Ȓexḏayem 10:4 - Ṯarifiṯ 2020

⁴ Ixzar ḏayes Kurninyus mliḥ iggweḏ inna-as: "A siḏi, min ṯrezzuḏ?" Inna-as lmalak nni: "Qa ṯẓaǧiṯ nnec ḏ ṣṣaḏaqa nnec aqa iqbeȓ-iṯent zzayek Arebbi, netta qa ifqeḏ-icek.

Ȓexḏayem 10:4 Iomraidhean Croise

Matta 26:13

Aqa tesȓam ȓḥaqq: Mani ma yuweḍ Lʼinjil ḏi ddunect-a amen-ṯekmaȓ, ataf aḏ ƹawḏen x ṯemɣarṯ-a ḏ min ḏayi ṯegga am yijjen n ḏikra xas."

Luqa 1:29

Ḏinni Maryam ṯnexȓeƹ wami ṯesȓa i wawaȓen nnes, ṯrezzu aḏ tmeyyez min iƹna sȓam nni.

Luqa 24:5

Ggwḏent ṯemɣarin nni aṭṭas sejjḏent ɣar ṯmurṯ, nnan-asent ṯnayen n iṯarrasen nni: "Mayemmi ṯrezzunt x wenni iddaren jar yinni immuṯen?

Ȓexḏayem 10:31

Iqqar-ayi-d: A Kurninyus! Qa Arebbi istajeb-ac i ṯẓaǧiṯ nnec, ṣṣaḏaqa nnec ifekkar ḏayes.

Ȓexḏayem 14:9

Itsȓa i wawaȓ n Bulus. Ixzar ḏayes mliḥ Bulus, yufa ḏayes lʼiman iy zi ɣa igenfa.

Ȓexḏayem 22:10

Nniɣ-as nec: Min ɣa ggeɣ a Siḏi? Inna-ayi Siḏiṯneɣ: Kkar aḏef ɣar Dimaceq, aḏac itwanna ḏinni marra min yurin aḏ teggeḏ.

Ȓexḏayem 3:4

Buṭrus ḏ Yuḥanna xezzaren ḏayes mliḥ, inna-as Buṭrus: "Xzar-d ɣarneɣ!"

Ayṯ-Filippas 4:18

Ṭṭfeɣ ȓmuneṯ ṯekmaȓ zzaywem u ktar ƹaḏ. Ṯḏebbarem-ayi-d mliḥ wami qebȓeɣ zeg wumaṯneɣ Parfulitus lhadiyaṯ nni iy ḏayi d ṯessekkem. Niṯenti am yijjen ṣṣeḏqeṯ ṯetfuḥ ḏ yijjen n dbiḥeṯ iy ɣa iqbeȓ Arebbi iy ḏas ɣa iƹejben.

Ayṯ-Filippas 4:6

War kessim bu umnus x walu. S ṯẓaǧiṯ nwem ḏ dduƹaʼ nwem akiḏsen ccuker nwem aḏ tqeddmem marra ṯimesȓayin s ṭṭalabaṯ nwem i Arebbi.

Iƹibraniyen 13:16

U war tettuṯ ca aḏ teggem ȓxir aḏ tcarcem ak inneɣni minzi s dbiḥaṯ-a am ṯina iy ḏas iteƹjiben i Arebbi.

Iƹibraniyen 6:10

Iwa Arebbi, ma iticc ȓḥaqq ma lla? Wah, Arebbi war itettu ca ȓxeḏmeṯ nwem ḏ ȓemḥibbeṯ nni ḏas d ṯseḍharem wami ṯƹawnem ṣṣaliḥin. U ƹaḏ teggem manaya.

Lwaḥi 8:4

Ddexxan n tbaxur-a ak ṯẓaǧiṯ n ȓmuminin ṣṣaliḥin igaƹƹeḏ zeg ufus n lmalak-a wanita ɣar ujenna zzaṯ i Arebbi.