Lwaḥi 8:3 - Ṯarifiṯ 2020

³ Yusa-d ijjen n lmalak nneɣni ibedd ɣar ȓmeḏbaḥ, iysi-d ṯimejmarṯ nni itwaṣenƹen s ddheb. Immuc-as aṭṭas n tbaxur ḥima aḏ iqeddem tbaxur nni ak ṯẓaǧiṯ n ȓmuminin ṣṣaliḥin x ȓmeḏbaḥ n ddheb iǧan zzaṯ i lƹarc.

Lwaḥi 8:3 Iomraidhean Croise

Luqa 1:10

Wami itceƹƹaȓ tbaxur, marra ccaƹb nni iy ḏinni imunen qqimen ɣar barra i ṯemziḏa tẓaǧan.

Ayṯ-Ruma 8:34

Wi izemmaren axasen iḥkem? Uȓa ḏ ijjen! Liʼanna netta Ƹisa Lmasiḥ ig immuṯen. U ktar, ikkar-d zi ȓmewṯ u ḏ netta iy iǧan x ufusi n Arebbi, itcafaƹ ḏayneɣ.

Iƹibraniyen 7:25

X manaya yinni zzayes itqarraben ɣar Arebbi izemmar Ƹisa aṯen isenjem i ȓebda. Mayemmi? Liʼanna netta iddar i ȓebda aḏaysen itcafaƹ.

Iƹibraniyen 9:4

Ḏayes ȓmejmar n tbaxur icellel s ddheb, u ḏ tabut n ȓƹaheḏ marra iɣezḏisen nnes u ḏ ṯisi nnes celllen s ddheb. Ḏi tabut-a ḏayes aqnuc itwaṣenneƹ s ddheb, aqnuc nni ḏayes aɣrum umi qqaren lmanna. Tabut-a ƹaweḏ ḏayes ṯaɣȓiṯ n Harun ṯnewwar, ḏ ṯeȓwiḥin n ƹecra n ȓuṣiyaṯ.

Lwaḥi 10:1

Ẓriɣ ijjen n lmalak nneɣni ijheḏ ihwa-d zeg ujenna, inneḍ-as-d useynu. X uzeǧif nnes ijjen n ṯesȓiṯ n unẓar, aɣembub nnes igga am ṯfuct, iḍaren nnes ggin am ipilaren n ṯmessi.

Lwaḥi 14:18

Ikkar iffeɣ-d ijjen n lmalak nneɣni zi ȓmeḏbaḥ n ṯemziḏa ṯameqqrant ɣares ssulṭa x ṯmessi, iȓaɣa s jjheḏ inna-as i lmalak nni ɣar iǧa umjar iqḍeƹ: "Ysi amjar nnec, jmeƹ-d zzayes izekkunen n ṯzayarṯ n ṯmurṯ ȓaḥeqqac aḍiȓ ṯuweḍ-d ȓweqṯ nnes."

Lwaḥi 5:8

Wami iysi Lkitab-a, lmexluqaṯ nni s arbeƹa ḏ arbeƹa u ƹicrin n imɣaren nni sejjḏen-as i Yizmar. Mkuȓ ijjen zzaysen ɣares ṯgambrit ɣares ṯimejmarin ggin-ṯent s ddheb ƹemmarent s tbaxur, iƹni ḏ ṯẓaǧiṯ n ȓmuminin ṣṣaliḥin.

Lwaḥi 6:9

Izmar nni wami irzem acemmaƹ wis xemsa, ẓriɣ swadday i ȓmeḏbaḥ buḥbeȓ n yinni itwanɣen ƹlaḥsab awaȓ n Arebbi ḏ chaḏeṯ iy cehḏen.

Lwaḥi 7:2

Ẓriɣ ijjen n lmalak nneɣni itgaƹƹaḏ-d zi ccarq iysi-d ṭṭabaƹ n Arebbi iddaren, iȓaɣa s yijjen n ṯmijja ṯejheḏ i arbeƹa n lmalaʼikaṯ nni ṯinni umi immuc jjheḏ ḥima aḏ ḍeyyƹent ȓbarr ḏ ȓebḥar.

Lwaḥi 8:4

Ddexxan n tbaxur-a ak ṯẓaǧiṯ n ȓmuminin ṣṣaliḥin igaƹƹeḏ zeg ufus n lmalak-a wanita ɣar ujenna zzaṯ i Arebbi.

Lwaḥi 8:5

Iysi lmalak-a ṯimejmarṯ nni n tbaxur, iƹemmar-it s ṯmessi n ȓmeḏbaḥ, izeǧeƹ-it ɣar ṯmurṯ. Iwqeƹ wajjaj ḏ iɣuyan ḏ wassam ḏ zzinzal.

Lwaḥi 9:13

Ṯekkar lmalaʼika wis setta ṯṣuḍ ḏi zzammar nnes uca sȓiɣ i yijjen n ṯmijja ṯendeq-d zi arbeƹa nni n waccawen n ȓmeḏbaḥ n ddheb iy iǧan zzaṯ i Arebbi.