aḏ d meḍharen can iṯarrasen aḏ sƹewwjen lḥaqiqa ḥima aḏ jarren ɣarsen imeḥḍaren.

2 Ayṯ-Kurinṯ 11:3

Walakin nec ggwḏeɣ mammec ḏas iwqeƹ i Ḥawwa icmeṯ-it ufiɣar s ṯeḥraymiṯ nnes uȓa ḏ kenniw ȓaƹquȓaṯ nwem aḏ ffɣen abriḏ, war ḏas tṭiƹim ca i Lmasiḥ s wuȓawen nwem bȓa nnifaq u bȓa ȓƹib.

Ayṯ-Galaṭya 1:7

Walakin war ḏinni bu can n Lʼinjil nneɣni. Ɣir ḏinni can yiwḏan iy kenniw isxerwaḍen rezzun aḏ sƹewwjen Lʼinjil n Lmasiḥ.

Ayṯ-Ufasus 4:14

Amenni war netɣimi ca ḏ iḥenjiren tawint-aneɣ ȓemwaj tarrant-aneɣ. Niɣ ḏ arriḥ itṣuḍ xaneɣ ikessi-yaneɣ ssa ḏ ssa s kuȓ arriḥ zaƹma n useȓmeḏ u s ṯeḥraymiṯ ḏ ixarwiḍen n iryazen ḏ min tciṭṭinen.

2 Buṭrus 2:15

Ffɣen abriḏ nican weddaren, ṭṭfen abriḏ n nnabi Balƹam mmis n Biƹur netta tuɣa iteƹjib-as txaȓus n ccarr.

1 Yuḥanna 3:8

Wenni ig iqqimen isxeddam ȓmuƹṣiyaṯ netta zeg Ibȓis ȓaḥeqqac Ibȓis iqqim iƹeṣṣa zeg umezwaru. Mayemmi d imeḍhar Mmis n Arebbi? Imeḍhar-d bac aḏ irez ȓefƹayeȓ n Ibȓis.