Ȓexḏayem 11:19 - Ṯarifiṯ 2020

¹⁹ Ƹlaḥsab aƹeddeb nni iy iweqƹen wami itwaneɣ Stifan, ȓmuminin kuȓ ijjen mani iruḥ: ijjen iruḥ aȓ Finiqya, ijjen iruḥ aȓ Qubruṣ, ijjen iruḥ aȓ Wanṭakya. War tbecciren ḏinni ḥadd s wawaȓ n Arebbi illa israʼiliyen.

Ȓexḏayem 11:19 Iomraidhean Croise

Matta 10:6

Lla, ruḥeṯ ɣar iḥuȓiyen nni iweddaren iƹni iwḏan n Ayṯ-Israʼil.

Yuḥanna 7:35

Mseqsan israʼiliyen jarasen nnan: "Mani ɣa iraḥ wanita war ṯ ntif ca? Ma aḏ iraḥ ɣar israʼiliyen iy itemzeǧaƹen ḏi ṯmura n iyunaniyen bac aḏ iseȓmeḏ iyunaniyen?

Ȓexḏayem 11:20

Walakin ȓebƹaḍ n iryazen zi Qubruṣ ḏ Lqurina usin-d ɣar Wanṭakya bḏan ssawaȓen ak iyunaniyen tbeccaren-ṯen s Siḏiṯneɣ Ƹisa.

Ȓexḏayem 11:22

Yuweḍ ȓexbar-a ɣar jmaƹeṯ n ȓmuminin ḏi Lquds, kkaren ssekken Barnaba ɣar Wanṭakya.

Ȓexḏayem 13:1

Ḏi jmaƹeṯ n ȓmuminin ḏi ṯendint n Wanṭakya ḏinni lʼanbiya ḏ imseȓmaḏen. Niṯni ḏ Barnaba, ḏ Simƹan wenni umi qqaren Abercan, ḏ Luqyus zi Lqurina, ḏ Manahen wenni ig irebban ak uzeǧiḏ Hirudus zi ṯemẓi nnes, ḏ Cawul.

Ȓexḏayem 13:4

Issekk-iṯen Arruḥ iqeddsen ruḥen ɣar ṯendint n Sulukya. Ssenni safaren ḏeg uɣarrabu ɣar ṯeyzirṯ n Qubruṣ.

Ȓexḏayem 13:46

Bulus ḏ Barnaba nnan-asen s yijjen n zƹameṯ: "Neccin tuɣa itxeṣṣa aḏawem nessiweȓ i kenniw ḏ imezwura s wawaȓ n Arebbi. Wami ṯugim, ṯḥekmem x yixef nwem belli kenniw war ṯesḏiheǧem ca ṯuḏarṯ n ȓebda, ȓexxu qa neccin a nraḥ ɣar yinni war iǧin ca zi Ayṯ-Israʼil.

Ȓexḏayem 14:26

Wami kemmȓen ȓxeḏmeṯ nni ḏinni, ƹeqben ssenni ḏeg uɣarrabu ɣar ṯendint n Wanṭakya manis d usin qbeȓ, zi manis twakellfen s ȓxeḏmeṯ nni s arḍa n Arebbi.

Ȓexḏayem 15:22

X manaya arrusul ḏ imeqqranen n jmaƹeṯ n ȓmuminin ḏ marra jmaƹeṯ n ȓmuminin ggin aḏ ixḍaren can n iryazen nsen, aṯen ssekken ak Bulus ḏ Barnaba ɣar ṯendint n Wanṭakya. Ixḍaren ijjen umi qqaren Silas ḏ yijjen qqaren-as Yahuḏa iƹni wenni umi qqaren Barsaba, ɣarsen ijjen n umcan ḏ ameqqran jar ȓmuminin.

Ȓexḏayem 15:30

Yina itwassekken ɣar Wanṭakya ṣafi uwḍen ḏinni, smunen jmaƹeṯ n ȓmuminin ucin-asen ṯabrat nni.

Ȓexḏayem 15:35

Bulus ḏ Barnaba qqimen ḏi ṯendint n Wanṭakya, seȓmaḏen tbeccaren s wawaȓ n Siḏi Arebbi, niṯni ḏ waṭṭas n yiwḏan.

Ȓexḏayem 15:39

War tafqen qaƹ ḏi ṯmesȓayṯ-a, kuȓ ijjen manis ikka. Barnaba isafar ak Marqus ḏeg uɣarrabu ɣar Qubruṣ.

Ȓexḏayem 18:22

Wami yuweḍ ɣar ṯendint n Qayṣariya, igaƹƹeḏ ɣar Lquds iseǧem x jmaƹeṯ n ȓmuminin, ssenni yuyur ɣar ṯendint n Wanṭakya.

Ȓexḏayem 21:16

Uwin-aneɣ can n imeḥḍaren zi ṯendint n Qayṣariya bac a nnewjew ɣar yijjen n bnaḏem qqaren-as Mnasun netta zi ṯendint n Qubruṣ. Netta zeg imeḥḍaren imezwura.

Ȓexḏayem 21:2

Nufa ḏinni ijjen n uɣarrabu itraḥ ɣar jwayeh n Finiqya, nenya ḏayes nuyur.

Ȓexḏayem 3:26

Wami ḏawem d yuca Arebbi axeddam nnes Ƹisa, ḏ amezwaru issekk-awem-ṯ-iḏ i kenniw bac akenniw ibarek, iƹni aḏ isbeƹƹeḏ mkuȓ ijjen zzaywem x ccarr nnes."

Ȓexḏayem 4:36

Ḏinni ijjen qqaren-as Yusef, ƹaweḏ semman-ṯ arrusul s Barnaba iƹni Netta zi ccurfa n Ayṯ-Lawi ḏ mmis n ṯendint n Qubruṣ.

Ȓexḏayem 6:5

Iƹjeb-asen ȓḥaȓ i marra jmaƹeṯ. Kkaren ixḍaren ijjen n uryaz qqaren-as Stifan, netta iccur s lʼiman ḏ Arruḥ iqeddsen. Ixḍaren Filippas ḏ Brukurus ḏ Nikanur ḏ Timun ḏ Parminas ḏ Nikulas zeg Wanṭakya, tuɣa isȓem netta ḏi ddin n Ayṯ-Israʼil.

Ayṯ-Galaṭya 2:11

Fa wami d yusa Buṭrus ɣar ṯendint n Wanṭakya wajheɣ-ṯ aɣembub ḏeg uɣembub liʼanna igga ijjen n lɣaleṭ.