Ȓexḏayem 12:11 - Ṯarifiṯ 2020

¹¹ Ḏinni iy d yarra Buṭrus ȓbaȓ nnes inna: "Ȓexxu ssneɣ manaya ḏ ṣṣaḥ qa issekk-ayi-d Siḏi Arebbi lmalaʼika nnes, isenjem-ayi-d zeg ifassen n Hirudus ḏ marra min xsen aḏayi ggen Ayṯ-Israʼil."

Ȓexḏayem 12:11 Iomraidhean Croise

Luqa 15:17

Ibḏa ȓexddenni itxemmam mliḥ ḏeg yixef nnes inna: Mecḥaȓ ɣares ḏ ixeddamen ɣar baba itceṭṭa xasen uɣrum, nec aqayi ḏanita tmettiɣ s jjuƹ.

Ȓexḏayem 12:7

Ȓexddenni ṯmeḍhar-d ḏinni ijjen n lmalaʼika n Siḏi Arebbi, itceƹciƹ-d ijjen n nnur ḏi ȓeḥbes. Lmalaʼika nni ṯuwṯa Buṭrus ɣar uɣezḏis nnes ṯesfaq-iṯ-iḏ ṯenna-as: "Kkar ḏeɣya!" Uca snaseȓ nni fesyent zeg ifassen nnes.

Ȓexḏayem 24:27

Ƹḏun ṯnayen n iseggwusa, iḏweȓ-d Burkyus Fastus ḏeg umcan n Lwali Filikes. Walakin Filikes igga-asen ȓxaḍar i israʼiliyen, ijja Bulus ḏi ȓeḥbes.

Ȓexḏayem 25:9

Walakin Lwali Fastus irezzu aḏ igg ȓxaḍar i Ayṯ-Israʼil uca inna-as i Bulus: "Ma ṯexseḏ aḏ tgaƹƹḏeḏ ɣar ṯendint n Lquds axak ḥekmeɣ ḏinni nec x ttuhmaṯ-a?"

Ȓexḏayem 5:19

Walakin s ǧiȓeṯ ijjen n lmalaʼika n Siḏi Arebbi ṯerzem-asen ṯiwwura n ȓeḥbes, ṯsufeɣ-iṯen ṯenna-asen:

Iƹibraniyen 1:14

Lmalaʼikaṯ, niṯenti min ƹnant? Niṯenti ḏ arruḥaṯ twassekkent-id aḏ sexxarent i yinni iy ɣa iwarṯen asenjem.

2 Buṭrus 2:9

Ammu ƹaweḏ issen Arebbi aḏ isenjem yinni iy ḏas itṭaƹan zi ȓemḥayen iy xasen d itekken. Issen ƹaweḏ aḏ iqenn yinni iƹeṣṣan swadday lḥukem nnes ḥetta aȓ Yum Lḥisab ḏ Lƹiqab.