Ȓexḏayem 1:1 - Ṯarifiṯ 2020

^1-2 A si Tawfilus, lkitab amezwaru iy uriɣ nec ḏayes marra min igga Ƹisa ḏ min iseȓmaḏ aȓ nhar nni wami itwarfeƹ. Netta qbeȓ ma aḏ itwarfeƹ, iweṣṣa s Arruḥ iqeddsen arrusul iy tuɣa ixḍar inna-asen min ɣa ggen.

Ȓexḏayem 1:1 Iomraidhean Croise

Matta 11:5

iḍarɣaȓen twaȓan, izeḥḥafen gguren, yinni iy ḏi iǧa jḏam genfan, iḏehcuren tesȓan, yinni immuṯen tnekkaren-d, ȓmusakin twabeccaren.

Luqa 1:24

Menbaƹd ṯeysi ṯemɣarṯ nnes Ilizabet aƹeddis ṯeqqim xems chur ṯesnuffar ixef nnes.

Luqa 1:3

A siḏi uȓa ḏ nec tɣiȓ-ayi mliḥ aḏ ggeɣ aḏ ariɣ min iweqƹen wami beḥṯeɣ ḏi marra manaya mliḥ. Aḏac ṯ ariɣ ṯa s ṯa ḥima aḏ tessneḏ ȓḥaqq n ṯmesȓayin nni iy ḏac seȓmaḏen.

Luqa 14:22

Inna-as uxeddam: Aqayi ggiɣ min ḏayi ṯenniḏ a siḏi walakin ƹaḏ qqimen imucan xwan.

Luqa 24:19

Inna-asen Ƹisa: "Min iweqƹen ḏinni?" Nnan-as: "Qa Ƹisa naṣiri tuɣa iǧa ḏ ijjen n nnabi ɣares jjheḏ ḏi min itegg ḏ min iqqar zzaṯ i Arebbi ḏ marra iwḏan.

Luqa 3:23

Wami ibḏa Ƹisa ḏi ȓxeḏmeṯ nnes tuɣa ɣares ca n ṯȓaṯin iseggwusa. Tɣir-asen ḏ mmis n Yusef, n Ƹali,

Ȓexḏayem 2:22

Ay iryazen n Ayṯ-Israʼil, ṣennṭeṯ i min ḏawem ɣa iniɣ. Ƹisa-ya zi Naṣira min iƹna netta? Netta ḏ ijjen n uryaz itwaḍhar-d zi Arebbi i kenniw s lmuƹjizaṯ ḏ lburhanaṯ ḏ lƹalamaṯ ig igga Arebbi x ufus n Ƹisa jarawem mammec ṯessnem.