Lwaḥi 8:2 - Ṯarifiṯ 2020

² Ẓriɣ sebƹa n lmalaʼikaṯ iy itbeddan zzaṯ i Arebbi, immuc-asent sebƹa n zzwammar.

Lwaḥi 8:2 Iomraidhean Croise

Matta 18:10

Ɣarwem aḏ tḥeggarem can ḥadd zeg imezyanen-a. Qqareɣ-awem: Lmalaʼikaṯ nsen ḏeg ujenna ȓebda xezzarent Baba iǧan ḏeg ujenna.

Matta 24:31

Aḏ iṣuḍ ijjen n zzammar ḏ ameqqran, aḏ d issekk lmalaʼikaṯ nnes ɣar arbeƹa n imucan n ṯmurṯ manis d itekk arriḥ: zi ccarq ḏ lɣarb ḏ ljanub ḏ ccamal. Aḏ d ismun yinni ixḍar zi ȓaḥedd n ujenna aȓ ȓaḥedd nnes nneɣni.

Luqa 1:19

Indeq-d lmalak nni inna-as: "Qa nec ḏ Jibril ḏ wenni itbeddan zzaṯ i Arebbi, issekk-ayi-d Arebbi ɣarec bac akic ssiwȓeɣ aḏac iniɣ ȓexbar-a isfarraḥen.

Luqa 21:36

Ḥḍaṯ, ẓaǧem ḏi mkuȓ ȓweqṯ ḥima ataf ṯzemmarem aḏ tnejmem zi marra min ɣa iweqƹen aḏ tbeddem zzaṯ i Mmis n bnaḏem."

1 Ayṯ-Salunik 4:16

Liʼanna Siḏiṯneɣ aqa aḏ d ihwa s yixef nnes zeg ujenna s yijjen n ṯɣuyyeṯ ṯemɣar ḏ yijjen n ṯmijja n lmalak nni ameqqran ḏ zzammar nni itṣuḍen n Arebbi, ȓexddenni imettinen tuɣa yumnen zi Lmasiḥ aḏ d kkaren ḏ imezwura.

Lwaḥi 1:4

Zi Yuḥanna ɣar sebƹa n ṯjumaƹ n ȓmuminin ḏi lʼiqlim n Asya. Akiḏwem yiȓi arḍa ḏ ȓehna zeg wenni ig iǧan, tuɣa iǧa, ƹaḏ aḏ d yas. Akiḏwem yiȓi arḍa zi sebƹa n arruḥaṯ ig iǧan zzaṯ i lƹarc nnes.

Lwaḥi 11:15

Ṯekkar lmalaʼika wis sebƹa ṯṣuḍ ḏi zzammar nnes, uca ṯimijjawin ḏeg ujenna qqarent s jjheḏ: "Iḏweȓ ȓeḥkam n ddunect-a ḏeg ifassen n Siḏi Arebbi nneɣ ḏ Lmasiḥ nnes, aḏ iḥkem i ȓebda n ȓebdaṯ."

Lwaḥi 15:1

Ẓriɣ ijjen n lƹalama nneɣni ḏ ṯameqqrant ḏeg ujenna isḏehhacen, iƹni sebƹa n lmalaʼikaṯ ɣarsent sebƹa n lmuṣibaṯ ṯineggura, zzaysent iy ɣa itwakemmeȓ uɣḍab n Arebbi.

Lwaḥi 16:1

Sȓiɣ i yijjen n ṯmijja ṯendeq-d zi ṯemziḏa ṯameqqrant ṯeqqar-asent i sebƹa nni n lmalaʼikaṯ s jjheḏ: "Ruḥent zeǧƹent sebƹa n ṯmejmarin n uɣḍab n Arebbi x ṯmurṯ."

Lwaḥi 8:13

Xzareɣ, sȓiɣ i yijjen n nser iṭṭaw ḏi ȓwesṭ n ujenna iȓaɣa s jjheḏ inna: "Ya tamara, ya tamara, ya tamara x imezḏaɣ n ṯmurṯ ƹlaḥsab ṯȓaṯa n lmalaʼikaṯ nni ig iqqimen ƹaḏ war ṣuḍent ca ḏi zzwammar nsent."

Lwaḥi 8:6

Sebƹa n lmalaʼikaṯ nni iy ɣar ǧant sebƹa n zzwammar sewjaḏent ixef nsent ḥima aḏaysen ṣuḍent.

Lwaḥi 9:1

Ṯekkar lmalaʼika wis xemsa ṯṣuḍ ḏi zzammar nnes uca ẓriɣ ijjen n yiṯri tuɣa iwḍa-d zeg ujenna x ṯmurṯ. Immuc-as i yiṯri nni ȓmeftaḥ n wanu nni itawin ɣar ȓaǧeɣ bȓa ȓaḥedd.