Ȓexḏayem 13:1 - Ṯarifiṯ 2020

¹ Ḏi jmaƹeṯ n ȓmuminin ḏi ṯendint n Wanṭakya ḏinni lʼanbiya ḏ imseȓmaḏen. Niṯni ḏ Barnaba, ḏ Simƹan wenni umi qqaren Abercan, ḏ Luqyus zi Lqurina, ḏ Manahen wenni ig irebban ak uzeǧiḏ Hirudus zi ṯemẓi nnes, ḏ Cawul.

Ȓexḏayem 13:1 Iomraidhean Croise

Matta 27:32

Ffɣen ssenni ȓƹaskar ufin ijjen n uryaz qqaren-as Simƹan zi ṯendint n Lqurina, ggin xas s bezzez aḏ yarbu ṣṣalib n Ƹisa.

Luqa 3:1

Azeǧiḏ Qayṣar Tibaryus yuweḍ xemessṭacar ssna zeg wami iteḥkam, lƹam nni ƹaweḏ Bilaṭus Lbanṭi netta ḏ lḥakem x Yahuḏiya, Hirudus netta ḏ lwali x Ljalil, umas Filippas netta ḏ lwali x Iṭurya ḏ jwayeh n Tarxanitis, Laṣan netta ḏ lwali x Abilina,

Ȓexḏayem 11:30

Amenni iy ggin jarasen, ucin lmuƹawana nni i Barnaba ḏ Cawul at ssiwḍen i imeqqranen n jmaƹeṯ n ȓmuminin iy iǧan ḏinni.

Ȓexḏayem 12:25

Barnaba ḏ Cawul ḏewȓen-d zi Lquds wami kemmȓen ȓxeḏmeṯ nsen, uwin-d akiḏsen Yuḥanna umi qqaren Marqus.

Ȓexḏayem 13:9

Ikkar Cawul iƹni Bulus iccur s Arruḥ iqeddsen ixzar ḏeg useḥḥar nni mliḥ;

Ȓexḏayem 15:32

Yahuḏa ḏ Silas niṯni ḏ l'anbiya, tcejjaƹen ȓmuminin s waṭṭas n wawaȓen, ggin ḏaysen uȓ.

Ȓexḏayem 15:35

Bulus ḏ Barnaba qqimen ḏi ṯendint n Wanṭakya, seȓmaḏen tbeccaren s wawaȓ n Siḏi Arebbi, niṯni ḏ waṭṭas n yiwḏan.

Ȓexḏayem 19:6

Wami xasen isers Bulus ifassen nnes, ihwa-d xasen Arruḥ iqeddsen. Bḏan ssawaȓen s lluɣaṯ war iǧin bu nsen, ssawaȓen s minzi ƹeȓmen zi Arebbi.

Ȓexḏayem 21:9

Netta ɣares arbeƹa n ṯḥenjirin ḏ ṯiƹzriyin ssawaȓent s min ƹeǧment zi Arebbi.

Ȓexḏayem 4:36

Ḏinni ijjen qqaren-as Yusef, ƹaweḏ semman-ṯ arrusul s Barnaba iƹni Netta zi ccurfa n Ayṯ-Lawi ḏ mmis n ṯendint n Qubruṣ.

Ȓexḏayem 9:1

Cawul ƹaḏ itheddaḏ s ȓmewṯ imeḥḍaren n Siḏiṯneɣ. Ikkar iruḥ ɣar arrayes n ȓfuqaha,

Ayṯ-Ruma 16:21

Issiweḍ-awem-d sȓam Timutawus wenni ixeddmen akiḏi, ḏ ȓeḥbab inu iƹni Luqyus ḏ Yasin ḏ Sibatru.

1 Ayṯ-Kurinṯ 11:4

Mkuȓ aryaz ig itẓaǧan niɣ issawaȓ s min iƹȓem zi Arebbi azeǧif nnes iɣemmes, ataf netta war itweqqar ca azeǧif nnes.

1 Ayṯ-Kurinṯ 13:2

Nec maƹlik ɣari lqudra aḏ ssiwȓeɣ am lʼanbiya, maƹlik fehmeɣ marra min inuffaren ḏ marra ṯusna, maƹlik sxeddameɣ lʼiman aḏ smuttiɣ iḏurar-a, iȓi ḏ walu iy ǧiɣ nec meȓa war tḥibbiɣ ca.

1 Ayṯ-Kurinṯ 13:8

Ȓemḥibbeṯ-a nettaṯ ƹemmarṣ aḏ teqḍa, maca aḏ ntahan wawaȓen n lʼanbiya, iȓesawen n iṯarrasen war tɣimin ca ḏ lluɣa, lmaƹrifa aḏ twakemmeȓ iƹni ṯusna.

1 Ayṯ-Kurinṯ 14:29

Fa lʼanbiya u labud aḏ ssiwȓen ṯnayen niɣ ṯȓaṯa. Inneɣni aḏ meyyzen awaȓen nni.

1 Ayṯ-Kurinṯ 14:32

Wa lqudraṯ ruḥiyaṯ n lʼanbiya aqaṯent x yiri nsen s yixef nsen.

1 Ayṯ-Kurinṯ 9:6

Ma nec ḏ Barnaba waheḏneɣ iy war ɣar iǧi ȓḥaqq ḏi ccarḍ, ma itxeṣṣa-yaneɣ i neccin a nexḏem ḏi can ȓḥajeṯ nneɣni bac a nƹic?

Ayṯ-Galaṭya 2:13

Ȓexddenni ḏfaren-ṯ ḏi nnifaq nnes israʼiliyen nneɣni iy yumnen. Uȓa ḏ Barnaba s yixef nnes sbeƹƹḏen-ṯ zeg ubriḏ nican ḏi nnifaq-a nsen.

Ayṯ-Galaṭya 2:9

Yaƹqub ḏ Buṭrus ḏ Yuḥanna itwaḥsabben ḏ imeqqranen ḏi jmaƹeṯ nni, fehmen arḍa iy ḏayi yuca Arebbi seǧmen xaneɣ nec ḏ Barnaba s ufus afusi nsen amƹacar. Qebȓen-aneɣ neccin a nraḥ a nbeccar i yinni iǧan ḏ iyunaniyen, niṯni aḏ beccaren i yinni iǧan zi Ayṯ-Israʼil.

Ayṯ-Ufasus 4:11

Ḏ netta ig ixḍaren arrusul ḏ lʼanbiya ḏ yinni ig itbeccaren s Lʼinjil ḏ ȓfuqaha ḏ imseȓmaḏen.

Ayṯ-Filippas 4:22

Marra ṣṣaliḥiin sawwaḍen-awem-d sȓam xaṣṣatan yinni iǧan ḏi ṯeddarṯ n uzeǧiḏ Qayṣar.

1 Ayṯ-Salunik 5:20

War tseḥqarem ca awaȓen nni iy ƹeȓmen yiwḏan zi Arebbi qqaren-ṯen.