Lwaḥi 7:9 - Ṯarifiṯ 2020

⁹ Menbaƹd i manaya xzareɣ, twaȓiɣ aṭṭas n ȓɣaci bȓa ȓeḥsab zi mkuȓ ȓgens ḏ ȓqum ḏ ccaƹb ḏ lluɣa, bedden zzaṯ i lƹarc ḏ zzaṯ i Yizmar ggin čammir ḏ acemȓaȓ, ḏeg ifassen nsen ṯaseṭṭa n tmar.

Lwaḥi 7:9 Iomraidhean Croise

Luqa 12:1

Ȓexddenni munen aṭṭas n uȓufaṯ n yiwḏan aȓ wami ḏewȓen ƹeffsen x wayawya. Ibḏa Ƹisa iqqar-asen i imeḥḍaren nnes: "Ḥḍam ixef nwem zi nnifaq n ȓḥizeb n ifarrisiyen iǧan am untun.

Luqa 21:36

Ḥḍaṯ, ẓaǧem ḏi mkuȓ ȓweqṯ ḥima ataf ṯzemmarem aḏ tnejmem zi marra min ɣa iweqƹen aḏ tbeddem zzaṯ i Mmis n bnaḏem."

Yuḥanna 12:13

Ysin afriwen n ṯcejjura n tmar bac azzayes reḥben ffɣen aṯ ȓqan s ȓefraḥeṯ. Tƹeyyaḍen qqaren lḥamdu i Arebbi! Ssaƹḏ n wanita iy d yusin ƹlaḥsab isem n Siḏi Arebbi, qa netta ḏ azeǧiḏ n Ayṯ-Israʼil!

Ayṯ-Ruma 11:25

Ay ayṯma, ḥima war ḏawem itiȓi ca ttakebbur rezzuɣ aḏ tfehmem ṯamesȓayṯ-a ṯanita inuffaren, iƹni Ayṯ-Israʼil ḏaysen ijjen n ṯɣennant war tɣimi ca i ȓebda. Aḏ teqqim aȓ ɣa ikemmeȓ lƹadad nni n ȓmuminin iy ɣa inejmen zeg yinni war iǧin ca zi Ayṯ-Israʼil.

Ayṯ-Ufasus 6:13

S manaya ysiṯ ɣarwem marra ȓesnaḥ n Arebbi bac war trekkwiȓem ca ḏi nhar n ccarr. U meȓa ṯeggim manaya marra, ataf aḏ tbeddem.

Iƹibraniyen 11:12

Ṯumma zi Brahim ḏ ijjen n uryaz iwsar ikemmeȓ, ijja-d ijjen n ddurriṯ am yiṯran iǧan ḏeg ujenna am yijḏi iǧan x cceṭṭ n ȓebḥar war izemmar ḥadd at iḥesseb.

Iƹibraniyen 12:22

Walakin kenniw ṯqarrbem-d ɣar Uḏrar n Ṣiyun iƹni ṯandint n Arebbi iddaren ḏ Lquds n ujenna, ḏayes aȓaf n uȓufaṯ n lmalaʼikaṯ.

Lwaḥi 11:15

Ṯekkar lmalaʼika wis sebƹa ṯṣuḍ ḏi zzammar nnes, uca ṯimijjawin ḏeg ujenna qqarent s jjheḏ: "Iḏweȓ ȓeḥkam n ddunect-a ḏeg ifassen n Siḏi Arebbi nneɣ ḏ Lmasiḥ nnes, aḏ iḥkem i ȓebda n ȓebdaṯ."

Lwaḥi 22:3

Zi ssenni aȓ ṯsawent war ḏinni tiȓi bu nnaƹȓeṯ. Lƹarc n Arebbi ḏ Yizmar aḏ yiȓi ḏi ṯendint-a, aṯ ƹebḏen lƹibad nnes.

Lwaḥi 3:18

Qa nec neṣṣḥeɣ-cek axafi ṯesɣeḏ ddheb itwaṣfan s ṯmessi ḥima aḏ tdewȓeḏ ḏ ttajar. Seɣ ƹaweḏ arruḍ ḏ acemȓaȓ ḥima aḏ tesarḍeḏ ixef nnec zi ṯuƹaryant nnec ƹaweḏ ḏ can ddwa ḥima aḏ tesgenfiḏ ṯiṭṭawin nnec ataf twaȓiḏ.

Lwaḥi 4:4

Nnḍen-as-d i lƹarc-a arbeƹa u ƹicrin n lƹarcaṯ, xasen arbeƹa u ƹicrin n imɣaren ggin arruḍ ḏ acemȓaȓ, kuȓ ijjen zzaysen ɣares ttaj n ddheb x uzeǧif nnes.

Lwaḥi 5:11

Ṯumma xzareɣ, sȓiɣ i ṯmijja n waȓaf n uȓufaṯ ḏ milyun n milyunaṯ n lmalaʼikaṯ tennḍent-as-d i lƹarc ḏ lmexluqaṯ ḏ imɣaren.

Lwaḥi 5:9

Tɣennajen s yijjen n yizȓi ḏ jḏiḏ qqaren: "Ḏ cek iy isḏaheǧen aḏ teysiḏ Lkitab aḏ terzmeḏ icemmaƹen nnes, ȓaḥeqqac twaɣarṣeḏ, ṯesnejmeḏ iwḏan i Arebbi s iḏammen nnec zi mkuȓ ȓqum ḏ lluɣa ḏ ccaƹb ḏ ȓgens.

Lwaḥi 6:11

Ṯumma immuc-asen marra ij-ij, čammir ḏ acemȓaȓ itwanna-yasen ƹaḏ aḏ teṣbarem cwayt aȓ ɣa itwakemmeȓ lƹadad nican n ayṯmaṯwem iy ɣa itwanɣen amecnaw kenniw, iƹni yinni iy iƹebbḏen am kenniw.

Lwaḥi 7:8

ṯenƹacar aȓaf zi Ayṯ-Zafulun, ṯenƹacar aȓaf zi Ayṯ-Yusef, ṯenƹacar aȓaf zi Ayṯ-Benyamin.